ဒေသတွင်းသတင်း

မြဝတီ-မဲဆောက် အမှတ် (၁) တံတားကနေ ၂ နိုင်ငံ ကူးသန်းသွားလာခွင့်ရ

မဲခေါင် 12 Jan - 2023
မဲခေါင်၊ ဇန်နဝါရီ ၁၂ ကရင်ပြည်နယ်၊ မြဝတီမြို့နဲ့ ထိုင်းနိုင်ငံ မဲဆောက်မြို့ကို ဆက်သွယ်ထားတဲ့ မြဝတီ-မဲဆောက် ချစ်ကြည်ရေး အမှတ် (၁) တံတားပေါ်ကနေ ယာယီ လက်မှတ်တွေနဲ့ မဲဆောက်မြို့တွင်း သွားလာခွင့်ရပြီလို့ မြဝတီ ဒေသခံတွေထံက သိရပါတယ်။

မဲခေါင်၊ ဇန်နဝါရီ ၁၂

ကရင်ပြည်နယ်၊ မြဝတီမြို့နဲ့ ထိုင်းနိုင်ငံ မဲဆောက်မြို့ကို ဆက်သွယ်ထားတဲ့ မြဝတီ-မဲဆောက် ချစ်ကြည်ရေး အမှတ် (၁) တံတားပေါ်ကနေ ယာယီ လက်မှတ်တွေနဲ့ မဲဆောက်မြို့တွင်း သွားလာခွင့်ရပြီလို့ မြဝတီ ဒေသခံတွေထံက သိရပါတယ်။

၃ နှစ်ဝန်းကျင် ပိတ်ထားခဲ့တဲ့ မြဝတီ-မဲဆောက် အမှတ် (၁) တံတားကို ဒီနေ့ ဇန်နဝါရီ ၁၂ ရက်နေ့မှာ နယ်စပ် အာဏာပိုင်တွေနဲ့ စီးပွားရေးလုပ်ငန်းရှင်တွေ တက်ရောက် ဖွင့်လှစ်ပေးခဲ့တာ ဖြစ်ပါတယ်။

“ပေးကူးပြီလို့တော့ ပြောတယ်။ M 64 ကတော့ မရသေးဘူး။ တံတားထိပ် ထိုင်းဘက်ခြမ်းမှာတော့ ကိုဗစ်ဆေး ထိုးရတယ် ပြောတာပဲ။ တနေ့တာ စာအုပ်တွေပဲ အရင်လို ပြန်ထုတ်ပေးတာ ဖြစ်မယ်” လို့ မြဝတီ ဒေသခံ တဦးက ပြောပါတယ်။

ကိုဗစ် မဖြစ်ခင်က မြဝတီ လူဝင်မှု ကြီးကြပ်ရေးဌာနရဲ့ တရက် ဒါမှမဟုတ် ၇ ရက် ယာယီ လက်မှတ်နဲ့ ထိုင်းနိုင်ငံဘက် သွားလာခွင့် ရခဲ့တာဖြစ်ပြီး လက်ရှိ ထိုင်းနိုင်ငံဘက်က ၇ ရက် သွားလာခွင့်ကတ် ထုတ်ပေးပေမယ့် မြန်မာဘက်ကတော့ တရက်သာ ခွင့်ပြုချက် ပေးထားလို့ မနက် ၆ နာရီခွဲကနေ ညနေ ၆ နာရီခွဲ အထိသာ သွားလာခွင့်ရှိတယ်လို့ ထိုင်းနိုင်ငံဘက် ဈေးသွားဝယ်သူ တဦးက ပြောပါတယ်။

တံတားပေါ်ကနေ မြန်မာနဲ့ ထိုင်းဘက်က လိုင်စင်ရှိပြီး အလေးချိန် ၂,၂၀၀ KG မကျော်တဲ့ အိမ်စီးကားတွေကို ဖြတ်သန်းခွင့် ပြုမယ်လို့ သိရပြီး မြန်မာနိုင်ငံသားတွေ အနေနဲ့ ဖဝေါ၊ မဲ့ကဆာရေတံခွန်၊ ဖုတ်ဖရနဲ့ လိုက်တရဝါန် အထိ သွားလို့ရမှာဖြစ်ကာ ထိုင်းနိုင်ငံသား တွေကတော့ မြဝတီမြို့ထဲထိ သွားနိုင်တယ်လို့ သိရပါတယ်။

