မဲခေါင်၊ ဇန်နဝါရီ ၁၇
ကမ္ဘာမှာ အအေးဆုံးမြို့အဖြစ်သတ်မှတ်ထားတဲ့ ရုရှားနိုင်ငံ ဆိုက်ဘေးရီးယားဒေသက ယာခု(တ်)စ် (Yakutsk) မြို့မှာ ဒီတစ်ပတ်အတွင်း အပူချိန်က အအေးဆုံးအဖြစ် -၅၀ ဒီဂရီဆဲလ်စီးယက်စ်အထိ ရောက်ရှိနေခဲ့ပြီဖြစ်ပါတယ်။
မိုင်းလုပ်ငန်းတွေ အဓိကလုပ်တဲ့ ယာခု (တ်)စ်မြို့ဟာ မော်စကိုမြို့အရှေ့ဘက် ကီလိုမီတာ ၅၀၀၀ အကွာမှာရှိပြီး မကြာခဏဆိုသလို ဆောင်းတွင်းအပူချိန်ဟာ -၄၀ ဒီဂရီဆဲလ်စီးယက်စ်အထိ ရောက်တတ်ပေမယ့် ဒီတစ်ပတ်ထဲ မှာတော့ စံချိန်တင်အဖြစ် -၅၀ ဒီဂရီအထိ ရောက်သွားခဲ့တာကြောင့် စွမ်းအင်အခြေခံအဆောက်အအုံတွေ၊ ရေဆင်းစနစ်တွေပျက်ယွင်းခဲ့ပါတယ်။
မြို့ခံအမျိုးသမီးတစ်ဦးဖြစ်တဲ့ စတာရိုစတီနာက “ဒီလောက်အေးတဲ့ရာသီဥတုကို တွန်းလှန်ဖို့ တခြားလျှို့ဝှက်ချက်လည်း မရှိပါဘူး။ အဝတ်အစားတွေကို နွေးအောင်ဝတ်၊ အထပ်ထပ်ဝတ်၊ ဂေါ်ဖီထုပ်တွေလိုပေါ့” လို့ပြောသွားခဲ့ပါတယ်။
ဒေသခံတွေက လက်ရှိမှာ အေးခဲလွန်းလို့ ရေပိုက်တွေ အက်ကွဲ၊ ပေါက်ကွဲ၊ အပူပေးကန်တွေလည်း ပြိုကျ၊ အားလုံးက ခဲနေပြီး ရေဆိုးမြောင်းစနစ်တွေလည်း ရေခဲလို့ ပျက်စီးနေတဲ့အတွက် စိုးရိမ်ရေမြင့်တက်နေပါတယ်။
လက်ထောက်မြို့တော်ဝန် ဗလာဒီမာဖီဒိုရော့ဗ်ကတော့ ဒီအပူချိန်လျှော့ကျမှုဟာ လူတွေပဲလုပ်ခဲ့တဲ့ ကပ်ဆိုးလို့ သဘာ၀ပတ်ဝန်းကျင် ပျက်ယွင်းစေတဲ့ လုပ်ရပ်တွေကို ရည်ရွယ်ပြောဆိုသွားခဲ့ပါတယ်။
Ref: hindustantimes
MKF – 001
