စီးပွားရေး

ရှမ်းတောင်မှာ ဆန်ဈေးကျဆင်းလာပေမယ့် ဝယ်လိုအားနည်းပါးနေ

မဲခေါင် 5 Oct - 2022
ရှမ်းပြည်နယ်တောင်ပိုင်းဒေသမှာ အောက်တိုဘာလ ၃ ရက်နေ့က စတင်ပြီး ဆန်ဈေး အနည်းငယ် ကျဆင်းလာပေမယ့် ဝယ်လိုအား နည်းပါး နေတယ်လို့ ဆန်ဆိုင်တွေထံ သိရပါတယ်။ မကြာမီ ဆန်အသစ်တွေ ပေါ်တော့မှာ ဖြစ်လို့ ၂၄ ပြည်ပါ ဆန်တစ်အိတ်ကို ၂၀၀၀ ကျပ်ကနေ ၅၀၀၀ ကျပ်ကြား ဈေးကျဆင်းလာပြီး ဆက်လက် ကျဆင်းဖွယ်ရှိတယ်လို့ ဆိုပါတယ်။ “ အသစ်တွေ ပေါ်လာပြီဆိုတော့ တစ်အိတ်ကို ဆန်အမျိုးအစားပေါ် မူတည်ပြီး ၂၀၀၀ ကနေ ၅၀၀၀ လောက်အထိ ကျလာတယ်။ ဆက်ကျနိုင်တယ်လို့လည်း ကုန်သည်တွေကတော့ ပြောတယ်။ စောင့်ကြည့်ရအုံးမှာပေါ့”  လို့ တောင်ကြီးမှာ ဆန်ဆိုင် ဖွင့်လှစ်ထားသူ တစ်ဦးက ပြောပါတယ်။ ပြီးခဲ့တဲ့

ရှမ်းပြည်နယ်တောင်ပိုင်းဒေသမှာ အောက်တိုဘာလ ၃ ရက်နေ့က စတင်ပြီး ဆန်ဈေး အနည်းငယ် ကျဆင်းလာပေမယ့် ဝယ်လိုအား နည်းပါး နေတယ်လို့ ဆန်ဆိုင်တွေထံ သိရပါတယ်။

မကြာမီ ဆန်အသစ်တွေ ပေါ်တော့မှာ ဖြစ်လို့ ၂၄ ပြည်ပါ ဆန်တစ်အိတ်ကို ၂၀၀၀ ကျပ်ကနေ ၅၀၀၀ ကျပ်ကြား ဈေးကျဆင်းလာပြီး ဆက်လက် ကျဆင်းဖွယ်ရှိတယ်လို့ ဆိုပါတယ်။

“ အသစ်တွေ ပေါ်လာပြီဆိုတော့ တစ်အိတ်ကို ဆန်အမျိုးအစားပေါ် မူတည်ပြီး ၂၀၀၀ ကနေ ၅၀၀၀ လောက်အထိ ကျလာတယ်။ ဆက်ကျနိုင်တယ်လို့လည်း ကုန်သည်တွေကတော့ ပြောတယ်။ စောင့်ကြည့်ရအုံးမှာပေါ့”  လို့ တောင်ကြီးမှာ ဆန်ဆိုင် ဖွင့်လှစ်ထားသူ တစ်ဦးက ပြောပါတယ်။

ပြီးခဲ့တဲ့ ဩဂုတ်လဝက်ခန့်မှ စတင်ပြီး ကုန်သည်တွေ ဆန်ဝယ်ယူရ ခက်ခဲကာ ဆန်ပြတ်လပ်နိုင်တယ်ဆိုတဲ့ သတင်းတွေကြောင့် ဆန်တွေ အလုအယက် ဝယ်ယူ စုဆောင်းထားကြတဲ့ အတွက် လက်ရှိ ပုံမှန် ရောင်းအားထက် ထက်ဝက်ခန့် ကျဆင်းနေတယ်လို့ သိရပါတယ်။

“ ဆန်ပြတ်မယ်ထင်ပြီး ပိုက်ဆံရှိတဲ့ သူတွေက ကြောက်ကြောက်နဲ့ ဝယ်စုထားကြတော့ အခုဆို ဆန်ဆိုင်တွေမှာ ရောင်းအားက တဝက်တောင် မနည်း ရောင်းနေရတယ်။ ပိုက်ဆံရှိတဲ့ လူတချို့နဲ့ အခြေခံ လူတန်းစားတွေ လောက်ပဲ လာဝယ်ကြတော့တာ။ ဝယ်စုထားတဲ့ လူတွေက နောက် သုံးလ လေးလလောက်အထိ ဝယ်စရာ မလိုတော့ဘူးလေ”  လို့ အောင်ပန်းမြို့မှာ ဆန်ဆိုင်ဖွင့်လှစ်ထားသူ တစ်ဦးက ပြောပါတယ်။

