စီးပွားရေး

စစ်ကောင်စီ လက်အောက်ခံ ရွှေအသင်းရဲ့ ဈေးထိန်းမှုကြောင့် ရွှေဆိုင်တွေ အလျော့တွက်လက်ခ တင်ရိုက်ဖို့ရှိနေ

မဲခေါင် 31 Oct - 2022
ရန်ကုန်တိုင်း အတွင်းရှိ ရွှေဆိုင်တွေ အားလုံး ရွှေတစ်ကျပ်သား ၂၅ သိန်း ၃ သောင်းနဲ့ ရောင်းချဖို့ စစ်ကောင်စီ လက်အောက်ခံ ရန်ကုန် ရွှေအသင်းရဲ့ ဈေးထိန်း ထုတ်ပြန်ချက်ဟာ ပေါက်ဈေး ၂၆ သိန်းကျော်နဲ့ ကွာဟနေတာကြောင့် ရွှေဆိုင်တွေ အနေနဲ့ အလျော့တွက် လက်ခံတွေ ပိုတွက်ပြီး ရောင်းလာမယ်လို့ ရွှေကုန်သည်တွေက ပြောပါတယ်။ ယမန်နေ့ အောက်တိုဘာလ ၃၀ ရက်က ရန်ကုန် ရွှေအသင်းက စစ်ကောင်စီရဲ့ ရွှေနဲ့ ငွေကြေး ထိန်းသိမ်းရေး အဖွဲ့ရဲ့ လမ်းညွှန်ချက်အရ ဟုဆိုကာ ရန်ကုန်တိုင်း အတွင်းရှိ ရွှေဆိုင်အားလုံး ရွှေတစ်ကျပ်သား ၂၅ သိန်း ၃ သောင်းကျပ်နဲ့ ရောင်းချရမယ်လို့

ရန်ကုန်တိုင်း အတွင်းရှိ ရွှေဆိုင်တွေ အားလုံး ရွှေတစ်ကျပ်သား ၂၅ သိန်း ၃ သောင်းနဲ့ ရောင်းချဖို့ စစ်ကောင်စီ လက်အောက်ခံ ရန်ကုန် ရွှေအသင်းရဲ့ ဈေးထိန်း ထုတ်ပြန်ချက်ဟာ ပေါက်ဈေး ၂၆ သိန်းကျော်နဲ့ ကွာဟနေတာကြောင့် ရွှေဆိုင်တွေ အနေနဲ့ အလျော့တွက် လက်ခံတွေ ပိုတွက်ပြီး ရောင်းလာမယ်လို့ ရွှေကုန်သည်တွေက ပြောပါတယ်။

ယမန်နေ့ အောက်တိုဘာလ ၃၀ ရက်က ရန်ကုန် ရွှေအသင်းက စစ်ကောင်စီရဲ့ ရွှေနဲ့ ငွေကြေး ထိန်းသိမ်းရေး အဖွဲ့ရဲ့ လမ်းညွှန်ချက်အရ ဟုဆိုကာ ရန်ကုန်တိုင်း အတွင်းရှိ ရွှေဆိုင်အားလုံး ရွှေတစ်ကျပ်သား ၂၅ သိန်း ၃ သောင်းကျပ်နဲ့ ရောင်းချရမယ်လို့ ထုတ်ပြန်ခဲ့ပါတယ်။

