မဲခေါင်၊ ဖေဖော်ဝါရီ ၈
တူရကီတောင်ပိုင်းနဲ့ ဆီးရီးယား မြောက်ပိုင်းမှာ လှုပ်သွားခဲ့တဲ့ ငလျင်ဒဏ်ကြောင့် သေဆုံးသူဟာ ဖေဖော်ဝါရီ ၈ ရက်မှာ ၁၁,၀၀၀ ကျော် ရှိလာပါတယ်။
ပြင်းအား ၇ ဒဿမ ၈ နဲ့ ၇ ဒဿမ ၅ ရှိတဲ့ ငလျင်နှစ်ခု နာရီပိုင်းသာခြားပြီး လှုပ်ခတ်ခဲ့တဲ့အတွက် မြို့ကြီး ၁၂ မြို့မှာ တိုက်တာအဆောက်အအုံတွေများစွာ ပြိုကျပျက်ဆီးခဲ့ပြီး တူရကီနိုင်ငံမှာ ရက်ရှည် နိုင်ငံတော်အရေးပေါ် အခြေအနေကြေညာထားရပါတယ်။
နိုင်ငံတကာက ကယ်ဆယ်ရေးနဲ့ကူညီထောက်ပံ့ရေးအဖွဲ့တွေနဲ့ အပျက်အစီးပုံတွေကြား နေ့ညမပြတ် အသက်ရှင်သူတွေကို ကယ်ထုတ်နိုင်ရေး လုပ်ဆောင်နေကြပါတယ်။
တူရကီ သဘာ၀ဘေးအန္တရာယ်စီမံခန့်ခွဲရေးဌာနက သူတို့နိုင်ငံမှာ ဒီနေ့အထိ သေဆုံးသူပေါင်း ၇၁၀၈ ဦးရှိနေပြီ ဖြစ်ကြောင်း ဖေဖော်ဝါရီ ၈ ရက်နေ့မှာ ထုတ်ပြန်ခဲ့တယ်။ ဆီးရီးယားအစိုးရကလည်း သေဆုံးသူပေါင်း ၂၅၀၀ ကျော်သွားခဲ့ပြီလို့ ထုတ်ပြန်ခဲ့ပါတယ်။
ကယ်ဆယ်ရေးလုပ်ငန်းတွေအတွက် အနည်းဆုံး အီးယူ ၁၉ နိုင်ငံအပြင်ရုရှား၊ တရုတ်၊ ပါလက်စတိုင်း၊ လက်ဘနွန်၊ အိန္ဒိယ၊ ပါကစ္စတန်၊ ဩစတြေးလျနိုင်ငံတွေကပါ ကျွမ်းကျင်သူတွေကို စေလွှတ်ထားပြီး တရုတ်နိုင်ငံက ဒေါ်လာ ၄ ဒဿမ ၄ သန်းကို ဆီးရီးယားအတွက် လှူဒါန်ပေးအပ်ခဲ့ပါတယ်။
ငလျင်လှုပ်အပြီး နာရီ ၅၀ ကြာတဲ့အထိ အပျက်အစီးတွေကြားမှာ ပိတ်မိနေတဲ့ မိသားစုပေါင်းများစွာ ကျန်ရှိနေ သေးလို့ သေဆုံးမှုနှုန်း ထပ်ပြီးမြင့်တက်လာမှာလည်း စိုးရိမ်နေကြရပါတယ်။
အစ္စရေးစစ်တပ်က ငလျင်ဒဏ်သင့် ဒေသတွေမှာ ကူညီဖို့ အင်ဂျင်နီယာ ၁၅၀ ပါတဲ့ ကယ်ဆယ်ရေးအဖွဲ့၊ ဆရာဝန်နဲ့ ဆေးဘက်ဆိုင်ရာ လုပ်အားပေး တွေကို တူရကီနဲ့ ဆီးရီးယားကို စေလွှတ်ကူညီထားပါတယ်။
MKF-001
#Mekongnews
Ref: dw
