ဒေသတွင်းသတင်း

တာချီလိတ်မှာအမျိုးသမီးတစ်ဦးကိုသေနတ်နဲ့၂ချက်ဆင့်ပစ်သတ်ခဲ့သူဦးဇွဲအမှုကနေပြန်လွတ်လာ

မဲခေါင် 5 Apr - 2023
လူသတ်မှုနဲ့ ဖမ်းဆီးခံရသူ တာချီလိတ်မြို့က ဇွဲသာယာကမ်းခြေပိုင်ရှင် ဦးဇွဲဟာ ပြီးခဲ့တဲ့ ရက်ပိုင်းမှာ အမှုကနေ ပြန်လွတ်လာပြီလို့ သတင်းရင်းမြစ်တွေက မဲခေါင်ကို ပြောပါတယ်။

မဲခေါင်၊ ဧပြီ ၅

လူသတ်မှုနဲ့ ဖမ်းဆီးခံရသူ တာချီလိတ်မြို့က ဇွဲသာယာကမ်းခြေပိုင်ရှင် ဦးဇွဲဟာ ပြီးခဲ့တဲ့ ရက်ပိုင်းမှာ အမှုကနေ ပြန်လွတ်လာပြီလို့ သတင်းရင်းမြစ်တွေက မဲခေါင်ကို ပြောပါတယ်။

ဦးဇွဲဟာ သူပိုင်တဲ့ ဇွဲသာယာကမ်းခြေမှာ ၂၀၂၂ခုနှစ် အောက်တိုဘာလ ၅ရက် ညနေပိုင်းက အမျိုးသမီးတစ်ဦးကို သေနတ်နဲ့ ၂ချက်ဆင့် ပစ်သတ်ခဲ့လို့ လူသတ်မှုပုဒ်မ ၃၀၂နဲ့ အမှုဖွင့်ခံရတာဖြစ်ပြီး ပုဒ်မ ၃၀၂ ကနေ ပုဒ်မ ၃၀၄ကို ပြောင်းလဲခဲ့ပြီး အမှုကနေ ပြန်လွတ်လာတာလို့ တာချီလိတ်သတင်းရင်းမြစ်တစ်ဦးက မဲခေါင်ကို ပြောပါတယ်။

“လူသတ်မှုကနေ လူသေမှုပုဒ်မပြောင်းလိုက်တာပေါ့။ ဗျူဟာကနေ လိုက်ထုတ်ပေးလိုက်တာ။ အကုန်လုံးကိုတော့ညှိရတာပေါ့။ တော်တော်တော့ကုန်သွားတယ်” လို့ သူက ပြောပါတယ်။

ဦးဇွဲကို ဖမ်းဆီးစဉ်က သူကိုင်ဆောင်တဲ့သေနတ်ဟာ လိုင်စင်မရှိတာကြောင့် လက်နက်မှုနဲ့ပါ အမှုဖွင့်ခဲ့ပေမယ့် လက်နက်မှုပုဒ်မ ၁၉(စ)နဲ့ အမှုမဖွင့်ဘဲ ပြစ်ဒဏ်ပေ့ါလျော့တဲ့ ရှမ်းလက်နက်မှုနဲ့ပဲ ဖွင့်လှစ်ခဲ့တာကြောင့် အဲဒီအမှုကနေလည်း ပြီးပြတ်ခဲ့ပြီလို့ စုံစမ်းသိရပါတယ်။

၂၀၂၂ခုနှစ် အောက်တိုဘာလ ၅ရက် ညနေပိုင်းက ဇွဲသာယာကမ်းခြေမှာ ဦးဇွဲရဲ့ အမျိုးသမီးနဲ့ ဈေးလာရောင်းတဲ့ ဈေးသည် မလှလှဝင်းတို့ စကားများတာကို ဦးဇွဲကဝင်ရောက်ပြီး သေနတ်နဲ့ ၂ချက်ပစ်ခတ်ခဲ့တာ ဖြစ်ပါတယ်။

အဲဒီပစ်ခတ်မှုကြောင့် မလှလှဝင်း ကျည်ဆံထိမှန်ခဲ့ပြီး ဆေးရုံအရောက်မှာ သေဆုံးသွားတာဖြစ်ပါတယ်။

