မဲခေါင်၊ ဖေဖော်ဝါရီ ၁၃

ရှမ်းပြည်နယ်၊ တောင်ကြီးမြို့မှာ ကုန်ကားတွေ အဆမတန်တင်ရင် ဒဏ်ရိုက်မယ်လို့ စစ်ကောင်စီရဲ့ တောင်ပိုင်း ပုဂ္ဂလိကယာဥ်လုပ်ငန်းကြီးကြပ်ရေး ကော်မတီက ဖေဖော်ဝါရီ ၁၂ ရက်မှာ ထုတ်ပြန်သတိပေးပါတယ်။

အဲ့ဒီလို တင်းကြပ်တာဟာ လုံခြုံရေးကျိုးပေါက်မှုမရှိဖို့နဲ့ ပြည်သူတွေ အန္တရာယ်ကင်းဖို့ ဖြစ်တယ်လို့ အဲ့ဒီစစ်ကောင်စီ ကော်မတီက အကြောင်းပြပါတယ်။

အချို့သော ခရီးသည်တင်ယာဉ်တွေဟာ ခရီးသည် တင်ဆောင် ပြေးဆွဲရမယ့် အစား ကုန်ပစ္စည်းတွေကို ယာဉ်ရဲ့ အမိုးပေါ်နဲ့ အဆမတန် တင်ဆောင်ပြေးဆွဲနေတာဖြစ်လို့ စစ်ဆေးတွေ့ရှိက အရေးယူသွားမယ်လို့ ဆိုပါတယ်။

ဖေဖော်ဝါရီလ ၁၃ ရက် ယနေ့ကစတင်ပြီး ပူးပေါင်းအဖွဲ့ တွေနဲ့စစ်ဆေး အရေးယူသွားမှာဖြစ်ပြီး ကျူးလွန်တဲ့ မော်တော်ယာဉ်တွေကို ပထမအကြိမ် ဒဏ်ငွေ ၃ သောင်း၊ ဒုတိယအကြိမ် ဒဏ်ငွေ ၅ သောင်းကျပ်နဲ့ တတိယအကြိမ် ကျူးလွန်ပါက သက်ဆိုင်ရာကို တင်ပြပြီး ယာဉ်အသင်း ပြေးဆွဲခွင့် ရပ်နားခံရမယ်လို့ ပါရှိပါတယ်။

‘အမိုးကိုင်းတွေဖြုတ်ရမယ် ကုန်လဲမတင်ရဘူးဆိုရင် လုပ်စားလို့မရတော့ဘူး၊နားထားရတော့မယ်’ လို့တောင်ကြီး တာချီလိတ်ဆွဲနေတဲ့ ယာဥ်မောင်းတစ်ဦးက ပြောပါတယ်။

တောင်ကြီး-တာချီလိတ် လူတစ်ယောက် ၆ သောင်းရပေမယ့် ၄ ယောက်စာရတာက ဆီဘိုးလောက်ပဲရှိလို့ ဂိတ်ကြေး၊ လမ်းကြေးတွေပေးဖို့က ကုန်မတင်ရရင် ဘယ်လိုမှ ပြေးဆွဲလို့မရတော့ဘူးလို့ ယာဥ်မောင်းတွေက ပြောပါတယ်။

MK-012

#MeKongNews

#တောင်ကြီး

#ယာဥ်မောင်း

#စစ်ကောင်စီ

#တင်းကြပ်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)