နေ့စဥ်သတင်း

ရခိုင်ပြည်နယ်မှစစ်ဘေးရှောင်စခန်းများတွင် ရာသီတုပ်ကွေးဖြစ်ပွားမှုများနေ

မဲခေါင် 12 Nov - 2021
ရခိုင်ပြည်နယ်ရှိ စစ်ဘေးရှောင်စခန်းများတွင် နေထိုင်ကြသူများကို ရာသီတုပ်ကွေးကူးစက်မှုမြင့်တက်နေသည်။ ကျော်တော်မြိုမှ ညောင်ချောင်းစစ်ဘေးရှောင်စခန်းတွင် ဖျားနာခြင်း၊ နှာမွှန်ခြင်း၊ ချောင်းဆိုးခြင်းနှင့် ကိုယ်လက်ကိုက်ခဲခြင်းကဲ့သို ရောဂါလက္ခဏာများ ခံစားနေရသူ အများအပြားရှိသည်ဟု စခန်းတာဝန်ခံ ကိုခိုင်မျိုးအောင်က ပြောသည်။ စစ်ရှောင်မိသားစုတစုတိုင်းတွင် တယောက်အနည်းဆုံး ရာသီတုပ်ကွေးကူစက်နေပြီး စခန်းများတွင် လူကြပ်သိပ်နေသဖြင့် ကူးစက်မှုပိုများလာသည်ဟုလည်း ပြောသည်။ တလလျှင် ၃ ကြိမ် စစ်ရှောင်များကိုသင့်လျော်သည့်ကျန်းမာရေးစစ်ဆေးမှုများပြုလုပ်ရေး စခန်းများတွင် ဆေးခန်းများဖွင့်ရန် အာဏာပိုင်များက ကျန်းမာရေးဌာနကို ညွှန်ကြားထားသော်လည်း မြေပြင်မှ စစ်ရှောင်များကို လုံလောက်သောကျန်းမာရေးဝန်ဆောင်မှုများပေးရန် ကျန်းမာရေးဝန်ထမ်းများရုန်းကန်နေရသည်။ “ ကျန်းမာရေးဌာနအနေနဲ့ ရာသီတုပ်ကွေးဖြစ်နေတဲ့စစ်ရှောင်တွေကို ကျန်းမာရေးစောင့်ရှောက်မှုအပြည့်အဝပေးစေချင်တယ်။ ကူးစက်မှုကြောင့် ရုန်းကန်နေရတဲ့စစ်ရှောင်တွေဟာ လုံလောက်တဲ့ကျန်းမာရေးစောင့်ရှောက်မှုမရကြပါဘူး” ဟု ကိုခိုင်မျိုးအောင်က ဖြည့်စွက်ပြောဆိုသည်။ သက်ဆိုင်ရာမြိုနယ်များရှိစစ်ရှောင်စခန်းများမှလူများကို ကျန်းမာရေးစောင့်ရှောက်မှုများပေးနေပြီး တပတ်လျှင် ၂

ရခိုင်ပြည်နယ်ရှိ စစ်ဘေးရှောင်စခန်းများတွင် နေထိုင်ကြသူများကို ရာသီတုပ်ကွေးကူးစက်မှုမြင့်တက်နေသည်။

ကျော်တော်မြိုမှ ညောင်ချောင်းစစ်ဘေးရှောင်စခန်းတွင် ဖျားနာခြင်း၊ နှာမွှန်ခြင်း၊ ချောင်းဆိုးခြင်းနှင့် ကိုယ်လက်ကိုက်ခဲခြင်းကဲ့သို ရောဂါလက္ခဏာများ ခံစားနေရသူ အများအပြားရှိသည်ဟု စခန်းတာဝန်ခံ ကိုခိုင်မျိုးအောင်က ပြောသည်။

စစ်ရှောင်မိသားစုတစုတိုင်းတွင် တယောက်အနည်းဆုံး ရာသီတုပ်ကွေးကူစက်နေပြီး စခန်းများတွင် လူကြပ်သိပ်နေသဖြင့် ကူးစက်မှုပိုများလာသည်ဟုလည်း ပြောသည်။

တလလျှင် ၃ ကြိမ် စစ်ရှောင်များကိုသင့်လျော်သည့်ကျန်းမာရေးစစ်ဆေးမှုများပြုလုပ်ရေး စခန်းများတွင် ဆေးခန်းများဖွင့်ရန် အာဏာပိုင်များက ကျန်းမာရေးဌာနကို ညွှန်ကြားထားသော်လည်း မြေပြင်မှ စစ်ရှောင်များကို လုံလောက်သောကျန်းမာရေးဝန်ဆောင်မှုများပေးရန် ကျန်းမာရေးဝန်ထမ်းများရုန်းကန်နေရသည်။

