နေ့စဥ်သတင်း

ရန်ကုန်မှာ ခိုးဆိုးလုယက်သူများ အုပ်စုဖွဲ့ သောင်းကျန်းနေပေမယ့် ဖမ်းဆီးသူမရှိ

မဲခေါင် 9 Sep - 2022
ရန်ကုန်မြို့မှာ အုပ်စုဖွဲ့ လုယက်မှု၊ ခါးပိုက်နှိုက်မှုတွေ နေ့စဉ် ဖြစ်ပေါ်နေပေမဲ့ တိုင်းကြားပါကလည်း စစ်ကောင်စီ လက်အောက်ခံရဲက ဖမ်းဆီးမှု မရှိလို့ ပြည်သူတွေ အခက်အခဲ ဖြစ်နေရတယ်လို့ ကမာရွတ်မြို့နယ်မှာ နေထိုင်သူ တစ်ဦးက ပြောပါတယ်။ “မီးပွိုင့်ထိပ်မှာ အဖွဲ့လိုက် နှိုက်ကြတာ၊ ဖမ်းပြီး ရဲစခန်းပို့လည်း စခန်းက ပြန်လွှတ်ပေးလိုက်တယ်။ ဖမ်းပေးတဲ့ သူတွေကို အဖွဲ့လိုက် ပြန်လာပြီး ရန်လုပ်ကြတာတွေ ရှိတော့ မကူညီကြတော့ဘူး” လို့ ၎င်းပြောပါတယ်။ ယခုနှစ်အတွင်း ခါးပိုက်နှိုက်ကို ကူညီ ဖမ်းဆီးပေးတဲ့ ဆိုက်ကားသမား တစ်ယောက် လှည်းတန်းထိပ်မှာ ဓားနဲ့ ထိုးသတ် ခံခဲ့ရပေမယ့် ကျူးလွန်သူတွေကို ခုချိန်ထိ မမိသေးဘူးလို့ သိရပါတယ်။ ရပ်ကွက် အတွင်းမှာ မြောင်းဖုံးတွေ

ရန်ကုန်မြို့မှာ အုပ်စုဖွဲ့ လုယက်မှု၊ ခါးပိုက်နှိုက်မှုတွေ နေ့စဉ် ဖြစ်ပေါ်နေပေမဲ့ တိုင်းကြားပါကလည်း စစ်ကောင်စီ လက်အောက်ခံရဲက ဖမ်းဆီးမှု မရှိလို့ ပြည်သူတွေ အခက်အခဲ ဖြစ်နေရတယ်လို့ ကမာရွတ်မြို့နယ်မှာ နေထိုင်သူ တစ်ဦးက ပြောပါတယ်။

“မီးပွိုင့်ထိပ်မှာ အဖွဲ့လိုက် နှိုက်ကြတာ၊ ဖမ်းပြီး ရဲစခန်းပို့လည်း စခန်းက ပြန်လွှတ်ပေးလိုက်တယ်။ ဖမ်းပေးတဲ့ သူတွေကို အဖွဲ့လိုက် ပြန်လာပြီး ရန်လုပ်ကြတာတွေ ရှိတော့ မကူညီကြတော့ဘူး” လို့ ၎င်းပြောပါတယ်။

ယခုနှစ်အတွင်း ခါးပိုက်နှိုက်ကို ကူညီ ဖမ်းဆီးပေးတဲ့ ဆိုက်ကားသမား တစ်ယောက် လှည်းတန်းထိပ်မှာ ဓားနဲ့ ထိုးသတ် ခံခဲ့ရပေမယ့် ကျူးလွန်သူတွေကို ခုချိန်ထိ မမိသေးဘူးလို့ သိရပါတယ်။

ရပ်ကွက် အတွင်းမှာ မြောင်းဖုံးတွေ လိုက်ခိုးနေတဲ့ အဖွဲ့တွေ ရှိပေမယ့် တိုင်ကြားလို့ရတဲ့ နေရာ မရှိဘူးလို့ မြောက်ဒဂုံမှာ နေထိုင်သူ တစ်ဦးက ပြောပါတယ်။

