မဲခေါင်၊ မတ် ၁၃
နောက်လာမယ့်လပိုင်းတွေအတွင်း ရုရှားတပ်တွေဟာ အင်အားအလုံးအရင်းနဲ့ ယူကရိန်းနယ်မြေတွေကိုထပ်မံ သိမ်းပိုက်ဖို့ ချီတက်လာနိုင်ခြင်းကို တားဆီးနိုင်ရေးအတွက် ယူကရိန်းဟာ အရေးအပါဆုံးရှေ့တန်းစစ်မျက်နှာပြင် တွေမှာ စုစုပေါင်းမိုင် ၆၀၀ ရှည်တဲ့ မြေအောက်မရဏ ခံစစ်တံတိုင်းကြီးကို တည်ဆောက်ထားပြီဖြစ်ပါတယ်။
ပူတင်ရဲ့ရုရှားတပ်တွေဟာ နယ်မြေသိမ်းပိုက်နိုင်ရေးမှာ တင့်ကားတပ်တွေကို လှိုင်းများအသွင်း ဆင့်ကာဆင့်ကာ ဦးစွာရှေ့ပြေးချီတက်စေလေ့ရှိတာကြောင့် နိုင်ငံတကာအထောက်အပံ့ လက်နက်တွေ မျှော်လင့်ထားတဲ့အတိုင်း မရောက်လာနိုင်သေးလို့ ပျောက်ကြားတိုက်ခိုက်ခုခံမှုအသွင်ဆောင်တဲ့ မြေအောက်ခံတပ်၊ နဂါးစွယ် ကွန်ကရစ် အတားအဆီးတွေနဲ့ သံဆူကြိုးကာ ကတုတ်ကျင်းတွေကို ယူကရိန်းသမ္မတ ဇီလန်းစကီးက အားချင်း အကောင် အထည်ဖော်ခိုင်းခဲ့တာဖြစ်ပါတယ်။
ပြီးခဲ့တဲ့ ရက်ပိုင်းကပဲ ဘက်ခ်မတ်မြို့ ရှေ့တန်းစစ်မျက်နှာပြင်အနီးမှာ တင့်ကားကာကွယ်ရေးအတားအဆီးတွေ၊ မြေအောက် ဘန်ကာတွေ၊ ခိုင်ခံတဲ့ ကတုတ်ကျင်းတွေကို အပြီးတူးဖော်တည်ဆောက်ခဲ့သလို ပူတင်ရဲ့ သုံးထပ် တံတိုင်းစနစ်ဖြစ်တဲ့ ကတုတ်ကျင်း၊ တင့်ကားထောင်ခြောက်နဲ့ သတ်ကွင်းဖန်တီးတဲ့ စနစ်ကိုပြန်သုံးပြီး ယူကရိန်း ဘက်က အရေးပါတဲ့ ရှေ့တန်းမျက်နှာပြင်တွေမှာ နိုင်ငံအနှံ့ မိုင် ၆၀၀ အထိရှိတဲ့ မရဏခံစစ်တံတိုင်းတွေကို တည် ဆောက်နေခဲ့တာပဲဖြစ်ပါတယ်။
အမြန်တည်ဆောက်နိုင်ဖို့ စွမ်းအားမြင့် MDK-3၊ Catch-22 မြေတူးစက်ကြီးတွေကို အသုံးပြု နေပြီး ယူကရိန်းအလယ်ပိုင်း ဒီနီပရိုမြို့မှာ တန်ပြန်တိုက်ခိုက်ရေး ခံတပ် ၁၄ ခုနဲ့ တင့်ကားထောင်ချောက်ဖြစ်စေ တဲ့ ကွန်ကရစ်နဂါးစွယ် ၄၂၀၀၀ ကို တည်ဆောက်ထားကြောင်း၊ ဇာပေါ်ရစ်ဇီဟာ နျူကလီးယားစက်ရုံကြီးရှိရာ ရှေ့တန်းအနီး ပေါင် ၂၇ သန်းအကုန်ခံပြီး ဒီလို ၃ ထပ် မရဏခံစစ်တံတိုင်းတွေလည်း တည်ဆောက်ထားပြီး ဖြစ်ကြောင်း သိရှိရပါတယ်။
Ref:Thesun
MKF-001
