မဲခေါင်၊ ဇူလိုင် ၂၁
ရှမ်းပြည်နယ် မြောက် ပိုင်း၊ လားရှိုးမြို့၊ အမှတ် (၂) ရပ်ကွက်တွင် စိုင်းလီ (ခ)ဆိုင်းလီ မောင်းနှင်ပြီး ဂန်ဖန် (ခ)မာဘရန် လိုက်ပါလာတဲ့ WISH မော်တော်ယာဉ်ကို သတင်းအရရှာဖွေရာ ယာဉ်ပေါ်မှ စိတ်ကြွရူးသွပ်ဆေးပြား ၅ ဒသမ ၉ သိန်း ဖမ်းဆီးရမိ ခဲ့တယ်လို့ မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ ထုတ်ပြန်ပါတယ်။
ဇူလိုင်လ ၁၇ ရက်နေ့ ည ၉ နာရီကျော်က WISH မော်တော်ယာဉ်ကို သတင်းအရ ရှာဖွေရာ ယာဉ်ပေါ်မှ ဒေသကာလ တန်ဖိုးငွေကျပ်သိန်း ၂,၉၅၀ တန်ဖိုးရှိ စိတ်ကြွရူးသွပ် ဆေးပြား ၅ ဒသမ ၉ သိန်း သိမ်းဆည်းရမိခဲ့တာ ဖြစ်ပါတယ်။
ဖမ်းဆီးရမိသူများကို စစ်ဆေးဖော်ထုတ်ချက်အရ ည ၁၀ နာရီကျော်မှာ လားရှိုးမြို့၊ အမှတ်(၂) ရပ်ကွက်တွင် စိတ်ကြွရူးသွပ် ဆေးပြားများ သယ်ဆောင်ရောင်းဝယ်ရာတွင် ပူးပေါင်းပါဝင်သူ မဆိုင်းခေါန်နဲ့ မမာခေါန်တို့ ၂ ဦးကို မော်တော်ဆိုင်ကယ် တစ်စီးနဲ့ မူးယစ်ဆေးဝါး ရောင်းဝယ်ရာမှရရှိတဲ့ မြန်မာငွေကျပ် ၃၆၅ သိန်းတို့နဲ့အတူ ထပ်မံ ဖမ်းဆီးရမိ ခဲ့တယ်လို့ သိရပါတယ်။
ဖမ်းဆီးရမိသူ ၄ ဦးကို ဥပဒေအရအရေးယူထားပြီး ကွင်းဆက်ပြစ်မှုကျူးလွန်သူများကို ဆက်လက်စစ်ဆေး ဖော်ထုတ်နေတယ်လို့ ထုတ်ပြန်ချက်မှာ ပါရှိပါတယ်။
MK-005
#MekongNews
#လားရှိုးမြို့
#စိတ်ကြွရူးသွပ်ဆေးပြား
#WISH