လက်ရှိ ရှမ်းပြည်နယ်တောင်ပိုင်း ဆန်ဈေးကွက်မှာ စားသုံးမှု အများဆုံးဖြစ်တဲ့ ဧည့်မထ တစ်အိတ် ၄၇၀၀၀ ကျပ်ဝန်းကျင်၊ ဖျာပုံပေါ်ဆန်း ရှယ်တစ်အိတ် ၆၈၀၀၀ ကျပ်ဝန်းကျင်၊ ရွှေဘိုပေါ်ဆန်း တစ်အိတ် ၉၂၀၀၀ ကျပ်ဝန်းကျင် ပေါက်ဈေး ရှိနေတယ်လို့ သိရပါတယ်။

ဒုတိယ စားသုံးမှု အများဆုံး ဆန်တွေဖြစ်တဲ့ ရှမ်းဆန်ဈေးကွက်မှာ နောင်မွန်ခေါက်နမ့်ခမ်း တစ်အိတ် ၈၀၀၀၀ ကျပ်ဝန်းကျင်၊ နောင်မွန် ရွှေရင်အေး တစ်အိတ် ၇၈၀၀၀ ကျပ်ဝန်းကျင်၊ ရွှေအပ်တစ်အိတ်ကို ၆၆၀၀၀ ကျပ်ဝန်း ကျင် ပေါက်ဈေး ရှိနေတယ်လို့ သိရပါတယ်။

ရှမ်းပြည်နယ်တောင်ပိုင်းမှာ စပါးစိုက်ဧက များစွာရှိပေမယ့် ဒေသဆန် ဖူလုံမှု မရှိတဲ့အတွက် ခေတ်အဆက်ဆက် ပြည်မက ထွက်ရှိတဲ့ ဆန်တွေကိုသာ အားထားနေရတယ်လို့ သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

စီးပွားရေး

လက်ဖက်လုပ်ငန်း လုပ်ကိုင်သူတွေ လိုက်နာရမဲ့ စည်းကမ်းချက် TNLA ထုတ်ပြန်

မဲခေါင်၊ မတ် ၂၂ ရှမ်းပြည်နယ် မြောက်ပိုင်း၊ တအာင်း ပြည်နယ်အတွင်း လက်ဖက် ရောင်းဝယ်ရေး လုပ်ငန်း လုပ်ကိုင်သူတွေ လိုက်နာရမဲ့
စီးပွားရေး

ဈေးကစားလိုသူတွေရဲ့ အွန်လိုင်းကောလဟလ ထုတ်လွှင့်တာကြောင့် ရွှေဈေးတက်နေရတယ်လို့ YGEA ထုတ်ပြန်

မဲခေါင်၊ မတ်လ ၂၂ ကမ္ဘာရွှေဈေးနဲ့ ပြည်တွင်းရွှေဈေး ချိတ်ဆက်မှုမရှိဘဲ ဈေးကစားလိုသူတွေ အွန်လိုင်းမီဒီယာတွေကနေ တစ်ဆင့်ကောလဟလ ထုတ်လွှင့်နေတာကြောင့်သာ ရွှေဈေးတက်နေရတယ်လို့ ရန်ကုန်တိုင်း
စီးပွားရေး

တာချီလိတ်-ကျိုင်းတုံ-တောင်ကြီး ကားခတွေဈေးကြီးနေပြီး ဆင်မောင်းမှာ ညအိပ်ခ အဆမတန်ပေးရ

မဲခေါင်၊ မတ် ၁၉ ရှမ်းပြည်နယ်၊ တာချီလိတ်-ကျိုင်းတုံ-တောင်ကြီး ကားခတွေ ဈေးကြီးနေတဲ့အပြင် မိုင်းပျဉ်းမြို့နယ် ၂၄ မိုင်ရွာ ဆင်မောင်းမှာ ရပ်နား ညအိပ်ရာ တည်းခိုခန်းခတွေ အဆမတန် ပေးနေရတယ်လို့ဒေသခံတွေက ပြောပါတယ်။
စီးပွားရေး

