မဲခေါင်၊ ဒီဇင်ဘာ ၇
ဆီးရီးယားနိုင်ငံမှာ သမ္မတအာဆတ်ရဲ့တပ်တွေ နယ်မြေထပ်မံ ဆုံးရှုံးမှုအဖြစ် နိုင်ငံတောင်ပိုင်း ဒါအာမြို့ကို ထပ်မံလက်လွှတ်လိုက်ရပြီးနောက် အီရန်ဟာ ဆီးရီးယားက သူ့တပ်မှူးတွေ၊ သံရုံးဝန်ထမ်းတွေကို ပြန်လည် ခေါ်ယူရွှေ့ပြောင်းမှုတွေ လုပ်ဆောင်နေပြီဖြစ်ပါတယ်။
ပြီးခဲ့တဲ့တစ်ပတ်က စတင်ပြီး အရင် အယ်လ်ခိုင်းဒါးနဲ့ မဟာမိတ်ဖွဲ့ဖူးတဲ့ အစ္စလာမ္မစ် တော်လှန်တပ် Hayat Tahrir al-Sham (HTS) ဟာ အလက်ပိုမြို့ကို ဝင်သိမ်းခဲ့ပြီး ဆက်တိုက်ဆိုသလို အာဆတ်ရုံးထိုင်ရာ ဒမက်စကတ်မြို့ ဝင်ထွက်လမ်းတွေရှိတဲ့ အနီးဆုံးက Homs မြို့ကို ထပ်မံသိမ်းပိုက်ထားပါတယ်။
ဆီးရီးယား အရှေ့ ပိုင်း Deir el-Zour မြို့ကိုလည်း တခြား ကာဒစ်ရှ် တပ်ဖြစ်တဲ့ Syrian Democratic Forces က သိပ်ပိုက်ပြီးနောက် တောင်ပိုင်းက ဂျော်ဒန်နိုင်ငံနဲ့ နယ်စပ် ဒါအာမြို့ကိုလည်း ဒေသခံတော်လှန်တပ်တွေကပဲ ဒီဇင်ဘာ ၆ ရက်နေ့မှာ ထိန်းချုပ် သိမ်းပိုက်သွားခဲ့ပါတယ်။
မြို့သိမ်းခံရမှုတွေမှာ အာဆတ်ရဲ့ တပ်တော်တော်များများဟာ ခုခံတိုက်ခိုက်မှုတွေ မလုပ်ဘဲ အလွယ်တကူ ဝင်လာစေတာကြောင့် အာဆတ်ကို ထောက်ခံပြီး စစ်တပ်အင်အားစေလွှတ်ပေးထားတဲ့ အီရန်ဟာ သူ့တပ်မှူး တွေနဲ့ သံရုံးဝန်ထမ်းတွေကို ပြန်လည်ခေါ်ယူနေရောရွှေ့ပြောင်းပေးမှုတွေ လုပ်ဆောင်ခဲ့ကြကြောင်း The New York Times က ဖော်ပြသွားပါတယ်။
အာဆတ်ကို ခေါင်းဆောင်တင်ထားမှုမှာ ဒီလိုတွေ ဖြစ်လာခဲ့တဲ့အတွက် ရုရှား၊ အီရန်နဲ့ တူရကီတို့ဟာ သူတို့နိုင်ငံသားတွေအားလုံး ဆီးရီးယားက ထွက်ခွာဖို့ အမိန့် ထုတ်ပြန်ခဲ့သလို ဒီဇင်ဘာ ၇ ရက်နေ့မှာ အာဆတ်မပါတဲ့ အစိုးရအဖွဲ့သစ်နဲ့ နိုင်ငံတည်ငြိမ်ရေး ပြန်လည်တည်ဆောက်ဖို့ အရေး ပေါ် အစည်းအဝေး ခေါ်ယူခဲ့ကြောင်းလည်း သိရှိရပါတယ်။
Ref: timesofisrael
MKF-001
#MeKongNews
#အာဆတ်
#ဆီးရီးယား
#တော်လှန်ရေးတပ်
#အီရန်
#ဂျော်ဒန်
#သိမ်းပိုက်