တံတားဖွင့်ပွဲ တက်ရောက်ခဲ့တဲ့ မြဝတီမြို့နယ်စပ် ကုန်သွယ်ရေး ကုန်သည်များ အသင်း ဥက္ကဋ္ဌ ဒေါ်သင်းသင်းမြတ် က “အဓိက ကတော့ ပညာရေး၊ ကျန်းမာရေး၊ စီးပွားရေး အားလုံး အတွက် ကောင်းတာပေါ့။ အရင်တုန်း ကတော့ ကိုဗစ်နဲ့ တံတား (၂) ကနေ ကုန်သွယ်မှုက မပြတ်ပါဘူး။ အခုကျတော့ ကိုယ်တိုင်သွားလို့ ရတာပေါ့။ ပိတ်ထားတဲ့ အချိန်ကဆို အွန်လိုင်းနဲ့ စကားပြောကြတယ်။ ပစ္စည်းတွေ နမူနာလည်း လိုင်းနဲ့ပဲပြတော့ တခါတလေကျရင် မှားယွင်းတာလေးတွေ ရှိတာပေါ့။ ငွေပေးငွေယူ ကိစ္စတွေ မှာလည်း အရမ်းခက်ခဲတယ်။ အခုဖွင့်လိုက်တော့ အားလုံးအတွက် အဆင်ပြေတာပေါ့” လို့ မီဒီယာတွေကို ပြောပါတယ်။

ထိုင်း-မြန်မာ နယ်စပ် ချစ်ကြည်ရေး တံတားကို ပြန်လည်ဖွင့်လှစ်တဲ့ အတွက် ဒေသတွင်း အလုပ်အကိုင်၊ စီးပွားရေး အခွင့်အလမ်းတွေ ဖွံ့ဖြိုးတိုးတက်လာနိုင်ပေမယ့် မြန်မာ့နိုင်ငံရေး အခြေအနေနဲ့ စစ်ကောင်စီရဲ့ ထိန်းချုပ်ကန့်သတ် မှုတွေကြောင့် တံတားကနေ ဖြတ်သန်း သွားလာနိုင်မယ့် အခြေအနေကို စောင့်ကြည့်ရမယ်လို့ ဒေသခံတွေက သုံးသပ်ပါတယ်။

MK-009

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

ဒေသတွင်းသတင်း

စိတ်ကြွဆေးပြား၁၀သန်းကျော်နဲ့အတူဖမ်းမိတဲ့တာချီလိတ်ကရဲတပ်သားဟောင်းဖေသက်ဟန်ကိုထောင်ဒဏ်နှစ်အကန့်အသတ်မရှိချမှတ်

တာချီလိတ်မြို့နယ်ထဲမှာ စိတ်ကြွေဆေးပြား ၁၀သန်းကျော်အပါအဝင် မူးယစ်ဆေးထုတ်လုပ်စက်၊ လက်နက်ခဲယမ်းတွေနဲ့အတူ ဖမ်းမိတဲ့ ရဲတပ်သားဟောင်း ဖေသက်ဟန်ကို တာချီလိတ်ခရိုင်တရားရုံးက ထောင်ဒဏ်နှစ်အကန့်အသတ်မရှိ ချမှတ်လိုက်တယ်လို့ စုံစမ်းသိရပါတယ်။
ဒေသတွင်းသတင်း

မီဇိုရမ်မှာ မြန်မာနှစ်ဦးကို ဖောက်ခွဲစက် အလုံး ၁၀၀ ဖမ်းမိဟု အိန္ဒိယထုတ်ပြန်

မဲခေါင်၊ ဇန်နဝါရီ ၁၇ ပြီးခဲ့တဲ့ တနင်္ဂနွေနေ့က အိန္ဒိယ-မြန်မာနယ်စပ်နားက မီဇိုရမ်ပြည်နယ် ချမ်ပိုင်းခရိုင်မှာ မြန်မာနိုင်ငံသားနှစ်ဦးကို ဖောက်ခွဲစက် (detonators) အလုံး
ဒေသတွင်းသတင်း မြန်မာ့နွေဦး

အင်းလေးမှာ တောင်ယာလုပ်နေတဲ့ ရွာသားတွေကို စစ်တပ်ကဝင်ပစ်လို့ တစ်ဦးသေပြီး ၅ ဦးဖမ်းဆီးခံရ

