မဲခေါင်၊ ဒီဇင်ဘာ ၁၄
ထိုင်းရဲတပ်ဖွဲ့က ဘန်ကောက်မှာ သူဖုန်းစားများလွန်းလို့ စီမံချက်ချ ဖမ်းဆီးရှင်းလင်းရာမှာ ထိုင်းနဲ့ ပြည်ပသား ၁၂ ယောက်ဖမ်းဆီးရမိခဲ့ပြီး သူဖုန်းစားတစ်ယောက်ဆီမှာ ငွေသားဘတ် ၃ သိန်းကျော်နဲ့ ဘဏ်စာရင်းထဲမှာ ဘတ် ၁ သန်းအထိ တွေ့ရှိခဲ့ရကြောင်း သိရှိရပါတယ်။
ဘန်ကောက်ရဲ့ စီးပွားရေးဧရိယာဖြစ်တဲ့ ဆက်ဟမ်ဗစ်လမ်းပေါ်က အာဆော့ခ်လမ်းနဲ့ နာနာလမ်းဧရိယာနား သူဖုန်းစားတွေ အများအပြားရှိနေပြီး နိုင်ငံ ပြည်ပခရီးသွားလုပ်ငန်းပုံရိပ်ကို ထိခိုက်စေတာကြောင့် ထိုင်း လူဝန်မှု ကြီးကြပ်ရေး၊ လုမ္ပဏီရဲတပ်ဖွဲ့နဲ့ လူသားလုံခြုံရေးနဲ့ လူမှုဖူလုံရေး အရာရှိတွေဟာ ဒီဇင်ဘာ ၁၂ ရက်ညမှာ ကွင်းဆင်း ဖမ်းဆီးစစ်ဆေးမှုတွေ လုပ်ဆောင်ခဲ့တာဖြစ်ပါတယ်။
ဒီ စီမံချက်မှာ ထိုင်းသူဖုန်းစား ၈ ယောက်၊ ကမ္ဘောဒီးယားနိုင်ငံသား ၂ ယောက်၊ လာအိုနဲ့ မြန်မာ သူဖုန်းစား တစ်ယောက်စီကို ဖမ်းဆီးရမိခဲ့ပြီး ပြည်ပသားသူဖုန်းစား ၄ ယောက်ဟာ တရားမဝင်နိုင်ငံအတွင်း ဝင်ရောက် နေထိုင်ခြင်းအမှုပါ ထပ်တိုးချမှတ်ခံရမယ်လို့ ဆိုပါတယ်။
ဖမ်းဆီးခံ သူဖုန်းစားတွေထဲက ထိုင်းအမျိုးသမီး တစ်ယောက်လက်ထဲမှာတင် ငွေသား ဘတ် ၃ သိန်းကျော်တွေ့ရပြီး ဘဏ်စာရင်းကို စစ်ဆေးရာမှာ ဘတ် ၁ သန်းကျော်ပါ ထပ်မံတွေ့ရှိရကာ ဒီငွေတွေအားလုံးကို တောင်းရမ်းခြင်းက ရရှိထားတာဖြစ်တယ်လို့ ဖွင့်ဟ ခဲ့ကြောင်း ရဲတပ်ဖွဲ့ တာဝန်ရှိသူက ထုတ်ပြန်ခဲ့ပါတယ်။ ဖမ်းဆီးရမိတဲ့ သူဖုန်းစားအားလုံးကို လုမ္ပဏီ ရဲစခန်းကို အပ်နှံခဲ့ကြောင်း သိရှိရပါတယ်။
Ref:bangkokpost
#MeKongNews
#သူတောင်းစား
#သူဖုန်းစား
#ဖမ်းမိ
#ထိုင်း
#ဘတ်သုံးသိန်း
#ဘဏ်စာရင်း