“ ကျန်းမာရေးဌာနအနေနဲ့ ရာသီတုပ်ကွေးဖြစ်နေတဲ့စစ်ရှောင်တွေကို ကျန်းမာရေးစောင့်ရှောက်မှုအပြည့်အဝပေးစေချင်တယ်။ ကူးစက်မှုကြောင့် ရုန်းကန်နေရတဲ့စစ်ရှောင်တွေဟာ လုံလောက်တဲ့ကျန်းမာရေးစောင့်ရှောက်မှုမရကြပါဘူး” ဟု ကိုခိုင်မျိုးအောင်က ဖြည့်စွက်ပြောဆိုသည်။

သက်ဆိုင်ရာမြိုနယ်များရှိစစ်ရှောင်စခန်းများမှလူများကို ကျန်းမာရေးစောင့်ရှောက်မှုများပေးနေပြီး တပတ်လျှင် ၂ ကြိမ်ကျန်းမာရေးစောင့်ရှောက်မှုပေးရန်စီစဉ်နေကြောင်း အကြမ်းဖက်စစ်တပ်လက်အောက်ခံ ရခိုင်ပြည်နယ်၊ ပြည်သူ့ကျန်းမာရေးဦးစီးဌာနမှ လက်ထောက်ညွှန်ကြားရေးမှူး ဒေါက်တာစိုးဝင်းပိုင်က ပြောသည်။

“ လက်ရှိတော့ ကျန်းမာရေးဝန်ထမ်းတွေလည်း COVID-19 ကာကွယ်ဆေးထိုးပေးနေကြတော့ စစ်ရှောင်စခန်းတွေသွားပြီး ကျန်းမာရေးစောင့်ရှောက်မှုတွေ မလုပ်ပေးနိုင်တာဖြစ်နိုင်ပါတယ်”  ဟုလည်း ဒေါက်တာစိုးဝင်းပိုင်က ရှင်းပြသည်။

စစ်ရှောင်စခန်းများမှ ရာသီတုပ်ကွေးကူးစက်ခံထားရသူများသည် ဆေးရုံများ၊ ဒေသဆေးခန်းများတွင် ကုသမှုခံယူရန် ငွေမရှိသောကြောင့် နီးစပ်ရာဆေးဆိုင်များမှ စပ်ဆေးများကို အားကိုးနေရသည်ဟု မြောက်ဦးမြိုနယ်ရှိ ပိပယင်စစ်ရှောင်စခန်းမှ ဦးသိန်းကျော်မရ ကပြောသည်။

“ ကျွန်မဆို ရာသီတုပ်ကွေးကူးပြီးတော့ အိပ်ရာထဲကလည်းမထနိုင်ဘူး။ ဆေးလည်းမဝယ်နိုင်ဘူး။ ဒါကြောင့် ကျန်းမာရေးဝန်ထမ်းတွေနဲ့ အစိုးရအရာရှိကြီးတွေအနေနဲ့ စစ်ရှောင်တွေအတွက် ကျန်းမာရေးစောင့်ရှောက်မှုအပြည့်အဝပေးနိုင်အောင် လုပ်ပေးကြဖို ကျွန်မတိုက်တွန်းလိုပါတယ်ရှင့်”  ဟု မြောက်ဦးမြိုရှိ မြတဒေါင်းစစ်ရှောင်စခန်းမှစစ်ရှောင်အမျိုးသမီးတယောက်ကပြောသည်။

လူကြီးများနှင့် ကလေးငယ်များသည် ရာသီတုပ်ကွေးကူးစက်မှုအကြုံရနိုင်ဆုံးသူများဖြစ်ကြောင်း စခန်းတာဝန်ခံများကပြောသည်။

စစ်ရှောင်စခန်းများတွင် အစားအစာပြတ်လပ်မှုများလည်းရှိနေသည်။

မိုးအကုန်၊ ဆောင်းအကူးတွင် ရာသီတုပ်ကွေးအဖြစ်များပြီး ကိုယ်ခံအားနည်းသူများကို ကူးစက်လွယ်ကြောင်း စစ်တွေမြိုရှိဝေဘူလဆေးခန်းမှ အထွေထွေရောဂါကုဆရာဝန် ဒေါက်တာမျိုးညွန့်ကပြောသည်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

နေ့စဥ်သတင်း

မြန်မာသတင်းသမားတွေ ရပိုင်ခွင့်နည်းပါးလွန်းသည်ကို ဆန့်ကျင်လှုပ်ရှားမှု IFJ ပြုလုပ်

