တာချီလိတ်မြို့မှာ မယ်ဆိုင်ချောင်းရေလျှံပြီး မြို့ပေါ်ရပ်ကွပ်တွေ အောက်တိုဘာ ၇ရက် ညသန်းခေါင်ကျော်ကစလို့ ရေထပ်ကြီးနေပါတယ်။
မြို့ပေါ်ရပ်ကွက်တွေထဲအထိ ရေဝင်ပြီး အရင်ရေကြီးရေလျှံတာထက် အခုတစ်ခါ ရေကြီးရေလျှံတာဟာ ပိုဆိုးတယ်လို့ ဒေသခံတွေထံကနေ သိရပါတယ်။
“ဒီတခါဖြစ်တာက အရင်နဲ့မတူဘူး။ ပိုဆိုးတယ်။ ကားတွေပါ မျှောပါတဲ့အထိ ဖြစ်တယ်။ မိုးက ညကတော့နည်းနည်းသည်းတယ်၊ ဒီမနက်မရွာတော့ဘူး။ အဓိကက တောင်ကျရေကြာင့်”လို့ သူက ပြောပါတယ်။
မယ်ဆိုင်ချောင်းနဲ့နီးတဲ့ ဆန်ဆိုင်းဈေး၊ တာလော့ဈေးနဲ့ ပုန်းထွန်ရပ်ကွက်၊ မေဖလားဝါးကွင်းနဲ့ မယ်ခေါင်ရပ်ကွက်တွေမှာ ရေကြီးရေလျှံမှုတွေ ဖြစ်နေပါတယ်။
မယ်ဆိုင်ချောင်းရေလျှံရင် တာချီလိတ်မြို့မှာ ရေကြီးရေလျှံမှုဖြစ်နေတာဟာ အမြဲတမ်းလို ဖြစ်နေပါတယ်။
