တရုတ်စစ်တပ်နှင့်ဆက်ဆံမှုရှိသည်ဟု အမေရိကန်အစိုးရက သတ်မှတ်သောကုမ္ပဏီများတွင် အမေရိကန်များရင်းနှီးမြှုပ်နှံခြင်း ပိတ်ပင်သည့်အမိန့်တရပ်ကို အမေရိကန်သမ္မတ ဒေါ်နယ်ထရမ့်က ထုတ်ပြန်လိုက်သည်။
တရုတ်စစ်တပ်ခေတ်မီဖွံ့ဖြိုးတိုးတက်စေရန် အမေရိကန်ရင်းနှီးမြှုပ်နှံသူများငွေထောက်ပံ့စေရန် တရုတ်ဘက်က အမြတ်ထုတ်နေသည်ဟု ထိုအမိန့်တွင် မစ္စတာထရမ့်က စွပ်စွဲထားသည်။
ဇန်နဝါရီလတွင် ထိုပိတ်ပင်မှု စတင်အသက်ဝင်မည်ဖြစ်သည်။
ထိုပိတ်ပင်မှုတွင် တရုတ်နိုင်ငံမှ တယ်လီဖုန်းဆက်သွယ်ရေးနှင့်နည်းပညာကုမ္ပဏီ Hikvision အပါအဝင် တရုတ်နိုင်ငံမှ အကြီးဆုံးအများပိုင်စာရင်းဝင်ကုမ္ပဏီများ ပါဝင်သည်။
အစိုးရသက်တမ်းတလျှောက်လုံးတွင် မစ္စတာထရမ့်က တရုတ်နိုင်ငံနှင့်စီးပွားရေးအရ ဆက်ဆံမှုများရင်းနှီးခဲ့သည်ကို တားဆီးရန်ကြိုးစားခဲ့သည်။
တရုတ်ကုန်စည်ဒေါ်လာသန်းထောင်ချီကို စည်းကြပ်ခွန်များကောက်ခံခဲ့သည့်အပြင် နည်းပညာကုမ္ပဏီအချို့ကို ပိတ်ဆို့အရေးယူမှုများပြုလုပ်ခဲ့သည်။
ကိုရိုနာဗိုင်းရပ်စ်နှင့် ဟောင်ကောင်တွင်တရုတ်နိုင်ငံ၏လုပ်ရပ်များအပါအဝင် ကမ္ဘာ့အင်အားအကြီးဆုံးနိုင်ငံ ၂ နိုင်ငံကြား ဆက်ဆံရေးထိခိုက်နေသည်။
