မဲခေါင်၊ ဇန်နဝါရီ ၁၆
တရုတ်-မြန်မာ အဓိကနယ်စပ်ကုန်သွယ်ရေးဂိတ်ဖြစ်တဲ့ ရွှေလီ – မူဆယ် ဂိတ်ကို ဇန်နဝါရီ ၁၄ ရက်နေ့မှာ တရားဝင်ပြန်ဖွင့်ခဲ့ပေမယ့် သူတို့ဘက်ကသာ ပို့ကုန်တွေကို အဓိကပို့နေပြီး မြန်မာဘက်က ကုန်တွေကို ကန့်သတ် ထားတယ်လို့ သိရပါတယ်။
အရှေ့တောင်အာရှရဲ့ အလုပ်အရှုပ်ဆုံးကုန်သွယ်ရေးဂိတ်ဖြစ်တဲ့ ရွှေလီ – မူဆယ် ဂိတ်ကို ကိုဗစ်ကြောင့် ၂၀၂၀ ဧပြီ လကစပြီး ပိတ်ခဲ့ရာက ဇန်နဝါရီ ၁၄ ရက် စနေနေ့မနက်ပိုင်းမှာ ပထမဆုံးအကြိမ် ဂိတ်တစ်ဂိတ်ကိုပြန်ဖွင့်ပေး လိုက်တာဖြစ်ကြောင်း ရှမ်းပြည်နယ်အာဏာပိုင်တစ်ဦးက အတည်ပြုပြောဆိုပါတယ်။
မူဆယ်ဆန်ကုန်စည်ဒိုင်အသင်း ဒုတိယဥက္ကဌ ဦးမင်းသိန်းက “ကုန်ကားခြောက်စီး မန်ဝိန်းကို ဖြတ်ကျော်ခြင်းနဲ့ ဂိတ်ကိုပြန်ဖွင့်လိုက်တာပါ။ ဒါပေမဲ့ တရုတ်ဘက်က သူတို့ဆီကို မြန်မာဘက်ကနေ စားသောက်ကုန်တစ်မျိုးတည်း ပဲ တင်သွင်းခွင့်ပြုထားပါသေးတယ်။ အဓိက ကုန်စည်တွေဖြစ်တဲ့ ဆန်၊ ဆန်းကွဲ၊ ပဲနဲ့ ဖရဲသီးတွေကို တင်ပို့ခွင့် မပြု သေးဘူး။ ကျင်ဆန်ကွက် စစ်ဆေးရေးဂိတ်ကို အသုံးပြုပြီး ပြန်ကုန်ကူးခွင့်ပေးခဲ့တာပါ။ သူတို့ဘက်ကတော့ စက်မှု အသုံးအဆောင်ပစ္စည်းတွေ၊ လျှပ်စစ်အသုံးဆောင်ပစ္စည်းတွေ၊ ဆေးဘက်ဆိုင်ရာပစ္စည်းတွေ၊ လူသုံးကုန်နဲ့ အိမ်သုံး ပစ္စည်း၊ စားသောက်ကုန်တွေ မြန်မာဘက်ကို တင်ပို့နေတယ်။ လူတွေကိုလည်း တရုတ်ဘက် ဖြတ်သန်းခွင့် ပိတ်ပင်ထားတုန်းပဲ” လို့ ပြောသွားပါတယ်။
MKF – 001
Ref: malaymail
#MeKongNews
