စစ်မှုထမ်းဟောင်းတွေ ခရီးသွားရင် ဖုန်းထဲက ဒေတာတွေဖျက်ဖို့နဲ့ ဖုန်းအပိုကိုင်ဖို့ လျို့ဝှက်ညွှန်ကြား
မဲခေါင်၊ ဇန်နဝါရီ ၁၇
ရှမ်းပြည်အရှေ့ပိုင်း၊ စစ်မှုထမ်းဟောင်းတွေ ခရီးသွားရင် ဖုန်းထဲက အချက်အလက်တွေ ဖျက်ထားဖို့နဲ့ ဖြစ်နိုင်ရင် ဖုန်းအပိုကိုင်ဆောင်ကြဖို့ ပြည်နယ်စထဟ ကြီးကြပ်မှုကော်မတီက ညွှန်ကြားလာတယ်လို့ ကျိုင်းတုံက စစ်မှု ထမ်းဟောင်း တစ်ဦးက မဲခေါင်ကိုပြောပါတယ်။
.
စစ်ကောင်စီရဲ့ ပင်မထောက်တိုင် စစ်မှုထမ်း ဟောင်းအဖွဲ့ဗဟိုက ဇန်နဝါရီ ၁၄ ရက်က လျှို့ဝှက်ညွှန်ကြားချက်ကို ရှမ်းအရှေ့ ၊ခရိုင်အဆင့် စစ်မှုထမ်းဟောင်းအဖွဲ့တွေကို ပြည်နယ် စထဟကြီးကြပ်မှုကော်မတီက ဇန်နဝါရီ ၁၆ ရက်မှာထပ်ဆင့် ညွှန်ကြားလာတာဖြစ်ပါတယ်။
စစ်ပြန် (စစ်မှု ထမ်းဟောင်းအဖွဲ့ ) ဗဟိုကနေ လျှို့ဝှက်အဆင့်ရှိ စာတစ်စောင်ကို ဌာနချုပ်မှူး ကျော်မျိူးမင်း ဆိုသူ လက်မှတ်ရေးထိုး ထုတ်ပြန်လာတာလို့ CDM ဗိုလ်ကြီး ဇင်ယော်ကပြောပါတယ်။
“ ပြည်သူ တွေမလုံခြုံသလို သူတို့လည်း မလုံခြုံတော့ပါဘူး ၊ ၀ဋ်ကလည်နေပြီ တော်တော်ကြီးလည်နေပြီ” လို့ ဆိုပါတယ်။
ဗန်းမော် မှာ တိုက်ပွဲ တွေ ပြင်းထန်နေတော့ စစ်ကောင်စီရဲ့ ကချင်ပြည်နယ် စစ်ပြန် ဥက္ကဌ အငြိမ်းစား ဗိုလ်မှူးကြီးသိန်းဇော် နဲ့ မိသားစု၀င် လေးဦးဟာ ၂၀၂၄ ခုနှစ်၊ ဒီဇင်ဘာလ ၇ ရက်မှာ မန္တလေးဘက်ကို မော်တော် ယာဉ် နဲ့ ပြေးလာစဉ် ဒီဇင်ဘာ၉ ရက် မှာ ထီးချိုင့် ၊ မောင်းကုန်း တော်လှန်ရေးတပ်ပူးပေါင်း ဂိတ်မှာခရီးသည် တွေရဲ့ လက်ကိုင်ဖုန်း တွေကိုကွန်ပျူတာ နဲ့စစ်တဲ့အခါ စစ်တပ်နဲ့စစ်ပြန် ဒေတာတွေ တွေ့တော့ ဖမ်းဆီး ထိန်းသိမ်းရာကနေ ဒီဇင်ဘာ ၂၈ရက်မှာ လွှတ်ပေးလို့ ပြန်လွတ်မြောက်လာခဲ့တယ်လို့ ဆိုပါတယ် ။
အဲဒိစာထဲမှာ နယ်မြေအေးချမ်းမှုမရှိတဲ့ဒေသတွေမှာ စထဟတွေနဲ့ အရန်အဖွဲ့ဝင် မိသားစုတွေ ကိုယ်ရေးကိုယ်တာသုံးဖုန်းနဲ့ လုံခြုံရေး ဆိုင်ရာကိစ္စရပ်တွေကျိုးပေါက်နိုင်တဲ့ လုံခြုံရေးဆိုင်ရာဖုန်း ဆိုပြီး ဖုန်းနှစ်လုံးခွဲကိုင်သင့်ကြောင်း၊ အကယ်၍ ဖုန်းနှစ်လုံး မကိုင်ပါကခရီးသွားရင် လုံခြုံရေးဆိုင်ရာစာတွေ၊ ပုံတွေကို ဖျက်ပြီးမှ သွားလာသင့်တယ်လို့ဖော်ပြထားပါတယ်။
MK-012
#MeKongNews
