မဲခေါင်၊ မတ် ၂၃
အာဖဂန်နစ္စတန်နိုင်ငံကို ဗဟိုပြုပြီး ပြီးခဲ့တဲ့ မတ် ၂၁ ရက်၊ အင်္ဂါနေ့၊ ဒေသစံတော်ချိန် ည ၉ နာရီ ၁၅ မိနစ်က မြေအောက် ကီလိုမီတာ ၁၈၀ မှာ ဗဟိုပြုလှုပ်ခတ် သွားတဲ့ ပြင်းအား ၆ ဒသမ ၅ ရှိတဲ့ ငလျင်ကြောင့် သေဆုံး ဒဏ်ရာရမှု များပြားခဲ့ကြောင်း သိရှိရပါတယ်။
ဒီငလျင်ဟာ အာဖဂန်နစ္စတန်မြို့တော် ကာဘူးလ်အထိ သက်ရောက်ခဲ့ပေမယ့် နိုင်ငံအရှေ့ပိုင်း လက်ဂ်မန် ခရိုင်မှာ အဆိုးရွားဆုံး ဖြစ်ခဲ့ပြီး နေအိမ် ၁၆၇ လုံးပျက်စီးကာ ဒီဒေသ အနီးတစ်ဝိုက် အနည်းဆုံး ၄ ဦးသေဆုံး၊ ၈၀ ကျော် ဒဏ်ရာရခဲ့တယ်လို့ ဒေသဆိုင်ရာ အာဏာပိုင်တွေက မတ် ၂၃ ရက် မနက်ပိုင်းမှာ အတည်ပြု ထုတ်ပြန်ပါတယ်။
ဒီငလျင်ဟာ ပါကစ္စတန်၊ တက်ခ်မင်နစ္စတန်၊ ကာဇက်စတန်၊ တာဂျီကစ္စတန်၊ ဥဇဘက်ကစ္စတန်၊ တရုတ်နိုင်ငံနဲ့ အိန္ဒိယနိုင်ငံ ဒေသတချို့အထိ သက်ရောက် လှုပ်ခတ်ခဲ့ပြီး ပါကစ္စတန်မှာ ၉ ဦးသေ၊ ၁၀၀ ကျော် ဒဏ်ရာရခဲ့ကြောင်း သိရှိရပါတယ်။
ဒီငလျင် လှုပ်အပြီး နောက်တစ်ရက် မတ် ၂၂ ရက်မှာလည်း အာဂျင်တီးနားနိုင်ငံ၊ ဆန်အန်တိုနီယိုဒီလော့စ်ကော့ဘရက်စ်မြို့ အနောက်မြောက်ဘက်၊ ၈၄ ကီလိုမီတာ အကွာမှာ ပြင်းအား ၆ ဒသမ ၅ ရှိတဲ့ ငလျင် ထပ်လှုပ်ခတ်ခဲ့ရာမှာတော့ သေကြေ ဒဏ်ရာရ ပျက်စီးမှု သတင်းတွေ ထွက်ပေါ် မလာခဲ့ပါဘူး။
Ref: china org
MKF-001