“သူတို့က လာခိုးပြီး ပြန်ရောင်းတော့ သံဈေးပဲ ရတာပေါ့။ ကိုယ့်မှာက ပြန်လုပ်ရတော့ အချိန်ရော ငွေပါကုန်တယ်။ အန္တရာယ်လည်း များတယ်။ သွားတိုင်စရာ နေရာလည်း မရှိဘူး။ ရဲစခန်း ဖုန်းဆက်တိုင်လည်း ဖုန်းကိုင်မယ့်သ ူမရှိဘူး” လို့ ၎င်းကပြောပါတယ်။

အဖွဲ့လိုက် လုယက်မှု ပြန်ပေးဆွဲမှုတွေ ပေါများနေပေမယ့် ဖမ်းဆီးမှုတွေ မရှိလို့ ကျူးလွန်သူတွေ ပိုများလာတယ်လို့ လသာမြို့နယ်မှာ နေထိုင်သူ တစ်ဦးက ပြောပါတယ်။

“ကားတံခါး လော့မပိတ်ပဲ မီးပွိုင့် မိနေရင် သတိထား၊ တံခါးဖွင့်ပြီး တက်လာကြတာ၊ ရှိသမျှ အကုန်ယူပြီးမှ ထွက်သွားကြတာ။ ဖမ်းမယ့်သူ မရှိတော့ စိတ်ကြိုက် လုပ်နေကြတာ။ နေ့ခင်း ကြောင်တောင်ကြီးမှာလည်း လုနေကြတာပဲ” လို့ ၎င်းကပြောပါတယ်။

ဒါ့အပြင် အငှားယာဉ်မောင်း တွေကိုလည်း ခရီးသည် ဟန်ဆောင်ကာ ပြန်ပေးဆွဲ လုယက်မှုတွေ လုပ်နေတယ်လို့ ယာဉ်မောင်း တစ်ဦးက ပြောပါတယ်။

“အသိတစ်ယောက် ကားကို လှိုင်သာယာဘက် ငှားတယ်။ ပြီးတော့ ဖုန်းဆက်ပြီး ငွေလွှဲခိုင်းတယ်။ ၂၅ သိန်း လွှဲပေးလိုက်မှ လူနဲ့ကားကို ပြန်လွှတ်ပေးတာ။ ကားသမားကလည်း ခရီးသည်ကို မယုံ၊ ခရီးသည်ကလည်း ကားသမားကို စိတ်မချ အဲ့လို ဖြစ်နေတာ” လို့ ၎င်းကပြောပါတယ်။

ရန်ကုန်တိုင်းမှာ ခိုးဆိုးလုယက်သူများကို စစ်ကောင်စီက မဖမ်းပေမယ့် နိုင်ငံရေးနဲ့ ပတ်သက်သူတွေကိုတော့ အကြောင်း အမျိုးမျိုးနဲ့ နေ့စဉ် ဖမ်းဆီးနေတယ်လို့ သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

နေ့စဥ်သတင်း

မြန်မာသတင်းသမားတွေ ရပိုင်ခွင့်နည်းပါးလွန်းသည်ကို ဆန့်ကျင်လှုပ်ရှားမှု IFJ ပြုလုပ်

နိုင်ငံတကာဂျာနယ်လစ်များအဖွဲ့ချုပ် – IJF က မြန်မာဂျာနယ်လစ်တွေ လုပ်ခလစာရပိုင်ခွင့်နည်းပါးလွန်းပြီး ရသင့်တဲ့သတင်းခ မရတာကို ဆန့်ကျင်တဲ့ လှုပ်ရှားမှုတစ်ရပ်အဖြစ် Anti-Wage Theft
နေ့စဥ်သတင်း

MPT ဖုန်းဘေလ် ခိုးနေတယ်လို့ သုံးစွဲသူတွေ ဝေဖန်

နိုင်ငံပိုင် အစုရှယ်ရာတွေ ပါဝင်တဲ့ ဖက်စပ် ဆက်သွယ်ရေး ကုမ္ပဏီ MPT ရဲ့ မိုဘိုင်းဖုန်း ဆင်းကတ် အသုံးပြုသူတွေ အနေနဲ့
နေ့စဥ်သတင်း