ဦးဇွဲကို အမှုစဖွင့်စဉ်ကတည်းက ရဲတိုင်ချက်ထဲမှာ မြေကြီးကိုသေနတ်နဲ့ပစ်ရာကနေ ကျည်ဆံက ကျောက်တုံးကို ထိမှန်ပြီး လမ်းကြောင်းပြောင်းကာ မလှလှဝင်း ထိမှန်သေဆုံးတာဖြစ်တယ်လို့ ဖြစ်စဉ်ကို ပေ့ါလျော့အောင်ရေးသားထားပါတယ်။

ဇွဲသာယာကမ်းခြေပိုင်ရှင် ဦးဇွဲဟာ စစ်သားလူထွက်တယောက်ဖြစ်ပြီး အဖမ်းမခံရခင်အထိ ပြည်သူ့စစ်အဖွဲ့ဝင်တစ်ဦးဖြစ်ပါတယ်။ ခေတ်အဆက်ဆက် တာဝန်ကျ စစ်ဗျူဟာမှူးတွေနဲ့ ရင်းနှီးသူလည်းဖြစ်ပါတယ်။

တာချီလိတ်မြို့မှာ အာဏာပိုင်တွေနဲ့ ရင်းနှီးကျွမ်းဝင်သူတွေ၊ ငွေကြေးတတ်နိုင်သူတွေဟာ ပြစ်မှုကျူးလွန်ပေမယ့် ထောင်မကျဘဲ ပြန်လည်လွတ်မြောက်လာတဲ့ ဖြစ်စဉ်တွေ အရင်ကလည်း အများအပြားရှိခဲ့တယ်လို့ ဒေသခံတွေက ပြောပါတယ်။

ပြီးခဲ့တဲ့လပိုင်းက တာချီလိတ်ထဲကို ခိုးသွင်းမယ့် ဆိုင်ကယ်အစီး ၄၀လောက်နဲ့အတူဖမ်းဆီးရမိတဲ့ မဇ္ဈိမလူမှုကူညီရေးအသင်းဥက္ကဌ ဦးတင့်ဆွေလည်း မကြာမီပြန်လည်လွတ်မြောက်လာဖို့ရှိတယ်လို့ သတင်းရင်းမြစ်တစ်ဦးက မဲခေါင်ကိုပြောပါတယ်။

MK – 004

#MeKongNews 

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

ဒေသတွင်းသတင်း

တောင်ကြီး အ.ထ.က ကျောင်းတွေမှာ ကျောင်းဆရာ အသွင်ယူပြီး တရက်အတွင်း ဆိုင်ကယ် ၁၂ စီး စံချိန်တင် ခိုးသွား

မဲခေါင်၊ မေ ၂၆ ရှမ်းပြည်နယ်ရဲ့ မြို့တော် တောင်ကြီးမြို့ရဲ့ အခြေခံပညာ အထက်တန်းကျောင်းတွေမှာ ကျောင်းဆရာ ဝတ်စုံနဲ့ အသွင်ယူပြီး တစ်ရက်အတွင်း
ဒေသတွင်းသတင်း

SSPP က ဖမ်းဆီးအရေးယူမယ်လို့ သတိပေးပြီးနောက် တန့်ယန်းမြို့မှာ လောင်းကစားဝိုင်းတွေ ပိတ်သိမ်း

မဲခေါင် ၊ မေ ၂၆ ရှမ်းပြည်တိုးတက်ရေးပါတီ SSPP အုပ်ချုပ်ရေးဌာနက တန့်ယန်းမြို့ ရပ်ကွက်အုပ်ချုပ်ရေးမှူးတွေကို လောင်းကစားဝိုင်းတွေဖွင့်ရင် ဖမ်းဆီးအရေးယူမယ်လို့ ခေါ်ယူသတိပေးလိုက်တဲ့အတွက်
ဒေသတွင်းသတင်း

ဈေးပြင်ဖို့ဆိုပြီး PNO ပြည်သူ့စစ်က ကျေးရွာတွေမှာ ဆက်ကြေးကောက်

မဲခေါင်၊ မေ ၂၄ ဈေးပြုပြင်ဖို့ အတွက် ဆိုပြီးတော့စစ်ကောင်စီ လက်အောက်ခံ PNO ပြည်သူ့စစ်က ဟိုပုံးမြို့နယ်ရှိ ပအိုဝ်းကျေးရွာတွေကို တစ်အိမ် ၅,၀၀၀ ကျပ် ဆက်ကြေး ကောက်ခဲ့တယ်လို့ ဒေသခံတွေက ပြောပါတယ်။
ဒေသတွင်းသတင်း မြန်မာ့နွေဦး

