မဲခေါင်၊ ဇွန် ၃
ဂွါတီမာလာနိုင်ငံမြောက်ပိုင်းတွင် အကျယ်အဝန်း စတုရန်းမိုင် ၆ မိုင်ရှိသည့် ပိရမစ်များ၊ သောက်သုံး ရေသန့်စင်စနစ်ပါ တူးမြောင်းများ၊ ရှေးဟောင်း ပန်းချီ၊ ပန်းပုလက်ရာအဆောက်အအုံများပါ မယာခေတ် ပျောက်ဆုံးနေသော မြို့ကြီးကို ရှေးဟောင်း သုတေသနပညာရှင်များ ရှာဖွေတွေ့ရှိနိုင်ခဲ့ သည်။
ဂွါတီမာလာနိုင်ငံ Tikal အမျိုးသားဥယျာဉ်အနီး ကိုလံဘီယာလူ့အဖွဲ့အစည်းခေတ်ကြို ရှေးဟောင်း မာယာ လူမျိုးများနေထိုင်ခဲ့သည့် Los Abuelos အမည်ရ ပျောက်ဆုံးမြို့တော်ကြီးကို ရှာဖွေတွေ့ ရှိခဲ့ခြင်းဖြစ်ကာ လွန်ခဲ့သည့်နှစ် ၃၀၀၀ နီးပါးက ပိရမစ်များ၊ ရေတူးမြောင်းများ၊ ပန်းချီပန်းပု လက်ရာများကို အတိုင်းသား မူမပျက်ရှာဖွေတွေ့ရှိခြင်းမှာ သမိုင်းဝင် ယဉ်ကျေးမှုဆိုင်ရာ အမြင်သစ်များကို ရှာဖွေလေ့လာ သိမြင်နိုင်စေမည်ဟု ရှေးဟောင်း သုနေသနပညာရှင်များက ဝမ်းသာ ဂုဏ်ယူစွာ ဟစ်ကြွေးခဲ့ကြသည်။
မြို့အမည် Los Abuelos မှာ စပိန်ဘာသာဖြင့်ဆိုလျှင် အဘိုးအဘွားများမြို့ဟု အဓိပ္ပါယ်ရကာ ဘိုးဘွား မောင်နှံပုံ ကျောက်ဆစ်ရုပ်လက်ရာကိုလည်း တွေ့ရှိခဲ့ရသည်။
တွေ့ရှိခဲ့သည့် အထိမ်းအမှတ် အဆောက် အအုံများသည် အလယ် Preclassic ခေတ် ၈၀၀ နှင့် ၅၀၀ ဘီစီကြားခေတ်ကို ဖော်ညွှန်းနေကာ ၁၀၈ ပေ မြင့်သော ပိရမစ်ကြီးအနီး မြို့ ရေသန့်စနစ် တူးမြောင်းများဖြင့် ဖောက်လုပ်ထားသည်ကိုလည်း တွေ့ရှိခဲ့သည်။
ယခု အသစ်တွေ့ရှိသော ပျောက်ဆုံးရှေးဟောင်းမြို့တော်ကြီးနှင့် မနီးမနားတွင် ယခင်ကတည်းက ရှေးဟောင်းမြို့များဖြစ်သော Petnal နှင့် Cambraya ဆိုသည့် မြို့ဟောင်းများလည်း ရှိနေသည်။
ကိုကလင်း
Ref:Thesun
#MeKongNews
#ဂွါတီမာလာ
#ပိရမစ်
#မာယာခေတ်
#ရှေးဟောင်းမြို့တော်
