မဲခေါင်၊ ဖေဖော်ဝါရီ ၉
တူရကီနဲ့ ဆီးရီးယားနိုင်ငံတွေကို ဗဟိုပြုလှုပ်ခတ်သွားတဲ့ အမွှာငလျင်ကြောင့် ဒီနေ့ ဖေဖော်ဝါရီ ၉ ရက်နေ့ ညနေပိုင်းအထိ သေဆုံးသူပေါင်း ၁၇၀၀၀ ကျော်သွားခဲ့ပြီဖြစ်ပါတယ်။
ပြိုကျပျက်စီးသွားတဲ့ အဆောက်အအုံတွေဟာ တူရကီနဲ့ ဆီးရီးယားမှာ အများအပြားရှိနေပြီး အပျက်အစီးပုံတွေအောက် မရေမတွက်နိုင်သေးတဲ့ မိသားစုတွေ ရှိနေဆဲဖြစ်ပါတယ်။
ကပ်ဘေးတွေမှာ အသက်ရှင်လျှက်ကယ်တင်နိုင်ဖို့အခွင့်အလမ်းက ၇၂ နာရီအတွင်းကယ်ဆယ်နိုင်မှသာဖြစ်နိုင်တဲ့အတွက် ကျန်ရှိနေသေးသူတွေ အသက်အန္တရာယ် စိုးရိမ်စရာဖြစ်နေကြောင်း ကျွမ်းကျင်သူတွေက သုံးသပ်နေကြပါတယ်။
တူရကီသမ္မတ အာဒိုဂန်က သူ့နိုင်ငံ အစိုးရတာဝန်ရှိသူတွေဟာ အပူတပြင်းကယ်ဆယ်ရေးလုပ်ငန်းတွေ လုပ်နေပေမယ့် တုံ့ပြန်မှုနောက်ကျမှုတွေကြောင့် အကူအညီမရောက်သေးတဲ့ နေရာတွေများစွာရှိနေလို့ အားနည်းချက် တွေရှိကြောင်း မနေ့က ဝန်ခံပြောကြားသွားပါတယ်။
တူရကီ၊ ဟာတေခရိုင် မူကြိုကျောင်းဆရာတစ်ဦးက “ကျွန်တော့်တူ၊ ခယ်မ၊ ခယ်မရဲ့ ညီမတို့ဟာ အပျက်အစီးပုံ တွေအောက်မှာ ရှိနေကြဆဲပါ။ အသက်ရှင်နိုင်ဖို့လည်း မလွယ်တော့ပါဘူး။ အကူအညီတောင်းခံခဲ့တာ ၄၈ နာရီ ကြာသွားပေမယ့် တုံ့ပြန်မှုဘာမှ မရခဲ့ဘူးလို့ ဝမ်းနည်းအားငယ်စွာ ပြောသွားခဲ့တယ်။
ကပ်ဆိုးကြီးဆိုက်နေချိန် တူရကီမှာ ရေခဲမှတ်အောက် -၅ ဒီဂရီဆဲလ်စီးယက်စ်အထိ ကျဆင်းပြီး အေးခဲလွန်းနေ တဲ့အတွက်လည်း အပျက်အစီးပုံအောက်က လမ်းမတွေပေါ် နေထိုင်နေရတဲ့ ပြည်သူတွေအတွက်လည်း ဆိုးရွားတဲ့ ဒုက္ခတွေကို ခံစားနေကြရပါတယ်။
MKF-001
#တူရကီ
#ဆီးရီးယား
#ငလျင်
#MeKongNews
Ref: newarab
