ဒေသတွင်းသတင်း

သွင်းအားစု ဈေးအဆမတန်မြင့်တက်လို့ ရှမ်းတောင်က တောင်သူတွေ စိုက်ခင်းလက်မဲ့ဖြစ်

မဲခေါင် 9 Oct - 2022
စစ်အာဏာသိမ်းပြီးနောက် မြေသြဇာနဲ့ ပိုးသတ်ဆေး အပါအဝင် စိုက်ပျိုးရေး အသုံးပြု သွင်းအားစု ဈေးနှုန်းတွေ အဆမတန် ဈေးမြင့်တက်မှုကြောင့် ရှမ်းပြည်နယ်တောင်ပိုင်းက တောင်သူတွေ အနေနဲ့ စိုက်ပျိုးနိုင်မှု နည်းပါးကာ စိုက်ခင်းလက်မဲ့ ဖြစ်နေသူ များပြားကြောင်း သိရပါတယ်။ စစ်အာဏာ မသိမ်းမီက တစ်အိပ် ကျပ် ၃ သောင်းမှ ၅ သောင်းကြားသာ ရှိတဲ့ မြေသြဇာ ဈေးနှုန်းတွေဟာ လက်ရှိ ကျပ် တစ်သိန်းခြောက်သောင်းမှ ၂ သိန်းအထိ ရှိနေပြီး အခြား သွင်းအားစုတွေ ဖြစ်တဲ့ ပိုးသတ်ဆေး၊ ဒီဇယ်ဆီ စတာတွေလည်း ဈေး ၃ ဆခန့် မြင့်တက်ခဲ့လို့ စိုက်ပျိုးတဲ့ တောင်သူ နည်းပါးကာ ကုန်စိမ်း

စစ်အာဏာသိမ်းပြီးနောက် မြေသြဇာနဲ့ ပိုးသတ်ဆေး အပါအဝင် စိုက်ပျိုးရေး အသုံးပြု သွင်းအားစု ဈေးနှုန်းတွေ အဆမတန် ဈေးမြင့်တက်မှုကြောင့် ရှမ်းပြည်နယ်တောင်ပိုင်းက တောင်သူတွေ အနေနဲ့ စိုက်ပျိုးနိုင်မှု နည်းပါးကာ စိုက်ခင်းလက်မဲ့ ဖြစ်နေသူ များပြားကြောင်း သိရပါတယ်။

စစ်အာဏာ မသိမ်းမီက တစ်အိပ် ကျပ် ၃ သောင်းမှ ၅ သောင်းကြားသာ ရှိတဲ့ မြေသြဇာ ဈေးနှုန်းတွေဟာ လက်ရှိ ကျပ် တစ်သိန်းခြောက်သောင်းမှ ၂ သိန်းအထိ ရှိနေပြီး အခြား သွင်းအားစုတွေ ဖြစ်တဲ့ ပိုးသတ်ဆေး၊ ဒီဇယ်ဆီ စတာတွေလည်း ဈေး ၃ ဆခန့် မြင့်တက်ခဲ့လို့ စိုက်ပျိုးတဲ့ တောင်သူ နည်းပါးကာ ကုန်စိမ်း ဈေးကွက် အတွင်း ကုန်အဝင် နည်းလာတယ်လို့ သိရပါတယ်။

“ ရှမ်းပြည်မှာက ဓာတ်မြေသြဇာ အရောင်းအဝယ် တော်တော်အေးတယ်၊ ဈေးကြီးလို့ တောင်သူတွေ စိုက်တဲ့သူ နည်းတယ်။ သီးနှံပေါ်ချိန် ဈေးကောင်းမရတော့ မကိုက်ဘူး၊ စိုက်ပျိုးသူ နည်းတာလည်း ပါတယ်၊ မုန့်လာဆို စိုက်တဲ့သူတောင် မရှိဘူး။ နောက်ပြီး စိုက်ပျိုးရေးသုံး ပိုးသတ်ဆေးတွေ ဈေးမြင့်သွားတော့ စိုက်သူ နည်းသွားတာလည်းပါတယ်”  လို့ အောင်ပန်းမြို့မှာ စိုက်ပျိုးရေး ပစ္စည်းစုံ ရောင်းချနေသူ တစ်ဦးက ပြောပါတယ်။

