မဲခေါင်၊ ဇန်နဝါရီ ၁၇
ပြီးခဲ့တဲ့ တနင်္ဂနွေနေ့က အိန္ဒိယ-မြန်မာနယ်စပ်နားက မီဇိုရမ်ပြည်နယ် ချမ်ပိုင်းခရိုင်မှာ မြန်မာနိုင်ငံသားနှစ်ဦးကို ဖောက်ခွဲစက် (detonators) အလုံး ၁၀၀ နဲ့ ဖမ်းဆီးရမိတယ်လို့ အိန္ဒိယ ဒေသခံအာဏာပိုင်တွေက ဇန်နဝါရီ ၁၆ ရက်နေ့မှာ အတည်ပြုထုတ်ပြန်ပါတယ်။
မီဇိုရမ်ပြည်နယ်ထဲမှာ စိတ်ကြွမူးယစ်ဆေးဝါးနဲ့ ဒေသတွင်းလက်နက်ကိုင်အဖွဲ့အစည်းတွေဆီ လက်နက်မှောင်ခို သွင်းမှုတွေကို တားဆီးဖို့ အာသံရိုင်ဖယ် နယ်ခြားစောင့်တပ်၊ မီဇိုရမ်ရဲတပ်ဖွဲ့နဲ့ အကောက်ခွန်အဖွဲ့တွေပေါင်းပြီး စစ်ဆေးရေးလုပ်စဉ်မှာ ဒီလိုဖမ်းဆီးရမိခဲ့တာဖြစ်တယ်လို့ ထုတ်ပြန်ခဲ့ပါတယ်။
တစ်ရက်တည်းမှာပဲ ရှာဖွေစစ်ဆေးမှုတွေကနေ ဆေးခြောက် ၆.၃၅ ကီလိုဂရမ်၊ စိတ်ကြွဆေးပြား တန်ကြေး ရူပီး ၄.၆၉ သိန်းဖိုးကို ဇော့တီရွာနားမှာ ဖမ်းဆီးရမိခဲ့တယ်လို့လည်း ကြေညာခဲ့ပါတယ်။
မီဇိုရမ်ဟာ မြန်မာနိုင်ငံက ထွက်ပြေးရတဲ့ စစ်သားနဲ့ရဲ CDM တွေ၊ စစ်ဘေးရှောင်တွေသောင်းချီလက်ခံထားတဲ့ ပြည်နယ်ဖြစ်ပြီး ပြီးခဲ့တဲ့ ဒီဇင်ဘာလအတွင်းက အိန္ဒိယပြည်ထဲရေးဝန်ကြီးနဲ့ ကိုယ်စားလှယ်အဖွဲ့ဟာ နေပြည်တော်ကိုလာပြီးစစ်ကောင်စီအကြီးအကဲ၊ ရဲချုပ်တို့နဲ့ တွေ့ဆုံပြီး နယ်စပ်ဒေသ ပူးပေါင်းစစ်ဆေးရေးလုပ်ဖို့ သဘောတူလက်မှတ်ရေးထိုးခဲ့ပါသေးတယ်။
Ref: firstpost
MKF – 001
