နေ့စဥ်သတင်း

မြန်မာသတင်းသမားတွေ ရပိုင်ခွင့်နည်းပါးလွန်းသည်ကို ဆန့်ကျင်လှုပ်ရှားမှု IFJ ပြုလုပ်

မဲခေါင် 11 Dec - 2022
နိုင်ငံတကာဂျာနယ်လစ်များအဖွဲ့ချုပ် – IJF က မြန်မာဂျာနယ်လစ်တွေ လုပ်ခလစာရပိုင်ခွင့်နည်းပါးလွန်းပြီး ရသင့်တဲ့သတင်းခ မရတာကို ဆန့်ကျင်တဲ့ လှုပ်ရှားမှုတစ်ရပ်အဖြစ် Anti-Wage Theft Campaign တစ်ရပ်ပြုလုပ် နေပါတယ်။ ဒီလှုပ်ရှားမှုကို ကမ္ဘာ့အကြီးမားဆုံးဂျာနယ်လစ်အဖွဲ့အစည်းကြီးဖြစ်တဲ့ (ပရော်ဖက်ရှင်နယ် မီဒီယာ ပေါင်း ၆ သိန်းပါဝင်) IJF နဲ့အတူ နော်ဝေဂျာနယ်လစ်များသမဂ္ဂ၊ မြန်မာဂျာနယ်လစ်များကွန်ရက် – MJN နဲ့ မြန်မာ အမျိုးသမီးသတင်းထောက်များအသင်း – MWJS တို့ ပူးပေါင်းလုပ်ဆောင်ခဲ့တာဖြစ်တယ်။ မြန်မာနိုင်ငံဟာ ကမ္ဘာမှာ သတင်းသမားတွေကိုဖမ်းဆီးအကျဉ်းချမှု ဒုတိယအဆိုးရွားဆုံးနိုင်ငံဖြစ်နေပြီး စစ်ကောင်စီက အာဏာသိမ်းပြီးနောက် မီဒီယာတိုက်တွေအများအပြား ပိတ်သိမ်းခဲ့ရတဲ့အတွက် သတင်းသမား ပေါင်းရာချီပြီး အလုပ်ပြုတ်ခဲ့ရပါတယ်။ သတင်းအလုပ်ကို ပြည်တွင်းမှာအခြေစိုက်ပြီး ဆက်လုပ်နေကြသူတွေ ရှိသလို

နိုင်ငံတကာဂျာနယ်လစ်များအဖွဲ့ချုပ် – IJF က မြန်မာဂျာနယ်လစ်တွေ လုပ်ခလစာရပိုင်ခွင့်နည်းပါးလွန်းပြီး ရသင့်တဲ့သတင်းခ မရတာကို ဆန့်ကျင်တဲ့ လှုပ်ရှားမှုတစ်ရပ်အဖြစ် Anti-Wage Theft Campaign တစ်ရပ်ပြုလုပ် နေပါတယ်။

ဒီလှုပ်ရှားမှုကို ကမ္ဘာ့အကြီးမားဆုံးဂျာနယ်လစ်အဖွဲ့အစည်းကြီးဖြစ်တဲ့ (ပရော်ဖက်ရှင်နယ် မီဒီယာ ပေါင်း ၆ သိန်းပါဝင်) IJF နဲ့အတူ နော်ဝေဂျာနယ်လစ်များသမဂ္ဂ၊ မြန်မာဂျာနယ်လစ်များကွန်ရက် – MJN နဲ့ မြန်မာ အမျိုးသမီးသတင်းထောက်များအသင်း – MWJS တို့ ပူးပေါင်းလုပ်ဆောင်ခဲ့တာဖြစ်တယ်။

မြန်မာနိုင်ငံဟာ ကမ္ဘာမှာ သတင်းသမားတွေကိုဖမ်းဆီးအကျဉ်းချမှု ဒုတိယအဆိုးရွားဆုံးနိုင်ငံဖြစ်နေပြီး စစ်ကောင်စီက အာဏာသိမ်းပြီးနောက် မီဒီယာတိုက်တွေအများအပြား ပိတ်သိမ်းခဲ့ရတဲ့အတွက် သတင်းသမား ပေါင်းရာချီပြီး အလုပ်ပြုတ်ခဲ့ရပါတယ်။

သတင်းအလုပ်ကို ပြည်တွင်းမှာအခြေစိုက်ပြီး ဆက်လုပ်နေကြသူတွေ ရှိသလို နယ်စပ်ဒေသတွေကို ထွက်ပြေးပြီး လက်နက်ကိုင်တိုက်ပွဲတွေအထိ သတင်းလိုက်ယူရင်း အသက်ဆက်မွေးနေကြရသူတွေလည်း အများအပြားရှိနေခဲ့တယ်။