“ပန်ကြားလွှာဆိုပြီး ထွက်လာတာ၊ သူတို့က ဒီလို သတ်မှတ်တယ်ဆို ဆိုင်တွေကတော့ သူတို့ခိုင်းတဲ့ ဈေးနဲ့ပဲ ရောင်းရမှာပေါ့။ ဒါပေမယ့် အလျော့တွက် လက်ခတွေ ပိုတွက်ပြီး ရောင်းကြမှာပေါ့။ ကိုယ်ကိုက်အောင် တွက်ပြီး ရောင်းကျမှာပဲ။ ဝယ်ယူတဲ့ သူတွေက အလျော့တွက် ပိုပေးရ သလို ဖြစ်သွားမှာ။ ဒီလိုထုတ်ပြန်ချက်နဲ့ ပတ်သက်ပြီး အပြင်က ရောင်းဝယ်မှု ပုံစံကို စာထုတ်တဲ့ အသင်းက လူတွေက သိပါတယ်။ အပေါ်က ဖိအား ပေးမှုတွေကြောင့် မတတ်သာလို့ ကြေညာ လိုက်ရတဲ့ သဘောပါ။ မှောင်ခိုဈေး ၂၆ သိန်းကျော်နဲ့ အရောင်းအဝယ်တွေ လုပ်နေကြတယ်။ အရေးယူမယ့် အပိုင်းတွေက ရှိလာမှာပဲ။ ဆိုင်တွေမှာ တရားဝင် ကတော့ ၂၅ သိန်း ၃ သောင်းနဲ့ပဲ ရောင်းကြမှာ။ အရေးယူလို့ မရအောင် ရောင်းကြမှာပဲ”  လို့ လမ်းမတော်မြို့နယ်က ရွှေဆိုင်ပိုင်ရှင် တစ်ဦးက ပြောပါတယ်။

ယခုလ အတွင်း ရွှေအသင်းက ရွှေ ၁၀ ပိဿာကျော် တရားဝင် ရောင်းချခဲ့စဉ်က ခဏတာ ဈေးနှုန်း ကျဆင်းခဲ့ပေမယ့် လက်ရှိ မှောင်ခိုဈေးကွက် ကြီးထွားလာပြီး အခု ထုတ်ပြန်မှုကို အကြောင်းပြုကာ ရွှေဆိုင်များ အလျော့တွက် လက်ခ တိုးမြှင့်မှုကြောင့် ဝယ်ယူသူတွေ ရွှေတစ်ကျပ်သား ကျပ် ၁ သိန်းနီးပါး နစ်နာနိုင်တယ်လို့ ၎င်းကဆိုပါတယ်။

စစ်ကောင်စီ လက်အောက်ခံ ရွှေနဲ့ ငွေကြေးအဖွဲ့က ရွှေဈေး သတ်မှတ်ပေးဖို့ ညွှန်ကြားချက်နဲ့ ပတ်သက်ပြီး “မနေ့က ရွှေရည်နဲ့‌ ငွေကြေးအဖွဲ့က လမ်းညွန်တာ။ အဲ့ဈေးနဲ့ သတ်မှတ်ပေးပါဆိုလို့ သတ်မှတ်ပေးလိုက်တယ်။ ရွှေဆိုင်အားလုံးက အသင်းဝင် မဟုတ်တဲ့ အတွက် အသင်းပေချ့်မှာ တင်ပေးလိုက်တယ်။ အဲ့ဒီအတိုင်း လိုက်နာ ဆောင်ရွက်ကြဖို့ တိုက်တွန်းတဲ့ သဘောနဲ့ ထုတ်ပြန်တာပါ။ ဒါကို ရွှေဆိုင် အားလုံးလိုက်နာ ဆောင်ရွက်ကြရမှာပါ။ လိုအပ်တဲ့ ထိန်းကျောင်းမှုကိုတော့ ရွှေနဲ့ငွေကြေးအဖွဲ့က ဆက်လက် ထိန်းကျောင်း သွားမှာပါ။ ဦးတို့က သူတို့ လမ်းညွှန်တာ အကြောင်းကြားပေးတာပါ” လို့ ရွှေအသင်း တာဝန်ရှိသူက ပြောပါတယ်။

