မဲခေါင်၊ ဧပြီ ၂၆
တရုတ်နိုင်ငံသား စုံတွဲတစ်တွဲသည် တောင်ကိုရီးယားရှိ အမေရိကန်အခြေစိုက် လေတပ်စခန်းအနီး ၂ ကြိမ်တိုင်လာရောက်ကာ ဖိုက်တာဂျက်လေယာဉ်များကို မှတ်တမ်းတင်ရိုက်ကူးနေသည့်အတွက် ဧပြီ ၂၃ ရက်၌ ဖမ်းဆီးခဲ့ကြောင်း သိရသည်။
ဂျုံဂီနမ်ဘူခရိုင်ရဲအေဂျင်စီနှင့် အမေရိကန်စစ်တပ် ထုတ်ပြန်ချက်အရ အမည်မဖော်ပြသော တရုတ်စုံတွဲသည် ဂျုံဂီခရိုင်၊ ပြုံတပ်ခ်ရှိ အမေရိကန်၏ အိုဆန်လေတပ်အခြေစိုက်စခန်းအနီး မှတ်တမ်းတင် ရိုက်ကူးမှုလုပ်နေသည်ကို တွေ့ရှိရကာ ထိုစုံတွဲသည် လွန်ခဲ့သည့် ၂ ရက်ကလည်း ထိုပုံစံအတိုင်း လာရောက်မှတ်တမ်းယူနေသဖြင့် သူလျှိုလုပ်သည့် သံသယဖြင့် ဖမ်းဆီးခဲ့ခြင်းဖြစ်သည်ဟု ဆိုသည်။
ပထမတစ်ကြိမ်တွင် အမျိုးသားထောက်လှမ်းရေးနှင့် ကာကွယ်ရေး တန်ပြန်ထောက်လှမ်းမှုကွပ်ကဲရေး အဖွဲ့မှ ပူးပေါင်းဖမ်းဆီးစစ်ဆေးရာ သူလျှိုလုပ်သည့် ဝိသေသ မတွေ့ရှိရသဖြင့် ၈ နာရီကြာ စစ်ဆေးပြီးနောက် ပြန်လည်လွှတ်ပေးခဲ့ကြောင်း၊ ဒုတိယအကြိမ်တွင်လည်း ရဲတပ်ဖွဲ့က ဥပဒေချိုးဖောက်သည်ကို မတွေ့ရှိရဘဲ ပျံသန်းနေသော လေယာဉ်များကိုသာ မှတ်တမ်းတင် ဓာတ်ပုံရိုက်ခဲ့သည်ဟု ထွက်ဆိုခဲ့ရာ ဥပဒေအရ ဘောင်လွတ်သဖြင့် ထပ်မံ လွှတ်ပေးခဲ့ရသည်ဟု သိရသည်။
ယခုဧပြီလဆန်းပိုင်းတွင်လည်း တရုတ်ဆယ်ကျော်သက် ၂ ဦးသည် တောင်ကိုရီးယားရှိ လေတပ် အခြေစိုက်စခန်းအနီး ဖိုက်တာဂျက်လေယာဉ်များကို မှတ်တမ်းတင် ဓာတ်ပုံရိုက်ကူးနေသည်ကို တွေ့ရှိခဲ့ရသေးပြီး ထိုထဲမှ လူငယ်တစ်ဦးက ၎င်း၏ ဖခင်သည် တရုတ်ပြည်သူ့လုံခြုံရေး ဗျူရိုတွင် အလုပ်လုပ်ကြောင်း ထွက်ဆိုခဲ့သည်။
တရုတ်စပိုင်များသည် ပညာရေးစကော်လာများဖြင့် နိုင်ငံတကာ သို့ ရောက်ရှိသင်ကြားနေစဉ် တရုတ်ကွန်မြူနစ်ပါတီ စေခိုင်းမှုဖြင့် သူလျှို့လုပ်မှုများကို နိုင်ငံတကာတွင် ပြုလုပ်နေကြောင်း သိရှိရပြီး အမေရိကန်အစိုးရက တရုတ်ကျောင်းသားများကို စကောလရှစ်ပေးခြင်း များပင် ရပ်ဆိုင်းသည်အထိ တားဆီးမှုများ ပြုလုပ်ခဲ့သည်။
ကိုကလင်း
Ref: koreatimes
#MeKongNews
#တောင်ကိုရီးယား
#အမေရိကန်
#တရုတ်
#စပိုင်