ဒီလိုအခြေအနေမှာ ပရော်ဖက်ရှင်နယ်အဖြစ် နှစ်ပေါင်းများစွာ သတင်းသမားလုပ်လာသူတွေကို (အထူးသဖြင့် ပြည်တွင်းမှာဆက်လည်ပတ်နေတဲ့ မီဒီယာတိုက်တွေ)၊ ပြည်ပအခြေစိုက်မီဒီယာတိုက်တွေ၊ နိုင်ငံတကာ မီဒီယာ တိုက်ကြီးတွေက ပြည်သူပြည်သားသတင်းသမားလို့ခေါ်ရမယ့် Citizen Journalist တွေကို ပေးတဲ့ သတင်းခ၊ ဓာတ်ပုံခ၊ ဗီဒီယိုခတွေလောက်သာ ပေးနေတဲ့အတွက် ဒီကမ်ပိန်းကို ပြုလုပ်ရတာဖြစ်ကြောင်း IJF ဝက်ဘ်ဆိုက်မှာ Campaign မှတ်တမ်းဗီဒီယိုဖိုင်တွေတင်ပြီး လှုပ်ရှားမှုစတင်တာဖြစ်ပါတယ်။

လွတ်လပ်တဲ့ မြန်မာသတင်းသမားတွေရဲ့ အသက်မွေး ဝမ်းကြောင်းပြုမှုကို လေးစားဖို့၊ ထိုက်တန်တဲ့ သတင်းခ၊ လစာတွေပေးဖို့နဲ့ နိုင်ငံတကာသတင်းမီဒီယာ အဖွဲ့ အစည်းတွေက ထောက်ပံ့ပေးနိုင်ဖို့ IFJ က တိုက်တွန်းထားပါတယ်။

ဂျာနယ်လစ်တွေဟာ စစ်အာဏာသိမ်းပြီးနောက် ဖမ်းဆီးခံရမှုတွေ၊ တိုက်ပိတ်လို့ အိမ်ချိတ်ပိတ်ခံရမှုတွေကြားမှာ စွန့်စားမှုကြီးစွာနဲ့ ဆက်လက်အလုပ်လုပ်နေရာမှာ နိုင်ငံတကာမီဒီယာတစ်ခုကို သတင်းဓာတ်ပုံတွေ ရောင်း ရာမှာ ဒေါ်လာ ၃၀ သာရတဲ့အပြင် အဲဒီနိုင်ငံတကာမီဒီယာက ပြည်တွင်းမီဒီယာတွေကိုတောင် ပြန်ရောင်းစား ပြီးကျင့်ဝတ်ချိုးဖောက်ကြောင်း၊ တချို့သတင်းနဲ့ဓာတ်ပုံတွေဟာ အသက်စွန့်ယူရတာဖြစ်ပြီး တစ်လမှ သတင်းခအဖြစ် ၂၄ ဒေါ်လာ (ကျပ် ၅၀၀၀)လောက်သာ ပေးတဲ့ မီဒီယာတွေလည်းရှိကြောင်း၊ ဒီကြေးဟာ အလွတ်တန်းပြည်သူပြည်သားဂျာနယ်လစ် Citizen Journalist တွေကို ပေးတဲ့ငွေထက်တောင် နည်းနေ ကြောင်း မှတ်တမ်းဗီဒီယိုထဲမှာ ပရော်ဖက်ရှင်နယ်သတင်းသမားတွေက ဖွင့်ဟမှုတွေလည်းထည့်သွင်းဖော်ပြထားပါတယ်။

စစ်အာဏာသိမ်းပြီးနောက်ပိုင်း မြန်မာဂျာနယ်လစ် အနည်းဆုံးလေးဦး သေဆုံးခဲ့ပြီး နိုဝင်ဘာ ၃၀ ရက်နေ့က အလွတ်တန်းသတင်းထောက် မျိုးစံစိုးကို ဖျာပုံထောင်မှာ ထောင်ဒဏ် ၁၅ နှစ်ချမှတ်ခဲ့ပါတယ်။ နိုဝင်ဘာ ၂၂ ရက်နေ့ကလည်း မြန်မာသတင်းထောက် သူဇာကို စစ်ကောင်စီက ထောင်ဒဏ် နှစ်နှစ်ချမှတ်ခဲ့ပါသေးတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

နေ့စဥ်သတင်း

MPT ဖုန်းဘေလ် ခိုးနေတယ်လို့ သုံးစွဲသူတွေ ဝေဖန်

နိုင်ငံပိုင် အစုရှယ်ရာတွေ ပါဝင်တဲ့ ဖက်စပ် ဆက်သွယ်ရေး ကုမ္ပဏီ MPT ရဲ့ မိုဘိုင်းဖုန်း ဆင်းကတ် အသုံးပြုသူတွေ အနေနဲ့
နေ့စဥ်သတင်း