မြောက်ဥက္ကလာမှာ ဓားပြလာတိုက်သူတွေကို မိသားစုက ပြန်လည်ခုခံရာက ဓားပြ တစ်ဦးဖမ်းမိ

ရန်ကုန်တိုင်း၊ မြောက်ဥက္ကလာပမြို့နယ်၊ (ဌ) ရပ်ကွက်၊ ခေမာ (၂) လမ်းမှာရှိတဲ့ နေအိမ် တစ်လုံးကို အမျိုးသား ၄ ဦးက စက်တင်ဘာ ၁၇ နေ့က ဓားပြတိုက်ရာ နေအိမ်အတွင်းရှိ မိသားစုများက ပြန်လည် ခုခံရာက
နေ့စဥ်သတင်း

တောင်ကြီး မောချယ်ရီယာဉ်ရပ်နားစခန်းရှိ ဆိုင်ခန်းများကို စစ်ကောင်စီ အတင်းဖယ်ရှားခိုင်

ရှမ်းပြည်နယ်၏ မြို့တော် တောင်ကြီးမြို့၊ အနောက်မြို့ပါတ်လမ်း‌ဘေး၊ စဝ်စံထွန်းရပ်ကွက်ရှိ မောချယ်ရီယာဉ်ရပ်နားစခန်း ဆိုင်ခန်းများကို အာဏာသိမ်း စစ်ကောင်စီက အတင်းဖယ်ရှားခိုင်းသဖြင့် ယင်းဆိုင်ခန်းများကို မှီခိုနေရသည့် ပြည်သူ ၆၀၀ကျော် အခက်ကြုံနေရကြောင်း သိရသည်။ အဆိုပါမောချယ်ရီယာဉ်ရပ်နားစခန်းရှိ ဆိုင်ခန်းများကို ဖယ်ရှားပေးရန် ဆောက်လုပ်ရေး၀န်ကြီးဌာနမှ
နေ့စဥ်သတင်း

ဝါးခယ်မ စစ်ဆေးရေးတံတားဂိတ်တွင် စပါးရောင်းပြန်လာသူများထံမှ စစ်ကောင်စီငွေညှစ်

ဧရာဝတီတိုင်း၊ ဝါးခယ်မမြို့ဝင် စစ်ဆေးရေး တံတားဂိတ်တွင် စစ်ကောင်စီ တပ်သားများမှ ငွေညှစ် တောင်းခံမှုကြောင့် စပါးရောင်းချပြီး ပြန်လာသူ လယ်သမားများ အခက်ခဲကြုံတွေ့နေရသည်ဟု ဒေသခံလယ်သမားများထံမှ နိုဝင်ဘာလ ၁၅ရက်က သိရသည်။ ကျေးရွာလယ်သမားအများစု စပါးရောင်းချရန်အတွက် မြို့ဝင်စစ်ဆေးရေးတံတားဂိတ် ရောက်သည်နှင့်
နေ့စဥ်သတင်း

ရခိုင်ပြည်နယ်မှစစ်ဘေးရှောင်စခန်းများတွင် ရာသီတုပ်ကွေးဖြစ်ပွားမှုများနေ

ရခိုင်ပြည်နယ်ရှိ စစ်ဘေးရှောင်စခန်းများတွင် နေထိုင်ကြသူများကို ရာသီတုပ်ကွေးကူးစက်မှုမြင့်တက်နေသည်။ ကျော်တော်မြိုမှ ညောင်ချောင်းစစ်ဘေးရှောင်စခန်းတွင် ဖျားနာခြင်း၊ နှာမွှန်ခြင်း၊ ချောင်းဆိုးခြင်းနှင့် ကိုယ်လက်ကိုက်ခဲခြင်းကဲ့သို ရောဂါလက္ခဏာများ ခံစားနေရသူ အများအပြားရှိသည်ဟု စခန်းတာဝန်ခံ ကိုခိုင်မျိုးအောင်က ပြောသည်။ စစ်ရှောင်မိသားစုတစုတိုင်းတွင် တယောက်အနည်းဆုံး ရာသီတုပ်ကွေးကူစက်နေပြီး စခန်းများတွင်