မဲခေါင် ဇူလိုင် ၂၀
ဗြိတိန်နိုင်ငံတကာ ထောက်လှမ်းရေးအဖွဲ့ M16 အကြီးအကဲ ဆာရစ်ချက်မိုးရ်က ချက်နိုင်ငံ ပရပ်ဂ်မြို့ကို ရောက်ရှိ နေချိန် မီဒီယာတွေနဲ့တွေ့ဆုံမှုမှာ မြန်မာနိုင်ငံရဲ့ ဝမ်းနည်းဖွယ်ရာ ဖြစ်ရပ်ဆိုးတွေဟာ တရုတ်မှာ တာဝန်ရှိတယ်လို့ ဝေဖန်ပြောကြားသွားပါတယ်။
မြန်မာနိုင်ငံ နယ်စပ်ဒေသ စစ်ကောင်စီ တော်လှန်သူတွေဆီ တစ်လကြာ သွားရောက်ပြီး တိုက်ပွဲတွေကို သတင်းရိုက် ကူးလို့ ကမ္ဘာသိအောင် တင်ပြနေတဲ့ ဗြိတိန် Sky သတင်းဌာနက ရစ်ချက်မိုးနဲ့ တွေ့ဆုံပြီး ဒီသတင်းကို တင်ဆက်ခဲ့ တာလည်း ဖြစ်ပါတယ်။
ထောက်လှမ်းရေးချုပ် ရစ်ချက်မိုးဟာ လွန်ခဲ့တဲ့ နှစ်အနည်းငယ်က မြန်မာနိုင်ငံကို လည်ပတ် ရောက်ရှိခဲ့ဖူးပြီး လက်ရှိ ကြားသိရတဲ့အခြေအနေတွေက အလွန်အမင်း ဝမ်းနည်းဖွယ်ရာဖြစ်တယ်လို့လည်း စိတ်မကောင်းစကား ဆိုခဲ့ပါတယ်။
‘”ကျွန်တော် ကြောက်ရွံ့မိတာက တရုတ်ရဲ့ တာဝန်ရှိမှုကိုပါပဲ။ ဘာကြောင့်လည်း ဆိုတော့ စစ်အာဏာရှင်တွေကို အရင်ဦးဆုံး ထောက်ခံတာ သူတို့ပဲ။စစ်ကောင်စီဟာ သူတို့ထောက်ပံ့မှုတွေ မပါဘဲ ဒီနေ့လို ရပ်တည်ဖို့ မဖြစ် နိုင်ပါဘူး” လို့ ရစ်ချက်မိုးရ်က တုံ့ပြန်ပြောကြားသွားခဲ့ပါတယ်။
ဗြိတိန်အစိုးရဟာ မြန်မာနိုင်ငံမှာ စစ်အာဏာသိမ်းပြီးနောက်ပိုင်း ထောက်ပံ့မှုတွေကို ဖြတ်တောက်ခဲ့ရမှာ ၇၀ ရာခိုင်နှုန်းအထိ ဖြတ်တောက်ခဲ့ပြီးဖြစ်ကြောင်း၂၀၂၀ ပြည့်နှစ်က ပေါင် ၁၀၃ သန်းထောက်ပံ့ခဲ့ပြီး မနှစ်က ဘဏ္ဍာရေးနှစ်အတွင်း ပေါင် ၆၁ ဒသမ ၉ သန်း၊ ဒီနှစ် ဘဏ္ဍာရေးနှစ်အတွင်း ပေါင် ၃၀ ဒသမ ၁ သန်း ဖြတ်တောက်ခဲ့ပြီး ဖြစ်လို့ ၂၀၂၀ ခုနှစ်ကထက် ၇၀ ရာခိုင်နှုန်းလျှော့ချ ဖြတ်တောက်ခဲ့ပြီးဖြစ်တယ်လို့ နိုင်ငံခြား၊ ဓနသဟာယနှင့် ဖွံ့ဖြိုးတိုးတက်ရေးရုံး အစီရင်ခံစာအရ သိရှိရပါတယ်။
Burma Campaign UK အမှုဆောင်ဒါရိုက်တာ အန်နာ ရောဘတ်ကတော့ စစ်ကောင်စီကြောင့် မြန်မာနိုင်ငံအပေါ် ထောက်ပံ့မှုတွေကို ဖြတ်တောက်ခြင်းဟာ လူသားချင်း စာနာနားလည်မှုဆိုင်ရာ အကူအညီ အများဆုံး လိုအပ်နေတဲ့ အခုအချိန်မှာ မလုပ်သင့်ဘဲ ပြည်သူတွေသာ ပိုအထိ နာလို့ ပိုပြီးတောင် ထောက်ပံ့ပေးသင့်တယ်လို့ ဆန့်ကျင်ပြောကြားခဲ့ပါတယ်။
MKF-001
#MekongNews
#တရုတ်
#Burma_Campaign_UK
#ဗြိတိန်ထောက်လှမ်းရေး
Ref: news.sky