ပြည်တွင်းအာလူးပေါ်ချိန် တရုတ်နဲ့ ဘင်္ဂလားဒေရှ့်က အလုံးအရင်းနဲ့ဝင်နေလို့ တောင်သူတွေ တွက်ခြေမကိုက်

မဲခေါင်၊ မတ်လ ၁၈ ရှမ်းပြည်နယ် တောင်ပိုင်းနဲ့ အညာဒေသက အာလူးပေါ်ချိန်မှာ ဘင်္ဂလားဒေရှ့်နဲ့ တရုတ်က အလုံးအရင်းနဲ့ ဝင်ရောက်နေတာကြောင့် ဈေးကွက်အတွင်း ကုန်ပေါပြီး ဈေးရရှိမှုနည်းကာ အမြတ်အစွန်းနည်းလို့ တွက်ခြေမကိုက် ဖြစ်နေတယ်လို့ ရှမ်းတောင် အာလူးစိုက် တောင်သူတွေက
စီးပွားရေး မြန်မာ့နွေဦး

ဂျပန်ထွက်ဖို့ကြိုးစားနေတဲ့ မြန်မာလုပ်သား အရေအတွက်က ဂျပန်အစိုးရ ခေါ်ယူမှုထက် အဆမတန် များပြား

မဲခေါင်၊ မတ် ၁၁ အာဏာသိမ်းပြီးနောက် ဂျပန်ထွက်ဖို့ ကြိုးစားနေတဲ့ လူငယ် မြန်မာ လုပ်သား အရေအတွက်က ဂျပန် အစိုးရ ခေါ်ယူမှုထက် အဆမတန် များပြားနေတယ်လို့ ပြည်ပ အလုပ်အကိုင် ဝန်ဆောင်မှု လုပ်ငန်းရှင်များ အဖွဲ့ချုပ်ရဲ့
စီးပွားရေး

စစ်ခေါင်းဆောင်မက်လုံးပေးတဲ့ ချေးငွေတိုင်း လုပ်ငန်းရှင်တွေတကယ်ရဖို့ခက်နေ

မဲခေါင်၊ မတ် ၁၀ အာဏာသိမ်းစစ်ခေါင်းဆောင် မင်းအောင်လှိုင်ဟာ စီးပွားရေးလုပ်ငန်းရှင်တွေနဲ့ တွေ့တိုင်း လုပ်ငန်းနဲ့သက်ဆိုင်တဲ့ ချေးငွေတွေထုတ်ပေးမယ်လို့ မက်လုပ်ပေးနေပေမယ့် တကယ်တန်းမှာ ချေးငွေရရှိဖို့ခက်ခဲနေတယ်လို့ လုပ်ငန်းရှင်အသိုင်းအဝိုင်းကနေ သိရပါတယ်။
စီးပွားရေး

ဆီစျေးတက်၊ စစ်ဆေးရေးကြာလို့ ရှမ်းပြည်သွားကုန်ကားအချို့ ယာယီရပ်

ရှမ်းပြည်နယ်ကို အတက်အဆင်း ကုန်သယ်နေတဲ့ ကုန်တင်ယာဉ်တွေဟာ ဆီစျေးတွေ တက်လာတဲ့အပြင် စစ်ဆေးရေးဂိတ်တွေမှာ ကြာမြင့်စွာ စောင့်ဆိုင်း စစ်ဆေးခံရတာကြောင့် ယာယီရပ်နားထားရတယ်လို့ ကုန်တင်ယာဉ်မောင်းအချို့ထံက သိရပါတယ်။
စီးပွားရေး

၂၀၂၂ ခုနှစ်မှာ ကျောက်ဖြူ-ယူနန် သဘာဝဓာတ်ငွေ့တင်ပို့မှုမှ စစ်ကောင်စီ ဒေါ်လာ ၁.၄၃ ဘီလီယံရရှိ

မဲခေါင်၊ ဇန်နဝါရီ ၁ ၂၀၂၂ ခုနှစ်အတွင်း တရုတ်ကို ရခိုင်ရွှေကမ်းလွန်သဘာ၀ဓာတ်ငွေ့ လုပ်ကွက်မှ သဘာ၀ဓာတ်ငွေ့ ရောင်းချမှုကနေ စစ်ကောင်စီက ဒေါ်လာ ၁ . ၄၃ ဘီလီယံ ရရှိခဲ့တယ်လို့ သိရပါတယ်။