ရှမ်းပြည်နယ် တောင်ပိုင်း၊ ညောင်ရွှေမြို့နယ်၊ အင်းလေးဒေသမှာ ဇန်နဝါရီလ ၁၃ ရက်က တောင်ယာလုပ်ပြီး အနားယူနေတဲ့ ရွာသားတွေကို စစ်တပ်က ဝင်ပစ်ရာ တစ်ဦးသေပြီး ၅ ဦးကို ဖမ်းဆီးသွားတယ်လို့ ဒေသခံတွေထံက သိရပါတယ်။
ဒေသတွင်းသတင်း မြန်မာ့နွေဦး

ညောင်ရွှေမှာတိုက်ပွဲဖြစ်ပြီးနောက်ပိုင်း စစ်တပ်၊ ရဲနဲ့ ပျူစောထီးတွေက အရပ်ဝတ်နဲ့ခြေရှုပ်နေ

ရှမ်းပြည်နယ်တောင်ပိုင်း၊ ညောင်ရွှေမြို့နယ်မှာ တိုက်ပွဲဖြစ်ပြီးနောက်ပိုင်း စစ်တပ်၊ ရဲနဲ့ ပျူစောထီးတွေက အရပ်ဝတ်တွေနဲ့ စုံစမ်းထောက်လှမ်းနေတယ်လို့ တော်လှန်ရေးအင်အားစုသတင်းရင်းမြစ်တွေထံကနေ သိရပါတယ်။
ဒေသတွင်းသတင်း

တရုတ်မှာ ကိုဗစ်ကူးစက်မှု ပြင်းထန်နေစဉ် ၃ နှစ်နီးပါး ပိတ်ထားတဲ့ တရုတ်-မြန်မာ နယ်စပ်ဂိတ်တွေ ပြန်ဖွင့်တော့မယ်

တရုတ်နိုင်ငံမှာ ကိုဗစ် ရောဂါ ကူးစက်မှု ပြင်းထန်နေစဉ်မှာ ကိုဗစ်ကြောင့် ၃ နှစ်နီးပါး ပိတ်ထားတဲ့ တရုတ်- မြန်မာ နယ်စပ်ကုန်သွယ်ရေး ဂိတ်တွေကို ဇန်နဝါရီလ ၈ ရက်နေ့မှာ ပြန်လည် ဖွင့်လှစ်မယ်လို့ တရုတ် အာဏာပိုင်တွေက
ဒေသတွင်းသတင်း

“ဝ” ပြည်နယ်၊ ပန်ဆန်းမြို့ မှာ ကား ၂ စီး လိမ်လည် ခိုးယူခံရ

"၀"ပြည်နယ်၊ ပန်ဆန်း မြို့ မှာ ဒီဇင်ဘာလ၂၃ ရက်‌ နေ့က အလုပ်သမားတစ်ဦး က သူဌေးမရဲ့ အိမ်စီးကား ၂ စီး ကို လိမ်လည်ခိုးယူ သွားတယ်လို့ ဒေသတွင်း မီဒီယာ တစ်ခု ဖြစ်တဲ့
ဒေသတွင်းသတင်း

လားရှိုးအကျဉ်းထောင်ရိပ်သာ မီးလောင်

ရှမ်းပြည်နယ်မြောက်ပိုင်း၊ လားရှိုးမြို့ရှိ လားရှိုးအကျဉ်းထောင်မှာ ဒီကနေ့ ဒီဇင်ဘာလ ၁၈ရက်၊ မနက်ပိုင်းအချိန်က မီးလောင်ကျွမ်းမှုဖြစ်ပွားခဲ့တယ်လို့ ဒေသခံတွေထံကနေ သိရပါတယ်။
ဒေသတွင်းသတင်း

တောင်ကြီးမှာ ယမ်းနဲ့ ဆက်စပ်ပစ္စည်းတွေအားလုံး အသုံးပြုခွင့် စစ်ကောင်စီပိတ်ထား

အာဏာသိမ်းစစ်ကောင်စီက ရှမ်းပြည်နယ်ရဲ့ မြို့တော်၊ တောင်ကြီးမြို့မှာ ယမ်းစိမ်းအပါအဝင် ယမ်းနဲ့ ဆက်စပ်ပစ္စည်းတွေအားလုံး အသုံးပြုခွင့်ပိတ်ပင်ထားတယ်လို့ မီးပုံးပျံပညာရှင်တွေထံကနေ သိရပါတယ်။