မဲခေါင်၊ မေ ၉

ရှမ်းပြည်နယ် တောင်ပိုင်းနဲ့ အရှေ့ပိုင်းတွေမှာ မိုချာမုန်တိုင်းရဲ့ အရှိန်ကြောင့် လာမဲ့ ၂၄ နာရီ အတွင်း မိုးရွာသွန်းနိုင်ပြီး လေပြင်းတွေ တိုက်ခတ်နိုင်လို့ ပြည်သူတွေ ဂရုစိုက်ကြဖို့ မိုးလေဝသ ပညာရှင် မစုစုစံက ဒီကနေ့ မေလ ၉ ရက်မှာ သတိပေး လိုက်ပါတယ်။

မုန်တိုင်းရဲ့ ညာဝိုက် လေစီးကြောင်းတွေကနေ ကယားပြည်နယ်၊ ရှမ်းပြည်နယ် တောင်ပိုင်းနဲ့ အရှေ့ပိုင်း ဒေသတွေမှာ မုန်တိုင်းမိုးနဲ့အတူ လေပြင်းတွေ တိုက်ခိုက်နိုင်ပြီး သစ်ပင်တွေ လဲကျတာတွေ ဖြစ်နိုင်လို့ ပြည်သူတွေ သတိထား သွားလာကြဖို့ သူက ပြောပါတယ်။

မုန်တိုင်း အန္တရယ် တိုက်ရိုက် မရှိဘဲ မုန်တိုင်းရဲ့လေစီးကြောင်းတွေသာ ဝင်လာတာဖြစ်လို့ မစိုးရိမ်ကြဖို့နဲ့ စိုက်ပျိုးရေး လုပ်ငန်း လုပ်ကိုင်တဲ့ ပြည်သူတွေ စိုက်ပျိုးဖို့ အသင့်ပြင်ထားဖို့ မစုစုစံက တိုက်တွန်းထားပါတယ်။

Mk-007
#MeKongNews
#ရှမ်းပြည်နယ်
#မုန်တိုင်း
#မစုစုစံ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)