စီးပွားရေး

ပြတ်ချင်သလိုပြတ်နေတဲ့ လျှပ်စစ်မီးကြောင့် အသေးစားနဲ့ အလတ်စားလုပ်ငန်းတွေ အခက်ကြုံနေရ

မဲခေါင် 18 Nov - 2022
စစ်ကောင်စီက ရန်ကုန် အပါအဝင် နိုင်ငံတဝှမ်းမှာ အလှည့်ကျ စနစ်နဲ့ လျှပ်စစ်မီး ပေးနေတယ် ဆိုပေမယ့် မီးလာရမယ့် အချိန်မှာပါ ပြတ်တောက်နေတဲ့ အတွက် အသေးစားနဲ့ အလတ်စား လုပ်ငန်းတွေ အခက်ခဲများနဲ့ ကြုံတွေ့နေရတယ်လို့ လုပ်ငန်းရှင်တွေက ပြောပါတယ်။

လက်ရှိ ရန်ကုန်တိုင်းက ခရိုင် ၃ ခုကို အုပ်စု ၂ ခုခွဲကာ ၄ နာရီခြား လျှပ်စစ်မီး အလှည့်ကျပေးမယ်လို့ YESC က ပြောဆိုပေမယ် လက်တွေ့မှာတော့ မီးလာရမယ့် အလှည့်မှာပါ ပြတ်ချင်သလို ပြတ်နေတဲ့ အတွက် အသေးစား အလတ်စား လုပ်ငန်းများနဲ့ ပြည်သူတွေ အခက်ခဲ ဖြစ်နေရပါတယ်။

ကျွန်တော်တို့က လျှပ်စစ်မီးကို စောင့်ပြီး အလုပ်လုပ်လို့ မရတော့ဘူး။ သူတို့ဟာက လာရမယ့် အချိန်လည်း ပျက်နေတော့။ အရင်လို မီးစက်မောင်းရအောင်လည်း ဆီဈေးက မတရား တက်နေတာ မကိုက်ဘူး။ စီးပွားရေး လည်ပတ်အောင် လုပ်နေရတဲ့ အချိန်မှာ အခုလိုမျိုး အဆင်မပြေမှုတွေကြောင့် ကြာရင် လုပ်ငန်း ရပ်နားရ မလိုဖြစ်နေပြီ။ ကိုယ်တွေကို မီခိုနေတဲ့ အလုပ်သမားတွေကြောင့် တင်းခံနေပေမယ့် သူတို့ ဒီပုံစံအတိုင်း လုပ်ချင်တိုင်း လုပ်နေရင်တော့ မလွယ်ဘူး။ မီတာမဆောင်ရင်တော့ အိမ်တိုင်ရာရောက် မီးကိုလာဖြတ်တယ်။ မီးကိုမှန်အောင် ပေးသင့်ပါတယ်

လို့ တနိုင်တပိုင် အထည်ချုပ်လုပ်ငန်း လုပ်ကိုင်နေသူ တစ်ဦးက ပြောပါတယ်။

လက်ရှိ စစ်ကောင်စီ ချမှတ်တဲ့ စီးပွားရေး မူဝါဒတွေဟာ မြေပြင်နဲ့ ကွာခြားနေပြီး ကုန်ကြမ်းအခက်ခဲ၊ အလုပ်သမား ရှားပါးမှု၊ ဈေးကွက်ထိခိုက်မှုနဲ့ လုပ်ငန်းလည်ပတ်နိုင်ဖို့ အရင်းစိုက်ထုတ် လုပ်ကိုင်နေရတဲ့ အခြေနေမှာ လျှပ်စစ်မီး မမှန်တဲ့ အတွက် လုပ်ငန်းရှင် အများစု အဆင်မပြေမှုတွေ ကြုံတွေ့နေရတယ်လို့ သူကပြောပါတယ်။

အခု ဒီတစ်ပတ်ထဲမှာ ပိုဆိုးတယ်။ မီးက လာချင်တဲ့ အချိန်လာပြီး ပျက်ချင်သလို ပျက်နေတာ။ မီတာကျတော့ အချိန်မှန် ဆောင်ခိုင်းတယ်။ မဟုတ်လို့ကတော့ စစ်တပ်ပါခေါ်ပြီး မီးလာဖြတ်တာ။ ရန်ကုန်မြို့က နယ်မြို့တွေနဲ့ မတူဘူး၊ တိုက်ခန်းကျဉ်းလေးတွေထဲ ဆိုတော့ လှောင်ပိတ်နေတာ။ အခုဆို မနက် ၁၀ နာရီ ကတည်းက ဖြတ်သွားတာ ၄ နာရီကျော်နေပြီ။ မလာသေးဘူး

