မဲခေါင်၊ သြဂုတ် ၂၁
ယူကရိန်းတပ်တွေဟာ ရုရှားနိုင်ငံ ကက်ရှ်ဒေသထဲ ထိုးစစ်ဆင်ပြီး သိမ်းပိုက်နေရာမှာ ရုရှားတပ်တွေ ရောက်မလာစေရေး ၄ ရက်အတွင်း ၃ စင်းမြောက် တံတားကို ဖောက်ခွဲချိုးဖျက်ခဲ့ပါတယ်။
ပြီးခဲ့တဲ့ သီတင်းပတ်ကုန်မှာပဲ ယူကရိန်းတပ်တွေဟာ ဂလက်ရှ်ကိုဗိုနဲ့ ဇဗန်နိုးဒေသတွေကို ထပ်မံသိမ်းပိုက်ခဲ့ပြီး ၁၀ ရက်ကျော်အတွင်း ရုရှားနယ်မြေ ကီလိုမီတာ ၁၀၀၀ ကျော်ကို သိမ်းပိုက်ကာ ကက်ရှ်ဒေသမှာ စစ်ဌာနချုပ် တစ်ခုပါ ထူထောင်နိုင်ခဲ့ပါတယ်။
ကက်ရှ်ဒေသတောင်ပိုင်း ၅၅၀ စတုရန်းကီလိုမီတာကို ရုရှားက ထိန်းချုပ်ထားဆဲဖြစ်ပြီး သိမ်းပိုက်ခံ နယ်မြေ တွေကိုပြန်ရယူဖို့ စစ်သည်အင်အားအလုံးအရင်း စေလွှတ်နေတာကြောင့် ယူကရိန်းဟာ သူတို့နယ်စပ်နဲ့ ၁၅ ကီလိုမီတာအကွာမှာတည်ရှိတဲ့ ဆေရမ်မြစ်ပေါ်က တံတား ၃ စင်းကို ၄ ရက်အတွင်း ဖောက်ခွဲဖျက်ဆီးလိုက်တဲ့ အတွက် ရုရှားတပ်တွေ ဝင်ရောက်လာဖို့ လမ်းဆုံးသွားခဲ့ရပြီဖြစ်ကြောင်း စစ်ရေးသုတေသီတွေက သုံးသပ်နေ ကြပါတယ်။
ရုရှားတပ်တွေဟာ သိမ်းပိုက်ခံနယ်မြေက ယူကရိန်းတပ်တွေကို လက်နက်ကြီးတွေနဲ့ ပစ်ခတ်တိုက်ခိုက်ဖို့ တာစူ နေချိန် ကာရစ်ဇ်ဒေသက တံတားကို ထပ်ချိုးလိုက်တဲ့အတွက် ပစ်ခတ်ဖို့ လက်လှမ်းမမီနိုင်ဘဲ အခက်ကြုံရပြီလို့ ဗြိတိန်စစ်ရေးသုတေသီ ပါမောက္ခ မိုက်ကယ်ကလက်ခ်က သုံးသပ်ခဲ့ပါတယ်။
ဒါပေမဲ့ ရုရှားတပ်တွေဟာ ဂလက်ရှ်ကိုဗိုဒေသမှာ ဆေရမ်မြစ်ကို ဗောတံတားထိုးပြီး စစ်သည်နဲ့ လက်နက်တွေပို့ဆောင်ဖို့ ဆက်လက် စီစဉ် နေပေမယ့် ဒီလို အုံနဲ့ကျင်းနဲ့ ဗောတံတားက ဖြတ်သန်းရင် ယူကရိန်းရဲ့ ဒုံးကျည်နဲ့ဒရုန်းတွေလက်ချက်ကြောင့် ပျက်စီးဆုံးရှုံးမှုများစွာ ကြုံရဖို့ မလွဲမသေရှိကြောင်းလည်း မိုက်ကယ်ကလက်ခ်က သုံးသပ်သွားပါတယ်။
Ref:Thesun
MKF-001