စစ်အာဏာ မသိမ်းမီ ကိုဗစ် ကာလအတွင်းက ရှမ်းတောင်ထွက် ကုန်စိမ်းတွေ ရောင်းချလို့ မရဘဲ အခမဲ့ ပေးဝေခဲ့ရတဲ့ နည်းတူ စစ်အောဏာသိမ်းပြီးနောက် ပထမ စိုက်ပျိုးရာသီမှာ ဈေးနှုန်းကြီးမြင့်တဲ့ သွင်းအားစုတွေနဲ့ စိုက်ပျိုးခဲ့ရပေမယ့် ထွက်ကုန်တွေ ဈေးမရပဲ အခမဲ့နီးပါး ဈေးနဲ့ ရောင်းချခဲ့ရလို့ တောင်သူတွေ အထိနာခဲ့ရာ လက်ရှိ စိုက်ပျိုးရာသီမှာ အရင်းအနှီး မရှိတော့လို့ မစိုက်နိုင်သူ အများအပြားရှိကြောင်း ဟဲဟိုးဒေသက တောင်သူတွေထံက သိရပါတယ်။

လက်ရှိ ပြည်တွင်း မြေသြဇာ ကုမ္ပဏီများ အနေနဲ့ ကုန်ကြမ်း တင်သွင်းဖို့ အခက်အခဲများ ကြုံတွေ့နေရတဲ့ နည်းတူ ဒေါ်လာဈေး မငြိမ်သက်မှုကြောင့် အရောင်းရပ်ထားလို့ ဈေးကွက်အတွင်း ဓာတ်မြေသြဇာ အဝင်နည်း ပါးကာ ဈေးနှုန်း မြင့်တက်နေပြီး အရောင်းအဝယ် အေးနေတယ်လို့ သိရပါတယ်။

“ ရှမ်းပြည်ကုန်က အဝင်နည်းတယ်၊ စိုက်တဲ့သူ နည်းလို့ ကုန်ဝင်နည်းတာပါ၊ ရှမ်းပြည်က တနေ့ကို ကားအစီးရေ ၂၀ လောက်ပဲ ဝင်တယ်၊ ဂေါ်ဖီဆို ၂ ထောင်ကျော်လောက် ဈေးပေါက်နေပြီ၊ ကုန်အဝင်နည်းတော့ ဈေးတက်တာပေါ့”  လို့ ရန်ကုန်မြို့ သီရိမင်္ဂလာ ကုန်စိမ်းဈေးက ရှမ်းကုန် လက်ကားဒိုင် ပိုင်ရှင် တစ်ဦးက ပြောပါတယ်။

လက်ရှိ ရှမ်းတောင်က ဓါတ်မြေဩဇာ ဈေးနှုန်းတွေ ကတော့ အာမို ကျွဲနက် ၅၀ ကီလိုဂရမ် တစ်အိတ်ကို ၁၆၈,၀၀၀ ကျပ်၊ MC ၅၀ ကီလိုဂရမ် တစ်အိတ်ကို ၁၄၅,၀၀၀ ကျပ်၊ ဇာမဏီ ၅၀ ကီလိုဂရမ် တစ်အိတ်ကို ၈၀,၀၀၀ ကျပ်၊ အာမို၊ ပုလဲ ၅၀ ကီလိုဂရမ် တစ်အိတ်ကို ၁၂၅,၀၀၀ ကျပ် ပေါက်ဈေး ရှိတယ်လို့ သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

ဒေသတွင်းသတင်း

စိတ်ကြွဆေးပြား၁၀သန်းကျော်နဲ့အတူဖမ်းမိတဲ့တာချီလိတ်ကရဲတပ်သားဟောင်းဖေသက်ဟန်ကိုထောင်ဒဏ်နှစ်အကန့်အသတ်မရှိချမှတ်

တာချီလိတ်မြို့နယ်ထဲမှာ စိတ်ကြွေဆေးပြား ၁၀သန်းကျော်အပါအဝင် မူးယစ်ဆေးထုတ်လုပ်စက်၊ လက်နက်ခဲယမ်းတွေနဲ့အတူ ဖမ်းမိတဲ့ ရဲတပ်သားဟောင်း ဖေသက်ဟန်ကို တာချီလိတ်ခရိုင်တရားရုံးက ထောင်ဒဏ်နှစ်အကန့်အသတ်မရှိ ချမှတ်လိုက်တယ်လို့ စုံစမ်းသိရပါတယ်။
ဒေသတွင်းသတင်း

မီဇိုရမ်မှာ မြန်မာနှစ်ဦးကို ဖောက်ခွဲစက် အလုံး ၁၀၀ ဖမ်းမိဟု အိန္ဒိယထုတ်ပြန်

မဲခေါင်၊ ဇန်နဝါရီ ၁၇ ပြီးခဲ့တဲ့ တနင်္ဂနွေနေ့က အိန္ဒိယ-မြန်မာနယ်စပ်နားက မီဇိုရမ်ပြည်နယ် ချမ်ပိုင်းခရိုင်မှာ မြန်မာနိုင်ငံသားနှစ်ဦးကို ဖောက်ခွဲစက် (detonators) အလုံး
ဒေသတွင်းသတင်း မြန်မာ့နွေဦး

