မဲခေါင်၊ သြဂုတ် ၂
အမေရိကန်အပါ ကြားနိုင်ငံတွေ ညှိနှိုင်းပေးတဲ့ ဟားမက်စ်နဲ့ ငြိမ်းချမ်းရေးသဘောတူညီချက်ကို လက်မခံတဲ့ အတွက် ဟားမက်စ်ဖမ်းထားတဲ့ ဓားစာခံ ၆ ယောက် သတ်ဖြတ်ခံရပြီးနောက် အစ္စရေးနိုင်ငံ ဂျေရုစလင်၊ တဲလ်အဗစ်အပါအဝင် မြို့တွေမှာ တစ်နိုင်ငံလုံး ပြည်သူတွေ လမ်းပေါ် ထွက်ဆန္ဒပြခဲ့ကြပါတယ်။
အစ္စရေးဝန်ကြီးချုပ် နက်တန်ယာဟုဟာ ငြိမ်းချမ်းရေးသဘောတူညီချက်ကို လက်မခံနိုင်ဘဲ ဓားစာခံတွေကိုပါ သတ်ဖြတ်တဲ့ အကြမ်းဖက်သမားအားလုံး မရှင်းလင်းနိုင်သေးသရွေ့ ငြိမ်းချမ်းရေးကမ်းလှမ်းချက်ကို လက်မခံ ဘူးလို့ တုံ့ပြန်ခဲ့ပါတယ်။
လက်ရှိမှာ ကမ္ဘာ့ နိုင်ငံအသီးသီးနဲ့ ကုလသမဂ္ဂရဲ့တောင်းဆိုမှုကြောင့် ဂါဇာမှာ ပိုလီယို ကာကွယ်ဆေးထိုးနှံနေလို့ အပစ်ရပ်ထားပေမယ့် West Bank မှာ အသေအဆုံးများတဲ့ တိုက်ခိုက်မှုတွေ ဆက်လက် ဖြစ်ပွားနေပါတယ်။
အစ္စရေးတပ်တွေဟာ ပြီးခဲ့တဲ့ ရက်ပိုင်းက ဟားမက်စ်တွေ အောက်တိုဘာ ၇ ရက်နေ့က ပြန်ပေးဆွဲသွားတဲ့ ဓားစာခံတွေထဲက ၆ ယောက်ကို အနီးကပ်သေနတ်နဲ့ ပစ်သတ်ထားတာတွေ့ရပြီး အစ္စရေးကို အလောင်းတွေ ပြန်လည်သယ်ဆောင်ခဲ့ပါတယ်။
ဒါကြောင့် ဟားမက်စ်ဘက်က အစ္စရေးအနေနဲ့ နက်တန်ယာဟုကို ရွေးမလား၊ ငြိမ်းချမ်းရေးသဘောတူညီချက်ကို ရွေးမလားဆိုပြီး ရာဇသံထုတ်ပြန်ပေမယ့် နက်တန်ယာဟုဘက်က လက်မခံ ဘဲ ဟားမက်စ်က တာဝန်ရှိသူအားလုံးကို ရှင်းလင်းမယ်လို့ တုံ့ပြန်ခဲ့ပါတယ်။
ဒါကြောင့် အစ္စရေးပြည်သူတွေဟာ ဖမ်းဆီးခံရတဲ့ ဓားစာခံ ၂၅၀ ကျော်ထဲက ၁၀၁ ယောက် ကယ်ထုတ်ဖို့ ကျန်နေသေးပြီး သတင်းရင်းမြစ်တွေအရ လက်ကျန်ထဲက ၃ ပုံ၊ ၁ ပုံဟာလည်း သေဆုံးပြီလို့ ယူဆရဖွယ်ရှိ ကြောင်း သုံးသပ်နေကြပါတယ်။
ဒါကြောင့် ဂျေရုစလင်က နက်တန်ယာဟု နေအိမ်ရှေ့မှာ ပြည်သူများစွာ လမ်းပိတ်ဆန္ဒပြမှုတွေ လုပ်ခဲ့ရာက ရဲတပ်ဖွဲ့ဟာ မီးသတ်ပိုက်တွေသုံးပြီး နှိမ်နင်းရာမှာ ၂၉ ယောက် ဖမ်းဆီးခဲ့ တယ်လို့ ဒေသတွင်းသတင်းတွေအရ သိရပါတယ်။
စက်တင်ဘာ ၂ ရက်နေ့မှာလည်း တစ်နိုင်ငံလုံးအတိုင်း အတာနဲ့ နက်တန်ယာဟုကို ၁၁ လကြာ စစ်ပွဲမပြီးဆုံးနိုင်သေးခြင်းနဲ့ ဓားစာခံများသေဆုံးနေခြင်းအတွက် ဆန္ဒပြကြဖို့ လေဘာပါတီ ခေါင်းဆောင်တွေက ဆော်ဩထားပါတယ်။
Ref: onmanorama
MKF-001