ယခင် စစ်ကောင်စီ လက်ထက်ကလည်း အခုလို ရွှဈေး သတ်မှတ်ခဲ့လို့ ရွှေဆိုင်များ အလျော့တွက် လက်ခများ တိုးမြှင့် တွက်ချက် ရောင်းခဲ့ချခဲ့ရပြီး ထိရောက်မှု မရှိကြောင်း၊ အသင်း အနေနဲ့ လုပ်ငန်း အတွေ့အကြုံ အရ ထ်ရောက်မှု မရှိဘူးဆိုတာ သိပေမယ့် ဖိအားပေး ထုတ်ပြန်ခိုင်းတာ ဖြစ်မယ်လို့ ရွှေကုန်သည်များက သုံးသပ်ပါတယ်။

ယနေ့ အောက်တိုဘာလ ၃၁ ရက်နေ့မှာ ရွှေဆိုင်တွေ အနေနဲ့ စစ်ကောင်စီ သတ်မှတ်တဲ့ ရွှေဈေး ၂၅ သိန်း ၃ သောင်းနဲ့ ဟန်ပြ ရောင်းဝယ်မှု ပြုနေပေမယ့် ဈေးကွက်ထဲမှာ ၂၆ သိန်း ၆ သောင်းခွဲ ပေါက်ဈေးနဲ့ အရောင်းအဝယ် လုပ်နေတယ်လို့ သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

စီးပွားရေး

၂၀၂၂ ခုနှစ်မှာ ကျောက်ဖြူ-ယူနန် သဘာဝဓာတ်ငွေ့တင်ပို့မှုမှ စစ်ကောင်စီ ဒေါ်လာ ၁.၄၃ ဘီလီယံရရှိ

မဲခေါင်၊ ဇန်နဝါရီ ၁ ၂၀၂၂ ခုနှစ်အတွင်း တရုတ်ကို ရခိုင်ရွှေကမ်းလွန်သဘာ၀ဓာတ်ငွေ့ လုပ်ကွက်မှ သဘာ၀ဓာတ်ငွေ့ ရောင်းချမှုကနေ စစ်ကောင်စီက ဒေါ်လာ
စီးပွားရေး

လျှပ်စစ်ကားတင်သွင်းမှုက ပွင့်လင်းမြင်သာမှုမရှိတဲ့ ပရော့ချက်တစ်ခုသာဖြစ်တယ်လို့ ကား လောကသားတွေ ဝေဖန်

မဲခေါင်၊ ဇန်နဝါရီ ၂၆ စစ်ကောင်စီရဲ့ လျှပ်စစ်ကားတင်သွင်းမှုဟာ ရေပေါ်ဆီ လူတန်းစာတစ်ရပ် အတွက်သာ ဖြစ်ပြီး ပွင့်လင်းမြင်သာမှု မရှိတဲ့ နိုင်ငံတော်ဆိုင်ရာ
စီးပွားရေး

ရွှေလီ – မူဆယ် နယ်စပ်ဂိတ်ပြန်ဖွင့်ပေမယ့် တရုတ်ဘက်က ပို့ကုန်တွေပဲ အများဆုံးဝင်

တရုတ်-မြန်မာ အဓိကနယ်စပ်ကုန်သွယ်ရေးဂိတ်ဖြစ်တဲ့ ရွှေလီ - မူဆယ် ဂိတ်ကို ဇန်နဝါရီ ၁၄ ရက်နေ့မှာ တရားဝင်ပြန်ဖွင့်ခဲ့ပေမယ့် သူတို့ဘက်ကသာ ပို့ကုန်တွေကို အဓိကပို့နေပြီး မြန်မာဘက်က ကုန်တွေကို ကန့်သတ် ထားတယ်လို့ သိရပါတယ်။ 
စီးပွားရေး

ကော်ဖီစေ့အစို ဈေးနှိမ်လို့ တောင်သူတွေ တွက်ခြေမကိုက်ဖြစ်နေ

ရှမ်းပြည်နယ်ထွက် ကော်ဖီစေ့ အစိုတွေကို ကုန်သည်တွေက ဈေးနှိမ် ဝယ်ယူနေတဲ့ အတွက် တောင်သူတွေ ကုန်ကျစရိတ်နဲ့ တွက်ခြေမကိုက် ဖြစ်နေပြီး ထပ်မံ တိုးချဲ့ စိုက်ပျိုးဖို့ စိတ်မဝင်စားကြတော့ဘူးလို့ ကော်ဖီစိုက် တောင်သူတွေက ပြောပါတယ်။
စီးပွားရေး

