မဲခေါင်၊ စက်တင်ဘာ ၁၅
နေတိုးအဖွဲ့က ရုရှားနိုင်ငံအတွင်းပိုင်းထဲအထိ ရောက်စေမယ့် တာဝေးပစ် ဒုံးကျည်တွေကို ယူကရိန်းအသုံးပြုဖို့ ခွင့်ပြုခဲ့ကြောင်း သတင်းများထွက်ပေါ်နေသလို အမေရိကန်နဲ့ ဗြိတိန်ခေါင်းဆောင်နှစ်ယောက်ဟာလည်း ဝါရှင် တန်ဒီစီမှာ ဒီအရေးဆွေးနွေးနေချိန် ရုရှားသမ္မတဟောင်း မတ်ဗီဒက်ဗ်က တကယ်ပေးသုံးရင် ယူကရိန်းမြို့တော် ကိဗ်မြို့တစ်ခုလုံး အရည်ပျော်ပျောက်ကွယ်သွားဖို့ နျူကလီးယားလက်နက်သုံးဖို့အသင့်ဖြစ်ကြောင်း ခြိမ်းခြောက်ထုတ်ပြန်သွားပါတယ်။
ရုရှားဟာ ယူကရိန်းနိုင်ငံအရှေ့ပိုင်းကို ဆက်လက်နယ်မြေချဲ့တွင် သိမ်းပိုက်မှုတွေ လုပ်နေလို့ အောက်တိုဘာ ၆ ရက်ကစလို့ ယူကရိန်းတပ်တွေဟာ ရုရှားပိုင်နက် ကက်ရှ်ဒေသကို ဝင်ရောက်သိမ်းပိုက်ပြီး ဘယ်လ်ဂိုရော့ဒ်ဒေသ ကိုပါ ဆက်သိမ်းဖို့ ချီတက်တိုက်ခိုက်နေပါတယ်။
ယူကရိန်းကို နေတိုးအနောက်မဟာမိတ်တွေနဲ့ အမေရိကန်၊ ဗြိတိန်တို့က တာဝေးပစ် ဒုံးကျည်တွေ ထောက်ပံ့ပေး အပ်ထားပေမယ့် ရုရှားနဲ့ ဥရောပတစ်တိုက်လုံး အလုံးစုံစစ်ဖြစ်ပွားမှာကို ထိန်းသိမ်းပြီး ဒီဒုံးကျည်တွေ ပေးမပစ် ဘဲ တားမြစ်ထားဆဲဖြစ်ပါတယ်။
ယူကရိန်းသမ္မတ ဇီလန်းစကီးက ကျူးကျော်သူတွေ ပြန်ဆုတ်ခွာပြီး သူတို့ နယ် မြေတွေကို ကာကွယ်မှသာ တပ်ပြန်ဆုတ်နိုင်လို့ တာဝေးပစ်ဒုံးကျည်တွေ ပေးသုံးဖို့ လနဲ့ချီတောင်းဆိုနေရာမှာ အမေရိကန် သမ္မတ ဂျိုးဘိုင်ဒန်နဲ့ ဗြိတိန်ဝန်ကြီးချုပ်ကိုင်ရာစဆာမာတို့ စက်တင်ဘာ ၁၃ ရက်နေ့က ဝါရှင်တန်မှာ တွေ့ဆုံဆွေးနွေးခဲ့ကြပါတယ်။
ဒီအချိန် ရုရှားသမ္မတဟောင်း မတ်ဗီဒက်ဗ်က “ကက်ရှ်ဒေသကို ကျူးကျော်ကတည်းက ယူကရိန်းကို နျူကလီး ယားလက်နက်အသုံးပြုတိုက်ခိုက်ဖို့ ခွင့်ပြုချက်ရထားပြီးသားပါ။ ဒါပေမဲ့ ကိဗ်တစ်မြို့လုံးကို နျူကလီးယား လက်နက်မသုံးဘဲနဲ့တောင် အရည်ပျော်သွားစေနိုင်စွမ်းရှိတယ်။
ဒီလို အဖြစ်မျိုးမရောက်ဖို့ ထိန်းချုပ်ထားတာဟာ သူတို့ဘက်က တာဝေးပစ်လက်နက်တွေ ပေးသုံးရင်တော့ ကိဗ်မြို့ကြီး ကြီးမားလှစွာသော အရည်ပျော်မှု ဖြစ်သွားရပါလိမ့်မယ်” လို့ စက်တင်ဘာ ၁၃ ရက်မှာ ခြိမ်းခြောက်ထုတ်ပြန်သွားပါတယ်။
ဒီသတင်းနဲ့တစ်ဆက်တည်း အမေရိကန်သမ္မတဂျိုးဘိုင်ဒန်နဲ့ ဗြိတိန်ဝန်ကြီးချုပ်တို့ဟာ ယူကရိန်းကို တာဝေးပစ်ဒုံး တွေ ပေးသုံးခွင့်ပြုမပြု ဆုံးဖြတ်ချက်ကို ရွှေ့ဆိုင်းလိုက်ကြောင်း ထုတ်ပြန်ကြေညာသွားပါတယ်။
ယူကရိန်းသမ္မတ ဇီလန်းစကီးကတော့ တားဝေးပစ်ဒုံးကျည်တွေ ပေးသုံးဖို့ ဆုံးဖြတ်ချက်ကို အမေရိကန်နဲ့ ဗြိတိန် တွန့်ဆုတ်ပြီး ဆုံးဖြတ်ချက် ရက်ရွှေ့လိုက်ခြင်းဟာ ပူတင်ကို ပိုမိုအားကောင်းစေဖို့ ခွန်အားတိုးမြှင့်ပေးနေခြင်းသာ ဖြစ်တယ်ဆိုပြီး ဝေဖန်သွားခဲ့ပါတယ်။
Ref: news.sky
MKF-001