အင်းလေးမှာ တောင်ယာလုပ်နေတဲ့ ရွာသားတွေကို စစ်တပ်ကဝင်ပစ်လို့ တစ်ဦးသေပြီး ၅ ဦးဖမ်းဆီးခံရ

ရှမ်းပြည်နယ် တောင်ပိုင်း၊ ညောင်ရွှေမြို့နယ်၊ အင်းလေးဒေသမှာ ဇန်နဝါရီလ ၁၃ ရက်က တောင်ယာလုပ်ပြီး အနားယူနေတဲ့ ရွာသားတွေကို စစ်တပ်က ဝင်ပစ်ရာ တစ်ဦးသေပြီး ၅ ဦးကို ဖမ်းဆီးသွားတယ်လို့ ဒေသခံတွေထံက သိရပါတယ်။
ဒေသတွင်းသတင်း မြန်မာ့နွေဦး

ညောင်ရွှေမှာတိုက်ပွဲဖြစ်ပြီးနောက်ပိုင်း စစ်တပ်၊ ရဲနဲ့ ပျူစောထီးတွေက အရပ်ဝတ်နဲ့ခြေရှုပ်နေ

ရှမ်းပြည်နယ်တောင်ပိုင်း၊ ညောင်ရွှေမြို့နယ်မှာ တိုက်ပွဲဖြစ်ပြီးနောက်ပိုင်း စစ်တပ်၊ ရဲနဲ့ ပျူစောထီးတွေက အရပ်ဝတ်တွေနဲ့ စုံစမ်းထောက်လှမ်းနေတယ်လို့ တော်လှန်ရေးအင်အားစုသတင်းရင်းမြစ်တွေထံကနေ သိရပါတယ်။
ဒေသတွင်းသတင်း

မြဝတီ-မဲဆောက် အမှတ် (၁) တံတားကနေ ၂ နိုင်ငံ ကူးသန်းသွားလာခွင့်ရ

မဲခေါင်၊ ဇန်နဝါရီ ၁၂ ကရင်ပြည်နယ်၊ မြဝတီမြို့နဲ့ ထိုင်းနိုင်ငံ မဲဆောက်မြို့ကို ဆက်သွယ်ထားတဲ့ မြဝတီ-မဲဆောက် ချစ်ကြည်ရေး အမှတ် (၁) တံတားပေါ်ကနေ ယာယီ လက်မှတ်တွေနဲ့ မဲဆောက်မြို့တွင်း သွားလာခွင့်ရပြီလို့ မြဝတီ ဒေသခံတွေထံက သိရပါတယ်။
ဒေသတွင်းသတင်း

တရုတ်မှာ ကိုဗစ်ကူးစက်မှု ပြင်းထန်နေစဉ် ၃ နှစ်နီးပါး ပိတ်ထားတဲ့ တရုတ်-မြန်မာ နယ်စပ်ဂိတ်တွေ ပြန်ဖွင့်တော့မယ်

တရုတ်နိုင်ငံမှာ ကိုဗစ် ရောဂါ ကူးစက်မှု ပြင်းထန်နေစဉ်မှာ ကိုဗစ်ကြောင့် ၃ နှစ်နီးပါး ပိတ်ထားတဲ့ တရုတ်- မြန်မာ နယ်စပ်ကုန်သွယ်ရေး ဂိတ်တွေကို ဇန်နဝါရီလ ၈ ရက်နေ့မှာ ပြန်လည် ဖွင့်လှစ်မယ်လို့ တရုတ် အာဏာပိုင်တွေက
ဒေသတွင်းသတင်း

“ဝ” ပြည်နယ်၊ ပန်ဆန်းမြို့ မှာ ကား ၂ စီး လိမ်လည် ခိုးယူခံရ

"၀"ပြည်နယ်၊ ပန်ဆန်း မြို့ မှာ ဒီဇင်ဘာလ၂၃ ရက်‌ နေ့က အလုပ်သမားတစ်ဦး က သူဌေးမရဲ့ အိမ်စီးကား ၂ စီး ကို လိမ်လည်ခိုးယူ သွားတယ်လို့ ဒေသတွင်း မီဒီယာ တစ်ခု ဖြစ်တဲ့
ဒေသတွင်းသတင်း

လားရှိုးအကျဉ်းထောင်ရိပ်သာ မီးလောင်

ရှမ်းပြည်နယ်မြောက်ပိုင်း၊ လားရှိုးမြို့ရှိ လားရှိုးအကျဉ်းထောင်မှာ ဒီကနေ့ ဒီဇင်ဘာလ ၁၈ရက်၊ မနက်ပိုင်းအချိန်က မီးလောင်ကျွမ်းမှုဖြစ်ပွားခဲ့တယ်လို့ ဒေသခံတွေထံကနေ သိရပါတယ်။