မဲခေါင်၊ မတ် ၁၅
ကချင်ပြည်နယ်၊ ဗန်းမော် – မြစ်ကြီးနားလမ်း၊ မိုးမောက်မြို့နယ်၊ တာပိန်မြစ်အနီး၊ ဒါဆိုင်း (တာဆိုင်း)ရွာ အခြေစိုက် ခလရ – ၂၃၇ စစ်ကောင်စီ တပ်စခန်းမှ လက်နက်ခဲယမ်း အများအပြား သိမ်းပိုက်ရရှိကြောင်း ရှေ့တန်း သတင်းရင်းမြစ်တွေဆီက သိရပါတယ်။
“လက်နက် အသေးက ၁၀၀ ကျော်။ လက်နက်ကြီးတွေလည်း အများကြီးပဲ။ ကျည်တွေတော့ မရေတွက်နိုင်ေအာင်ပဲ။ ဆန်တွေ၊ စားနပ်ရိက္ခာတွေ၊ ကြက်၊ နွား၊ ဆိတ်တွေ ရာချီတယ်။ အများကြီးရထားတယ်” လို့ ရှေ့တန်းနဲ့ နီးစပ်သူ တစ်ဦးက ပြောပါတယ်။
အဲဒီ စစ်ကောင်စီ တပ်စခန်းကြီးကို မနေ့က မနက် ၆ နာရီခန့်က နောက်တကျော့ ထိုးစစ်ဆင်တာမှာ မနက် ၈ နာရီဝန်းကျင်ခန့်ကစ သိမ်းတာဖြစ်ပြီး နေ့လယ် ၁၂ နာရီခွဲခန့်မှာ အပြီးသတ် သိမ်းပိုက်နိုင်ခဲ့တာလို့ ဆိုပါတယ်။
“စစ်ကောင်စီ အရှင်တွေလည်း ဖမ်းမိထားတယ်။ ဘယ်နှစ််ယောက်ဖမ်းမိလဲဝော့ မသိဘူး။” လို့ နောက်ထပ် သတင်းရင်းမြစ် တစ်ဦးက ပြောပါတယ်။
ခလရ – ၂၃၇ စစ်ကောင်စီစခန်းကို KIA တပ်မဟာ ၃ နဲ့ ပူးေပါင်း မဟာမိတ် တပ်ဖွဲ့တွေ မတ်လ ၇ ရက်က စတင် တိုက်ခိုက်ခဲ့ကာ ယမန်နေ့ မတ်လ ၁၄ ရက်မနက်မှာ နောက်တချီ ထိုးစစ်ဆင်တိုက်ခိုက်ရာ တပတ်အကြာမှာ အပြီးသတ် ရှင်းလင်းသိမ်းပိုက်နိုင်ခဲ့တာလို့ ဆိုပါတယ်။
ဗန်းမော် – မြစ်ကြီးနားလမ်းပေလ်ရှိ ဒေါ့ဖုန်းယန်အနီး အအေခြစိုက် ခလရ – ၁၄၂ ကိုလည်း ပြီးခဲ့တဲ့ မတ်လ ၈ ရက်နေ့က KIA နဲ့ ပူးပေါင်းအဖွဲ့က သိမ်းပိုက်ခဲ့ရာ သုံ့ပန်း ရာချီနဲ့ လက်နက်ခဲယမ်း စစ်အသုံးအဆောင် ပစ္စည်းတွေ အအမြောက်အမြား သိမ်းဆည်းရရှိခဲ့တာဖြစ်ပါတယ်။
CJ-008