မန်တုံနဲ့ မိုးမိတ်မှာ TNLA စိုက်ထူထားတဲ့ သစ်တောကြိုးဝိုင်း ဆိုင်းဘုတ်တွေ ဖျက်ဆီးခံရ

မဲခေါင်၊ မေ ၂၄ ရှမ်းပြည်နယ် မြောက်ပိုင်း၊ မန်တုံမြို့နယ်နဲ့ မိုးမိတ်မြို့နယ်အတွင်း PSLF/ TNLA မြေယာနှင့် သစ်တောဌာနက စိုက်ထူထားတဲ့ ကြိုးဝိုင်းသစ်တော ထိန်းသိမ်းရေး ဆိုင်းဘုတ်တွေ ဖျက်ဆီးခံခဲ့ရတယ်လို့ TNLA က မနေ့ မေလ
ဒေသတွင်းသတင်း

တရုတ်ဘက် ပို့ကုန် သရက်သီးတွေ ဈေးကျ

မဲခေါင်၊ မေ ၂၃ မူဆယ်နယ်စပ်ကနေ တရုတ်ဘက် တင်ပို့နေတဲ့ သရက်သီးပို့ကုန်တွေ ဒီရက်ပိုင်းအတွင်း ဈေးကျလာကြောင်း နယ်စပ်သစ်သီး လုပ်ငန်းရှင်တွေဆီက သိရပါတယ်။
ဒေသတွင်းသတင်း

ရဲတပ်ဖွဲ့ဝင်ဟောင်း ဗိုလ်လုံမြင့်ထွေး မူးယစ်ဆေးမှုနဲ့ ထောင်ဒဏ် ၁၁နှစ် ချမှတ်ခံရ

မဲခေါင်၊ မေ ၂၁ တာချီလိတ်မြို့က လူကုန်တားရဲတပ်ဖွဲ့ဝင်ဟောင်း တစ်ဦးဖြစ်သူ ဗိုလ်လုံမြင့်ထွေးကို တာချီလိတ်ခရိုင်တရားရုံးက မူးယစ်ဆေးဝါးအမှုနဲ့ ထောင်ဒဏ် ၁၁နှစ် ချမှတ်လိုက်တယ်လို့ စုံစမ်းသိရပါတယ်။
ဒေသတွင်းသတင်း

ဟဲဟိုး-ကလောလမ်း သီခေါင်တောင် Viewpoint ဆောက်လုပ်မှု ဒေသခံတွေ ဝေဖန်

မဲခေါင်၊ မေ ၂၀ ရှမ်းပြည်နယ်တောင်ပိုင်း၊ ဟဲဟိုး-ကလောလမ်းပိုင်းရှိ သီခေါင်တောင်တွင် Viewpoint စင်ဆောက်လုပ်မှုဟာ သဘာဝပတ်ဝန်းကျင် အလှကို ဖျက်ဆီးလိုက်တာဖြစ်တယ်လို့ ဒေသခံတွေက ဝေဖန်ပြောဆိုနေကြပါတယ်။
ဒေသတွင်းသတင်း

တာချီလိတ် အမှတ် (၁) တံတားမှာ ပွဲစားနဲ့ လ.ဝ.က ပေါင်းပြီး နေ့ချင်းပြန် နိုင်ငံကူးလက်မှတ် ဘတ် ၁၀၀ နဲ့ အမြန်လုပ်ပေး

မဲခေါင်၊ မေ ၁၉ ရှမ်းပြည်နယ် အရှေ့ပိုင်း၊ တာချီလိတ်မြို့နဲ့ ထိုင်းနိုင်ငံ မယ်ဆိုင်မြို့ကို ဆက်သွယ်ထားတဲ့ အမှတ် (၁) တံတားမှာ ပွဲစားတွေနဲ့ စစ်ကောင်စီ လူဝင်မှု ကြီးကြပ်ရေး ဝန်ထမ်းတွေ ပေါင်းကာ နေချင်းပြန် နိုင်ငံကူး