ပြတ်ချင်သလိုပြတ်နေတဲ့ လျှပ်စစ်မီးကြောင့် အသေးစားနဲ့ အလတ်စားလုပ်ငန်းတွေ အခက်ကြုံနေရ

စစ်ကောင်စီက ရန်ကုန် အပါအဝင် နိုင်ငံတဝှမ်းမှာ အလှည့်ကျ စနစ်နဲ့ လျှပ်စစ်မီး ပေးနေတယ် ဆိုပေမယ့် မီးလာရမယ့် အချိန်မှာပါ ပြတ်တောက်နေတဲ့ အတွက် အသေးစားနဲ့ အလတ်စား လုပ်ငန်းတွေ အခက်ခဲများနဲ့ ကြုံတွေ့နေရတယ်လို့ လုပ်ငန်းရှင်တွေက ပြောပါတယ်။
စီးပွားရေး

ရုံးခန်းမရှိတဲ့ Yagon Time Investment ကုမ္ပဏီက ကျပ်သိန်းပေါင်းများစွာ လိမ်လည်သွား

Yagon Time Investment ဆိုတဲ့ အမည်ခံ ရင်းနှီးမြှုပ်နှံမှု ကုမ္ပဏီက ပြီးခဲ့တဲ့ နိုဝင်ဘာလ ၁၅ ရက်နေ့ကစပြီး ငွေကြေး ရင်းနှီးမြှုပ်နှံထားသူတွေကို အဆက်အသွယ် မပြုလုပ်တော့ဘဲ ငွေကျပ် သိန်းပေါင်းများစွာ လိမ်လည်သွားတယ်လို့ ငွေကြေး ရင်းနှီးမြုပ်နှံသူတွေ
စီးပွားရေး

စားသုံးဆီ တစ်ပိဿာ ကျပ် ၆,၀၀၀ ဝန်းကျင်အထိ ဈေးပြန်ကျစဉ် စစ်ကောင်စီက ရည်ညွှန်းဈေးတိုးမြှင်လို့ ကုန်သည်တွေ ဝေဖန်

လက်လီ ဈေးကွက်အတွင်း စားသုံးဆီ တစ်ပိဿာ ကျပ် ၆,၀၀၀ ကျော်ဝန်းကျင် အထိ ပြန်ကျနေစဉ်မှာ စစ်ကောင်စီ လက်အောက်ခံ စားသုံးဆီ တင်သွင်း သိုလှောင် ဖြန့်ဖြူးခြင်း လုပ်ငန်းကြီးကြပ်မှုကော်မတီက ရန်ကုန်အထိုင် ရည်ညွှန်းဈေးကို တစ်ပိဿာ ၄၃၅၀
စီးပွားရေး

ရန်ကုန်အခြေစိုက် ရွှေစက်ဝန်းကုမ္ပဏီက ကျပ်သိန်းပေါင်းတစ်သိန်းကျော် လိမ်သွား

ငွေကြေး လည်ပတ်မှု အဆင်မပြေတော့လို့ ဆိုတဲ့ အကြောင်းပြချက်နဲ့ ရန်ကုန်မြို့ အခြေစိုက် ဆန်လုပ်ငန်း လုပ်ကိုင်တဲ့ ရွှေစက်ဝန်း ကုမ္ပဏီက ငွေကျပ်သိန်းပေါင်း တစ်သိန်းကျော် လိမ်လည်ခဲ့ပြီး ကုမ္ပဏီပိုင်ရှင် ထွက်ပြေး တိမ်းရှောင် နေတယ်လို့ ဘုရင်နောင် ဆန်ကုန်စည်ဒိုင်က