ဒေသတွင်းသတင်း

ပုလဲမြေဩဇာကို အပြင်ဆိုင်တွေနဲ့ပေါင်းကာ တောင်ကြီးစိုက်ပျိုးရေးဌာန ဈေး၄ဆခန့်တင်ရောင်း

မဲခေါင် 11 Dec - 2022
ရှမ်းပြည်နယ်တောင်ပိုင်း၊ တောင်ကြီးခရိုင်အတွင်းမှာ စိုက်ပျိုးရေးဦးစီးဌာနက ပုလဲမြေဩဇာကို တကယ်လိုအပ်တဲ့ တောင်သူတွေထံ မရောင်းပေးဘဲ အရောင်းဆိုင်တွေကနေတဆင့် ဈေး ၄ဆခန့်တင်ပြီး ရောင်းစားနေတယ်လို့ ‌ဒေသခံတွေထံကနေ သိရပါတယ်။

ပုလဲဓာတ်မြေဩဇာတစ်အိတ်ကို စိုက်ပျိုးရေးဌာနက သတ်မှတ်ဈေးဖြစ်တဲ့ ကျပ် ၃သောင်းကျော်နဲ့ တောင်ကြီးမြို့နယ်စိုက်ပျိုးရေးဌာနမှာ သွားဝယ်ရင် အမြဲကုန်နေတယ်သာ ပြောဆိုပြီး အပြင်စိုက်ပျိုးရေးပစ္စည်းအရောင်းဆိုင်တွေမှာတော့ ဝယ်လို့ရတယ်လို့ ဒေသခံစိုက်ပျိုးရေးတောင်သူတစ်ဦးက မဲခေါင်ကို ပြောပါတယ်။

အစိုးရရောင်းဈေးက ၃သောင်းကျော်ပဲရှိတယ်‌ သိရတယ်။ ဒါပေမယ့် သွားဝယ်ရင် အမြဲတမ်း ကုန်ပြီလို့ပဲပြောတယ်။ ပြီးတော့ စိုက်ပျိုးရေးက ဝန်ထမ်းတွေက အရောင်းဆိုင်တွေကို ၈သောင်းလောက်နဲ့ အပြင်ဆိုင်မှာလာဖြန့်ရောင်းကြတယ်။ အပြင်မှာ တစ်အိတ်ကို တစ်သိန်းကျော်နဲ့ ပြန်ဝယ်ရတယ်

လို့ သူက ပြောပါတယ်။

အဲဒီလို ရောင်းချနေမှုကို တောင်ကြီးခရိုင်အတွင်းရှိ မြို့နယ်အားလုံးနီးပါးမှာ တွေ့ရှိနေရပြီး

တောင်ကြီးခရိုင်စိုက်ပျိုးရေးဦးစီးဌာနရဲ့ ခရိုင်ဦးစီးမှူးက ဦးဆောင်ကာ မြို့နယ်စိုက်ပျိုးရေးဦးစီးဌာန၊ မြို့နယ်ဦးစီးမှူးနဲ့ ဝန်ထမ်းတွေကိုယ်တိုင် ဖြန့်ဖြူးရောင်းချနေတာဖြစ်တယ်လို့လည်း သိရပါတယ်။

ရှမ်းပြည်နယ်အတွင်းက တောင်သူတွေဟာ ဒီနှစ်ပိုင်းတွေအတွင်း ကိုဗစ်ဖြစ်လို့ သီးနှံတင်ပို့ခွင့်ခက်ခဲ့တာ၊ စစ်တပ်အာဏာသိမ်းမှုကြောင့် စိုက်စရိတ်တွေ အဆမတန်မြင့်တက်လာတာ တွေကြောင့်  အခက်အခဲဖြစ်နေပါတယ်။

ဒါ့အပြင့် စစ်တပ်အာဏာသိမ်းပြီး ငွေကြေးဖောင်းပွမှုကြောင့် ဓာတ်မြေဩဇာအပါအဝင် စိုက်ပျိုးရေး သွင်းအားစုတွေ ၃ဆခန့်ဈေးတက်ကုန်သလို လောင်စာဆီဈေးနှုန်းမြင့်တက်မှုကြောင့် သယ်ယူပို့ဆောင်စရိတ်မြင့်တက်မှုတွေဒဏ်တွေကိုလည်း တောင်သူတွေခံစားနေရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

ဒေသတွင်းသတင်း

စိတ်ကြွဆေးပြား၁၀သန်းကျော်နဲ့အတူဖမ်းမိတဲ့တာချီလိတ်ကရဲတပ်သားဟောင်းဖေသက်ဟန်ကိုထောင်ဒဏ်နှစ်အကန့်အသတ်မရှိချမှတ်

တာချီလိတ်မြို့နယ်ထဲမှာ စိတ်ကြွေဆေးပြား ၁၀သန်းကျော်အပါအဝင် မူးယစ်ဆေးထုတ်လုပ်စက်၊ လက်နက်ခဲယမ်းတွေနဲ့အတူ ဖမ်းမိတဲ့ ရဲတပ်သားဟောင်း ဖေသက်ဟန်ကို တာချီလိတ်ခရိုင်တရားရုံးက ထောင်ဒဏ်နှစ်အကန့်အသတ်မရှိ ချမှတ်လိုက်တယ်လို့ စုံစမ်းသိရပါတယ်။
ဒေသတွင်းသတင်း