လို့ ရန်ကုန်မြို့ခံ တစ်ဦးက ပြောပါတယ်။

စစ်ကောင်စီ လက်အောက်ခံ YESC က အုပ်စုခွဲကာ ဓာတ်အား အလှည့်ကျပေးဖို့ စီစဉ်တယ် ဆိုပေမယ့် ဓာတ်အား လျော့ကျမှုနဲ့ ဓာတ်အားစနစ် အရေးပေါ် အခြေနေနဲ့ ကြုံတဲ့အခါမှာ ထပ်မံ ဖြတ်တောက်မှာဖြစ်ပြီး အစိုးရ ဆေးရုံတွေနဲ့ ဌာနဆိုင်ရာတွေကိုတော့ ၂၄ နာရီ အချိန်ပြည့် လျှပ်စစ်ဓာတ်အား ပေးမယ်ဆိုပြီး ထုတ်ပြန်ထားပါတယ်။

အခု ဆောင်းဦးကာလ ပွင့်လင်းရာသီကစပြီး စစ်ကောင်စီက နိုင်ငံတဝှမ်း လျှပ်စစ်ဓာတ်အားကို အခြေအနေပေါ် မူတည်ပြီး ခွဲတန်းစနစ်နဲ့ ပေးနိုင်ဖို့ အစီစဉ်တွေ လုပ်နေတယ်လို့လည်း သိရပါတယ်။

စစ်တပ် အာဏာမသိမ်းခင် အရပ်သား အစိုးရ လက်ထက်မှာ တစ်နိုင်ငံလုံး အတိုင်းအတာနဲ့ လျှပ်စစ်မီး ပြတ်တောက်မှုတွေ ရှိခဲ့ပေမယ့် အခုလို ဆိုးဆိုးရွားရွား အခြေအနေ မဖြစ်ခဲ့ဘူးလို့ ရန်ကုန်မြို့ခံတွေက ဝေဖန်နေပါတယ်။

လက်ရှိ ရန်ကုန် လျှပ်စစ်ဓာတ်အားပေးရေးအဖွဲ့ YESC ဟာ စစ်ကောင်စီ အလိုကျ မီတာခ လိုက်လံကောက်ခံပြီး မပေးဆောင်တဲ့ နေအိမ်တွေ မီးဖြတ်တာ ခြိမ်းခြောက်တာတွေ လုပ်နေပေမယ့် အလှည့်ကျ လျှပ်စစ်မီးပေးတဲ့ စနစ်ကိုပင် မှန်ကန်စွာ ပေးနိုင်ခြင်း မရှိတာကို တွေ့ရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

စီးပွားရေး

၂၀၂၂ ခုနှစ်မှာ ကျောက်ဖြူ-ယူနန် သဘာဝဓာတ်ငွေ့တင်ပို့မှုမှ စစ်ကောင်စီ ဒေါ်လာ ၁.၄၃ ဘီလီယံရရှိ

မဲခေါင်၊ ဇန်နဝါရီ ၁ ၂၀၂၂ ခုနှစ်အတွင်း တရုတ်ကို ရခိုင်ရွှေကမ်းလွန်သဘာ၀ဓာတ်ငွေ့ လုပ်ကွက်မှ သဘာ၀ဓာတ်ငွေ့ ရောင်းချမှုကနေ စစ်ကောင်စီက ဒေါ်လာ
စီးပွားရေး

လျှပ်စစ်ကားတင်သွင်းမှုက ပွင့်လင်းမြင်သာမှုမရှိတဲ့ ပရော့ချက်တစ်ခုသာဖြစ်တယ်လို့ ကား လောကသားတွေ ဝေဖန်

မဲခေါင်၊ ဇန်နဝါရီ ၂၆ စစ်ကောင်စီရဲ့ လျှပ်စစ်ကားတင်သွင်းမှုဟာ ရေပေါ်ဆီ လူတန်းစာတစ်ရပ် အတွက်သာ ဖြစ်ပြီး ပွင့်လင်းမြင်သာမှု မရှိတဲ့ နိုင်ငံတော်ဆိုင်ရာ
စီးပွားရေး

ရွှေလီ – မူဆယ် နယ်စပ်ဂိတ်ပြန်ဖွင့်ပေမယ့် တရုတ်ဘက်က ပို့ကုန်တွေပဲ အများဆုံးဝင်

တရုတ်-မြန်မာ အဓိကနယ်စပ်ကုန်သွယ်ရေးဂိတ်ဖြစ်တဲ့ ရွှေလီ - မူဆယ် ဂိတ်ကို ဇန်နဝါရီ ၁၄ ရက်နေ့မှာ တရားဝင်ပြန်ဖွင့်ခဲ့ပေမယ့် သူတို့ဘက်ကသာ ပို့ကုန်တွေကို အဓိကပို့နေပြီး မြန်မာဘက်က ကုန်တွေကို ကန့်သတ် ထားတယ်လို့ သိရပါတယ်။ 
စီးပွားရေး

