မဲခေါင်၊ ဩဂုတ် ၈
ဩဂုတ် ၆ ရက်နေ့က ပတ္တရားတွင် ကိုရီးယားနိုင်ငံသားတစ်ဦး နှိပ်စက်ညှင်းပန်းခံထားရကြောင်း ထိုင်းရှိ ကိုရီးယားသံရုံးထံ အကူအညီတောင်းခံခဲ့ရာ ထိုင်းပြည်ပခရီးသွားရဲတပ်ဖွဲ့မှ သွားရောက်ကယ်တင်ပြီး နောက် နောက်ကွယ်ရှိ ကျားဖြန့်ကွန်ရက် ထူထောင်ထားသူ ကိုရီးယားနှင့် တရုတ်နိုင်ငံသား ၂၂ ယောက်ကို ဖော်ထုတ် ဖမ်းဆီးနိုင်ခဲ့သည်။
အကူအညီတောင်းသော တောင်ကိုရီးယားနိုင်ငံသားကို ချွန်ဘူရီခရိုင် တစ်ထပ်အိမ်အတွင်း သွားရောက် ကယ်တင်နိုင်ခဲ့ကာ ၎င်းအား လည်ပင်းညှစ်ထားသည့် အရာများ၊ မျက်နှာ၊ ခေါင်းနှင့် တစ်ကိုယ်လုံးအား ဒဏ်ရာများစွာရရှိစေရန် နှိပ်စက်ထားသည့် လက္ခဏာများစွာဖြင့် ကယ်တင်နိုင်ခဲ့သည်။
ယင်း အမျိုးသားမှဖွင့်ဟမှုအရ တောင်ကိုရီးယားမှ ထိုင်းသို့ လာရောက်နေထိုင်ပြီး ကျားဖြန့်ကွန်ရက်ဖွဲ့ကာ ရာဇဝတ်မှုကျူးလွန်နေသော သံသယတရားခံ ၂၂ ဦးကို ပတ္တရားရှိ ရေကူးကန်ပါ ဇိမ်ခံအိမ်တစ်လုံးအတွင်း ဖမ်းဆီးရမိခဲ့ခြင်းဖြစ်သည်။
ဖမ်းဆီးရမိသူများက ဘန်လမန်းခရိုင်၊ ဟွေ့ယိုင်တွင် အခြေစိုက်ကာ ကျားဖြန့်လုပ်ငန်းများ လုပ်ဆောင်နေသည်ဟု ဝန်ခံ ထွက်ဆိုခဲ့ကြောင်းလည်း သိရသည်။
ကွန်ရက်ရှိရာ နေအိမ်များအား စုံစမ်းသိရှိရပြီးနောက် လိုက်လံစီးနင်းရှာဖွေရာ ကွန်ပျူတာနှင့် လက်တော့ ၁၇ လုံး၊ ဖုန်း ၁၅ လုံး သိမ်းဆည်းရမိခဲ့သည်။
ကိုကလင်း
Ref: Khaosod
#MeKongNews
#ကျားဖြန့်
#တောင်ကိုရီးယား
#ပတ္တရား
#နှိပ်စက်ခံရ
