မဲခေါင်၊ ဇန်နဝါရီ ၃၁

မြန်မာနိုင်ငံရဲ့ လူဦးရေ သုံးပုံတစ်ပုံခန့်က လူသားချင်း စာနာနားလည်မှုဆိုင်ရာ အကူအညီအထောက်အပံ့တွေ လိုအပ်နေပြီလို့ မြန်မာ စစ်အာဏာသိမ်းမှု ၂ နှစ်ပြည့် ကုလသမဂ္ဂ ဒုက္ခသည်များဆိုင်ရာ အစီရင်ခံစာမှာ ထည့်သွင်းထားပါတယ်။

ကုလသမဂ္ဂ ဒုက္ခသည်များဆိုင်ရာ နိုင်ငံတကာအဖွဲ့အစည်း ဒါရိုက်တာ ဒန်နီရယ်ပီ ဆူလီဗန်က မြန်မာနိုင်ငံရဲ့ နိုင်ငံ့ လူဦးရေ သုံးပုံတစ်ပုံအထိ လူသားချင်း စာနာနားလည်မှုဆိုင်ရာ အကူအညီအထောက်အပံ့တွေ လိုအပ်နေပြီလို့ ခန့်မှန်းထားပါတယ်။

Refugees International ရဲ့ အာဖရိက၊ အာရှ၊ အရှေ့အလယ်ပိုင်းဒေသဆိုင်ရာ ဒါရိုက်တာဖြစ်တဲ့ ဆူလီဗန်က စစ်အာဏာသိမ်းဖို့ မြန်မာနိုင်ငံမှာ ကြိုးစားနေမှုက နှစ်နှစ်တင်းတင်းပြည့်ခဲ့ပါပြီ။ တစ်နိုင်ငံလုံးလည်း အတိဒုက္ခ တွေရောက်နေကြရပြီး ပြန်လည်နေရာချထားပေးရမယ့်ကိစ္စတွေ၊ လူသားချင်းစာနာမှုဆိုင်ရာ အထောက်အပံ့တွေကလည်း မြေပြင်ကို အလုံးစုံ မရောက်နိုင်သေးဘူးလို့ ဆိုပါတယ်။

နေအိမ်စွန့်ခွာထွက်ပြေးရသူဟာ ၁.၅ သန်းကနေ လာမယ့်တစ်နှစ်အတွင်း ၂.၄ သန်းအထိ တိုးလာမှာဖြစ်ပြီး ရိုဟင်ဂျာ ဒုက္ခသည် အရေအတွက်မပါရှိဘူးလို့ ဆိုပါတယ်။

နှစ်နှစ်ကြာ အာဏာသိမ်းမှုအတွင်း အမေရိကန်အပါအဝင် နိုင်ငံကြီးတွေက စစ်ကောင်စီကို ပုဂ္ဂိုလ်ရေးပစ်မှတ်ထားပိတ်ဆို့အရေးယူမှုတွေ၊ ပူးပေါင်း ပိတ်ဆို့မှုတွေ၊ လက်နက်၊ လောင်စာ၊ ရေနံ၊ သဘာ၀ဓာတ်ငွေ့က ဝင်ငွေမရှိအောင် အရေးယူခဲ့ကြပါတယ်။

ဒါ့အပြင် ပြည်တွင်း တောင်ကြားနယ်စပ်မကျန် လိုအပ်နေတဲ့ လူသားချင်းစာနာမှုဆိုင်ရာအထောက်အပံ့တွေ တကယ့်မြေပြင်ရောက်ရှိစေဖို့ ချက်ချင်းလိုအပ်နေပြီး လှူဒါန်းတဲ့နိုင်ငံတွေက ပိုလှူစေကာ စစ်ကောင်စီကို ပိုမိုဖိအားပေးဖို့ အစီရင်ခံစာမှာ တိုက်တွန်းထားပါတယ်။

MKF-001

#ပြည်တွင်းဒုက္ခသည် #ကုလသမဂ္ဂ

Ref: refugeesinternational

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)