ကော်ဖီစေ့အစို ဈေးနှိမ်လို့ တောင်သူတွေ တွက်ခြေမကိုက်ဖြစ်နေ

ရှမ်းပြည်နယ်ထွက် ကော်ဖီစေ့ အစိုတွေကို ကုန်သည်တွေက ဈေးနှိမ် ဝယ်ယူနေတဲ့ အတွက် တောင်သူတွေ ကုန်ကျစရိတ်နဲ့ တွက်ခြေမကိုက် ဖြစ်နေပြီး ထပ်မံ တိုးချဲ့ စိုက်ပျိုးဖို့ စိတ်မဝင်စားကြတော့ဘူးလို့ ကော်ဖီစိုက် တောင်သူတွေက ပြောပါတယ်။
စီးပွားရေး

ရုံးခန်းမရှိတဲ့ Yagon Time Investment ကုမ္ပဏီက ကျပ်သိန်းပေါင်းများစွာ လိမ်လည်သွား

Yagon Time Investment ဆိုတဲ့ အမည်ခံ ရင်းနှီးမြှုပ်နှံမှု ကုမ္ပဏီက ပြီးခဲ့တဲ့ နိုဝင်ဘာလ ၁၅ ရက်နေ့ကစပြီး ငွေကြေး ရင်းနှီးမြှုပ်နှံထားသူတွေကို အဆက်အသွယ် မပြုလုပ်တော့ဘဲ ငွေကျပ် သိန်းပေါင်းများစွာ လိမ်လည်သွားတယ်လို့ ငွေကြေး ရင်းနှီးမြုပ်နှံသူတွေ
စီးပွားရေး

စားသုံးဆီ တစ်ပိဿာ ကျပ် ၆,၀၀၀ ဝန်းကျင်အထိ ဈေးပြန်ကျစဉ် စစ်ကောင်စီက ရည်ညွှန်းဈေးတိုးမြှင်လို့ ကုန်သည်တွေ ဝေဖန်

လက်လီ ဈေးကွက်အတွင်း စားသုံးဆီ တစ်ပိဿာ ကျပ် ၆,၀၀၀ ကျော်ဝန်းကျင် အထိ ပြန်ကျနေစဉ်မှာ စစ်ကောင်စီ လက်အောက်ခံ စားသုံးဆီ တင်သွင်း သိုလှောင် ဖြန့်ဖြူးခြင်း လုပ်ငန်းကြီးကြပ်မှုကော်မတီက ရန်ကုန်အထိုင် ရည်ညွှန်းဈေးကို တစ်ပိဿာ ၄၃၅၀
စီးပွားရေး

ရန်ကုန်အခြေစိုက် ရွှေစက်ဝန်းကုမ္ပဏီက ကျပ်သိန်းပေါင်းတစ်သိန်းကျော် လိမ်သွား

ငွေကြေး လည်ပတ်မှု အဆင်မပြေတော့လို့ ဆိုတဲ့ အကြောင်းပြချက်နဲ့ ရန်ကုန်မြို့ အခြေစိုက် ဆန်လုပ်ငန်း လုပ်ကိုင်တဲ့ ရွှေစက်ဝန်း ကုမ္ပဏီက ငွေကျပ်သိန်းပေါင်း တစ်သိန်းကျော် လိမ်လည်ခဲ့ပြီး ကုမ္ပဏီပိုင်ရှင် ထွက်ပြေး တိမ်းရှောင် နေတယ်လို့ ဘုရင်နောင် ဆန်ကုန်စည်ဒိုင်က
စီးပွားရေး

စစ်ခေါင်းဆောင်က မြေပြင်အခြေအနေကို မျက်ကွယ်ပြုပြီး ထင်ရာမြင်ရာပြောနေဟု လုပ်ငန်းရှင်များဝေဖန်

အာဏာသိမ်း စစ်ခေါင်းဆောင်က သီးနှံစိုက်ပျိုးမှု အထွက်နှုန်းကောင်းကာ ပြည်ပတင်ပို့မှု အားကောင်း လာတယ်လို့ ပြောဆိုမှုဟာ မြေပြင်အခြေနေကို မျက်ကွယ်ပြုပြီး ထင်ရာမြင်ရာ ပြောဆိုမှုသာ ဖြစ်တယ်လို့ ပို့ကုန်သွင်းကုန် လုပ်ငန်းရှင်တွေက ဝေဖန်ပါတယ်။ မနေ့က နေပြည်တော်မှာ ပြုလုပ်ခဲ့တဲ့ စစ်ကောင်စီ