မြေရှားသတ္တု တစ်တန် ယွမ် ၃၅၀၀၀ အခွန်ဆောင်စေကာ တရုတ်ထံ KIA တင်ပို့ခွင့်ပြု
မဲခေါင်၊ မတ် ၂၇
ကချင်ပြည်နယ်တွင် တိုက်ပွဲများဖော်ဆောင်လာခြင်းကြောင့် တရုတ်ထံ မြေရှားသတ္တုတင်ပို့မှု ရပ်ဆိုင်းထားရာမှ ယခု နယ်မြေစိုးမိုးထားနိုင်ပြီဖြစ်သော ကချင်လွတ်လပ်ရေးတပ်မတော် (KIA) က တရုတ်ထံ မြေရှားသတ္တုများ ပြန်လည်တင်ပို့ခွင့် ပြုလိုက်ပြီဖြစ်ကြောင်း ရိုက်တာသတင်းဌာနက မတ် ၂၇ ရက် တွင် ဖော်ပြသည်။
မြေရှားသတ္တုမိုင်း အဖွဲ့များထံ KIA ဘက်မှ မတ် ၂၆ ရက်နေ့တွင် ထုတ်ပြန်အသိပေးချက် ပေးပို့ရာ မတ် ၂၇ ရက်မှ စတင်ပြီး မြေရှားသတ္တုများကို တရုတ်ထံ တင်ပို့ခွင့်ပြန်လည်ခွင့်ပြုကြောင်းနှင့် တစ်တန်လျှင် အခွန်အဖြစ် ယွမ် ၃၅၀၀၀ (စင်ကာပူဒေါ်လာ ၆၄၆၀) သတ်မှတ်ပေးခဲ့သည်ဟု မိုင်းတွင်းအဖွဲ့တစ်ဖွဲ့ထံမှ သိရှိရသည်။
ယင်းသတင်းရင်းမြစ်မှ ရရှိသည့်သတင်းကို ရိုက်တာမှ KIA ထံ မေးမြန်းရာတွင် ပြန်လည် ဖြေကြားမှု မရှိသေးကြောင်း သိရသည်။
တရုတ်သည် ကမ္ဘာ့လျှပ်စစ်ကား၊ မိုဘိုင်းဖုန်းနှင့်လျှပ်စစ်ပစ္စည်းများစွာ တွင် မရှိမဖြစ်သတ္တုဖြစ်သည့် မြေရှားသတ္တု တင်ပို့မှုအများဆုံးနိုင်ငံဖြစ်နေပြီး ကချင်ပြည်နယ်တွင်း စစ်ပွဲများကြောင့် Terbium Oxide စျေးနှုန်းသည် စက်တင်ဘာလကုန်ပိုင်းမှ မတ် ၂၄ ရက်ကြား စျေးနှုန်း ၂၁ . ၉ ရာခိုင်နှုန်းအထိ မြင့်တက်ခဲ့ကာ တစ်ကီလိုဂရမ်လျှင် ယွမ် ၆၅၅၀ အထိ မြင့်တက်သွားခဲ့သည်။
သို့သော် မြန်မာနိုင်ငံ ကချင်ပြည်နယ် မြေရှားသတ္တုအဓိကထွက်ရှိရာ ပန်ဝါနှင့်ချီဖွေအပါအဝင် နယ်မြေများမှ သတ္တုများ ပြန်လည်တင်ပို့တော့မည့်သတင်းများကြောင့် တစ်ပတ်အတွက် စျေးနှုန်း ၁ ရာခိုင်နှုန်း ပြန်လည်ကျဆင်းလာခဲ့သည်။
ကိုကလင်း
Ref:Reuter
#MeKongNews