မီဇိုရမ်မှာ မြန်မာနှစ်ဦးကို ဖောက်ခွဲစက် အလုံး ၁၀၀ ဖမ်းမိဟု အိန္ဒိယထုတ်ပြန်

မဲခေါင်၊ ဇန်နဝါရီ ၁၇ ပြီးခဲ့တဲ့ တနင်္ဂနွေနေ့က အိန္ဒိယ-မြန်မာနယ်စပ်နားက မီဇိုရမ်ပြည်နယ် ချမ်ပိုင်းခရိုင်မှာ မြန်မာနိုင်ငံသားနှစ်ဦးကို ဖောက်ခွဲစက် (detonators) အလုံး
ဒေသတွင်းသတင်း မြန်မာ့နွေဦး

အင်းလေးမှာ တောင်ယာလုပ်နေတဲ့ ရွာသားတွေကို စစ်တပ်ကဝင်ပစ်လို့ တစ်ဦးသေပြီး ၅ ဦးဖမ်းဆီးခံရ

ရှမ်းပြည်နယ် တောင်ပိုင်း၊ ညောင်ရွှေမြို့နယ်၊ အင်းလေးဒေသမှာ ဇန်နဝါရီလ ၁၃ ရက်က တောင်ယာလုပ်ပြီး အနားယူနေတဲ့ ရွာသားတွေကို စစ်တပ်က ဝင်ပစ်ရာ တစ်ဦးသေပြီး ၅ ဦးကို ဖမ်းဆီးသွားတယ်လို့ ဒေသခံတွေထံက သိရပါတယ်။
ဒေသတွင်းသတင်း မြန်မာ့နွေဦး

ညောင်ရွှေမှာတိုက်ပွဲဖြစ်ပြီးနောက်ပိုင်း စစ်တပ်၊ ရဲနဲ့ ပျူစောထီးတွေက အရပ်ဝတ်နဲ့ခြေရှုပ်နေ

ရှမ်းပြည်နယ်တောင်ပိုင်း၊ ညောင်ရွှေမြို့နယ်မှာ တိုက်ပွဲဖြစ်ပြီးနောက်ပိုင်း စစ်တပ်၊ ရဲနဲ့ ပျူစောထီးတွေက အရပ်ဝတ်တွေနဲ့ စုံစမ်းထောက်လှမ်းနေတယ်လို့ တော်လှန်ရေးအင်အားစုသတင်းရင်းမြစ်တွေထံကနေ သိရပါတယ်။
ဒေသတွင်းသတင်း

မြဝတီ-မဲဆောက် အမှတ် (၁) တံတားကနေ ၂ နိုင်ငံ ကူးသန်းသွားလာခွင့်ရ

မဲခေါင်၊ ဇန်နဝါရီ ၁၂ ကရင်ပြည်နယ်၊ မြဝတီမြို့နဲ့ ထိုင်းနိုင်ငံ မဲဆောက်မြို့ကို ဆက်သွယ်ထားတဲ့ မြဝတီ-မဲဆောက် ချစ်ကြည်ရေး အမှတ် (၁) တံတားပေါ်ကနေ ယာယီ လက်မှတ်တွေနဲ့ မဲဆောက်မြို့တွင်း သွားလာခွင့်ရပြီလို့ မြဝတီ ဒေသခံတွေထံက သိရပါတယ်။
ဒေသတွင်းသတင်း

တရုတ်မှာ ကိုဗစ်ကူးစက်မှု ပြင်းထန်နေစဉ် ၃ နှစ်နီးပါး ပိတ်ထားတဲ့ တရုတ်-မြန်မာ နယ်စပ်ဂိတ်တွေ ပြန်ဖွင့်တော့မယ်

တရုတ်နိုင်ငံမှာ ကိုဗစ် ရောဂါ ကူးစက်မှု ပြင်းထန်နေစဉ်မှာ ကိုဗစ်ကြောင့် ၃ နှစ်နီးပါး ပိတ်ထားတဲ့ တရုတ်- မြန်မာ နယ်စပ်ကုန်သွယ်ရေး ဂိတ်တွေကို ဇန်နဝါရီလ ၈ ရက်နေ့မှာ ပြန်လည် ဖွင့်လှစ်မယ်လို့ တရုတ် အာဏာပိုင်တွေက
ဒေသတွင်းသတင်း

“ဝ” ပြည်နယ်၊ ပန်ဆန်းမြို့ မှာ ကား ၂ စီး လိမ်လည် ခိုးယူခံရ

"၀"ပြည်နယ်၊ ပန်ဆန်း မြို့ မှာ ဒီဇင်ဘာလ၂၃ ရက်‌ နေ့က အလုပ်သမားတစ်ဦး က သူဌေးမရဲ့ အိမ်စီးကား ၂ စီး ကို လိမ်လည်ခိုးယူ သွားတယ်လို့ ဒေသတွင်း မီဒီယာ တစ်ခု ဖြစ်တဲ့
ဒေသတွင်းသတင်း

လားရှိုးအကျဉ်းထောင်ရိပ်သာ မီးလောင်

ရှမ်းပြည်နယ်မြောက်ပိုင်း၊ လားရှိုးမြို့ရှိ လားရှိုးအကျဉ်းထောင်မှာ ဒီကနေ့ ဒီဇင်ဘာလ ၁၈ရက်၊ မနက်ပိုင်းအချိန်က မီးလောင်ကျွမ်းမှုဖြစ်ပွားခဲ့တယ်လို့ ဒေသခံတွေထံကနေ သိရပါတယ်။