နိုင်ငံတကာဂျာနယ်လစ်များအဖွဲ့ချုပ် – IJF က မြန်မာဂျာနယ်လစ်တွေ လုပ်ခလစာရပိုင်ခွင့်နည်းပါးလွန်းပြီး ရသင့်တဲ့သတင်းခ မရတာကို ဆန့်ကျင်တဲ့ လှုပ်ရှားမှုတစ်ရပ်အဖြစ် Anti-Wage Theft
နေ့စဥ်သတင်း

MPT ဖုန်းဘေလ် ခိုးနေတယ်လို့ သုံးစွဲသူတွေ ဝေဖန်

နိုင်ငံပိုင် အစုရှယ်ရာတွေ ပါဝင်တဲ့ ဖက်စပ် ဆက်သွယ်ရေး ကုမ္ပဏီ MPT ရဲ့ မိုဘိုင်းဖုန်း ဆင်းကတ် အသုံးပြုသူတွေ အနေနဲ့
နေ့စဥ်သတင်း

မြောက်ဥက္ကလာမှာ ဓားပြလာတိုက်သူတွေကို မိသားစုက ပြန်လည်ခုခံရာက ဓားပြ တစ်ဦးဖမ်းမိ

ရန်ကုန်တိုင်း၊ မြောက်ဥက္ကလာပမြို့နယ်၊ (ဌ) ရပ်ကွက်၊ ခေမာ (၂) လမ်းမှာရှိတဲ့ နေအိမ် တစ်လုံးကို အမျိုးသား ၄ ဦးက စက်တင်ဘာ ၁၇ နေ့က ဓားပြတိုက်ရာ နေအိမ်အတွင်းရှိ မိသားစုများက ပြန်လည် ခုခံရာက
နေ့စဥ်သတင်း

ရန်ကုန်မှာ ခိုးဆိုးလုယက်သူများ အုပ်စုဖွဲ့ သောင်းကျန်းနေပေမယ့် ဖမ်းဆီးသူမရှိ

ရန်ကုန်မြို့မှာ အုပ်စုဖွဲ့ လုယက်မှု၊ ခါးပိုက်နှိုက်မှုတွေ နေ့စဉ် ဖြစ်ပေါ်နေပေမဲ့ တိုင်းကြားပါကလည်း စစ်ကောင်စီ လက်အောက်ခံရဲက ဖမ်းဆီးမှု မရှိလို့ ပြည်သူတွေ အခက်အခဲ ဖြစ်နေရတယ်လို့ ကမာရွတ်မြို့နယ်မှာ နေထိုင်သူ တစ်ဦးက ပြောပါတယ်။ “မီးပွိုင့်ထိပ်မှာ အဖွဲ့လိုက်
နေ့စဥ်သတင်း

တောင်ကြီး မောချယ်ရီယာဉ်ရပ်နားစခန်းရှိ ဆိုင်ခန်းများကို စစ်ကောင်စီ အတင်းဖယ်ရှားခိုင်

ရှမ်းပြည်နယ်၏ မြို့တော် တောင်ကြီးမြို့၊ အနောက်မြို့ပါတ်လမ်း‌ဘေး၊ စဝ်စံထွန်းရပ်ကွက်ရှိ မောချယ်ရီယာဉ်ရပ်နားစခန်း ဆိုင်ခန်းများကို အာဏာသိမ်း စစ်ကောင်စီက အတင်းဖယ်ရှားခိုင်းသဖြင့် ယင်းဆိုင်ခန်းများကို မှီခိုနေရသည့် ပြည်သူ ၆၀၀ကျော် အခက်ကြုံနေရကြောင်း သိရသည်။ အဆိုပါမောချယ်ရီယာဉ်ရပ်နားစခန်းရှိ ဆိုင်ခန်းများကို ဖယ်ရှားပေးရန် ဆောက်လုပ်ရေး၀န်ကြီးဌာနမှ
နေ့စဥ်သတင်း

ဝါးခယ်မ စစ်ဆေးရေးတံတားဂိတ်တွင် စပါးရောင်းပြန်လာသူများထံမှ စစ်ကောင်စီငွေညှစ်

ဧရာဝတီတိုင်း၊ ဝါးခယ်မမြို့ဝင် စစ်ဆေးရေး တံတားဂိတ်တွင် စစ်ကောင်စီ တပ်သားများမှ ငွေညှစ် တောင်းခံမှုကြောင့် စပါးရောင်းချပြီး ပြန်လာသူ လယ်သမားများ အခက်ခဲကြုံတွေ့နေရသည်ဟု ဒေသခံလယ်သမားများထံမှ နိုဝင်ဘာလ ၁၅ရက်က သိရသည်။ ကျေးရွာလယ်သမားအများစု စပါးရောင်းချရန်အတွက် မြို့ဝင်စစ်ဆေးရေးတံတားဂိတ် ရောက်သည်နှင့်