မြောက်ဥက္ကလာမှာ ဓားပြလာတိုက်သူတွေကို မိသားစုက ပြန်လည်ခုခံရာက ဓားပြ တစ်ဦးဖမ်းမိ

ရန်ကုန်တိုင်း၊ မြောက်ဥက္ကလာပမြို့နယ်၊ (ဌ) ရပ်ကွက်၊ ခေမာ (၂) လမ်းမှာရှိတဲ့ နေအိမ် တစ်လုံးကို အမျိုးသား ၄ ဦးက
နေ့စဥ်သတင်း

ရန်ကုန်မှာ ခိုးဆိုးလုယက်သူများ အုပ်စုဖွဲ့ သောင်းကျန်းနေပေမယ့် ဖမ်းဆီးသူမရှိ

ရန်ကုန်မြို့မှာ အုပ်စုဖွဲ့ လုယက်မှု၊ ခါးပိုက်နှိုက်မှုတွေ နေ့စဉ် ဖြစ်ပေါ်နေပေမဲ့ တိုင်းကြားပါကလည်း စစ်ကောင်စီ လက်အောက်ခံရဲက ဖမ်းဆီးမှု မရှိလို့ ပြည်သူတွေ အခက်အခဲ ဖြစ်နေရတယ်လို့ ကမာရွတ်မြို့နယ်မှာ နေထိုင်သူ တစ်ဦးက ပြောပါတယ်။ “မီးပွိုင့်ထိပ်မှာ အဖွဲ့လိုက်
နေ့စဥ်သတင်း

တောင်ကြီး မောချယ်ရီယာဉ်ရပ်နားစခန်းရှိ ဆိုင်ခန်းများကို စစ်ကောင်စီ အတင်းဖယ်ရှားခိုင်

ရှမ်းပြည်နယ်၏ မြို့တော် တောင်ကြီးမြို့၊ အနောက်မြို့ပါတ်လမ်း‌ဘေး၊ စဝ်စံထွန်းရပ်ကွက်ရှိ မောချယ်ရီယာဉ်ရပ်နားစခန်း ဆိုင်ခန်းများကို အာဏာသိမ်း စစ်ကောင်စီက အတင်းဖယ်ရှားခိုင်းသဖြင့် ယင်းဆိုင်ခန်းများကို မှီခိုနေရသည့် ပြည်သူ ၆၀၀ကျော် အခက်ကြုံနေရကြောင်း သိရသည်။ အဆိုပါမောချယ်ရီယာဉ်ရပ်နားစခန်းရှိ ဆိုင်ခန်းများကို ဖယ်ရှားပေးရန် ဆောက်လုပ်ရေး၀န်ကြီးဌာနမှ
နေ့စဥ်သတင်း

ဝါးခယ်မ စစ်ဆေးရေးတံတားဂိတ်တွင် စပါးရောင်းပြန်လာသူများထံမှ စစ်ကောင်စီငွေညှစ်

ဧရာဝတီတိုင်း၊ ဝါးခယ်မမြို့ဝင် စစ်ဆေးရေး တံတားဂိတ်တွင် စစ်ကောင်စီ တပ်သားများမှ ငွေညှစ် တောင်းခံမှုကြောင့် စပါးရောင်းချပြီး ပြန်လာသူ လယ်သမားများ အခက်ခဲကြုံတွေ့နေရသည်ဟု ဒေသခံလယ်သမားများထံမှ နိုဝင်ဘာလ ၁၅ရက်က သိရသည်။ ကျေးရွာလယ်သမားအများစု စပါးရောင်းချရန်အတွက် မြို့ဝင်စစ်ဆေးရေးတံတားဂိတ် ရောက်သည်နှင့်
နေ့စဥ်သတင်း

ရခိုင်ပြည်နယ်မှစစ်ဘေးရှောင်စခန်းများတွင် ရာသီတုပ်ကွေးဖြစ်ပွားမှုများနေ

ရခိုင်ပြည်နယ်ရှိ စစ်ဘေးရှောင်စခန်းများတွင် နေထိုင်ကြသူများကို ရာသီတုပ်ကွေးကူးစက်မှုမြင့်တက်နေသည်။ ကျော်တော်မြိုမှ ညောင်ချောင်းစစ်ဘေးရှောင်စခန်းတွင် ဖျားနာခြင်း၊ နှာမွှန်ခြင်း၊ ချောင်းဆိုးခြင်းနှင့် ကိုယ်လက်ကိုက်ခဲခြင်းကဲ့သို ရောဂါလက္ခဏာများ ခံစားနေရသူ အများအပြားရှိသည်ဟု စခန်းတာဝန်ခံ ကိုခိုင်မျိုးအောင်က ပြောသည်။ စစ်ရှောင်မိသားစုတစုတိုင်းတွင် တယောက်အနည်းဆုံး ရာသီတုပ်ကွေးကူစက်နေပြီး စခန်းများတွင်