ဆီဆိုင်ရဲက မူးယစ်ဆေးနှင့်အတူဖမ်းမိသူများကို ကျပ် ၁၅ သိန်းရယူကာ ပြန်လွှတ်
မဲခေါင်၊ ဖေဖော်ဝါရီလ ၂၁
ရှမ်းပြည်တောင်ပိုင်း၊ ပအိုဝ်းဒေသ၊ ဆီဆိုင်မြို့၌ မူးယစ်ဆေး ရောင်းသုံး သူများကို ဒေသရဲတပ်ဖွဲ့က ဖမ်းဆီးပြီး ကျပ် ၁၅ သိန်းတောင်းယူကာ ပြန်လွှတ်ပေးသည့်ဖြစ်စဉ် ယခုလ ၃ ရက်ကဖြစ်ပွါးခဲ့သည်။
ထိုနေ့က မူးယစ်ဆေးအမှုဖြင့် သုံးဦးကို ဖမ်းဆီးကာ ကျပ် သိန်းနှစ်ရာ ပေးဆောင်ရန်တောင်းသော်လည်း ကာယကံရှင်များဘက်မှ ထိုပမာဏမပေးနိုင်သဖြင့် ကျပ် ၁၅ သိန်းသာလက်ခံရယူပြီး ပြန်လွတ်ပေးကြောင်း နှင့် ထိုသုံးဦးအနက် နှစ်ဦးသည် ညီအကိုများဖြစ်သည်ဟု ဒေသခံတစ်ဦးက ပြောသည်။
ဒေသခံ၏သတင်းစကားအရ နယ်ထိန်းအဆင့်ရှိသူက သတင်းပေးနှင့်အတူ အိမ်တစ်အိမ်ကို ဝင်ရောက်ရှာဖွေရာတွင် ဆေးပြားတစ်ထုတ်တွေ့ရှိသဖြင့် ညီအကိုနှစ်ဦးကို မူးယစ်ဆေးဝါးအမှုဖြင့်ဖမ်းဆီးကာ ငွေယူပြီးပြန်လွှတ်ပေးခြင်းဖြစ်ကြောင်းနှင့် ဖမ်းမိသူနှစ်ဦးသည်လည်း ကိုယ်တိုင်မူးယစ်ဆေးသုံးစွဲကြသည်။
၁၉၉၃ခုနှစ်၊ ဇန်နဝါရီ ၂၇ ရက်ကပြဌာန်းပြီး ၂၀၁၈ခုနှစ်၊ ဖေဖေါ်ဝါရီ ၁၄ ရက်က ပြင်ဆင်သည့် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေ အခန်း(၅)၌ ရဲတပ်ဖွဲ့ဝင်အနေဖြင့် ဆေးဝါးသုံးစြွကြောင်း စိစစ်တွေ့ရှိပါက ပြန်လည်ထူထောင်ရေးအတွက် ဆေးကုသမှုခံယူနိုင်ရန် ကျန်းမာရေးနှင့် အားကစားဝန်ကြီးဌာနက သတ်မှတ်ထားသည့် ဂေဟာ သို့မဟုတ် အစိုးရက အသိအမှတ်ပြုထားသည့် အနီးဆုံးဆေးကုသဌာနသို့ ပို့ဆောင်ရမည်ဟုဖေါ်ပြထားသည်။
ပုဒ်မ (၁၆) အရ လက်ဝယ်ထားရှိ၊ သယ်ယူ၊ ရောင်းဝယ်ဟုစိစစ်တွေ့ရှိလျှင် ထောင်ဒဏ် (၅)နှစ်ကနေ ၁၀နှစ်အထိ ချမှတ်နိုင်သည်ဟုဖေါ်ပြထားသည်။
သုဝဏ္ဏခွန်
#MeKongNews
