ကမ္ဘာ့သတင်း

စစ်အာဏာသိမ်းလွန်းတဲ့နိုင်ငံဖြစ်တာတောင် ဒီမိုကရေစီအညွှန်းကိန်းမှာ ထိုင်း အဆင့်အမြင့်ဆုံး မြင့်တက်

မဲခေါင် 5 Mar - 2023
မဲခေါင်၊ မတ် ၅ မကြာသေးခင်က Economist Intelligence Unit (EIU) ထုတ်ပြန်တဲ့ ကမ္ဘာ့ ဒီမိုကရေစီစံညွှန်းအညွှန်း ကိန်းမှာ ထိုင်းနိုင်ငံဟာ စစ်အာဏာသိမ်းလွန်းတဲ့ နိုင်ငံဖြစ်တဲ့ကြားက အဆင့်အမြင့်ဆုံး ခုန်တက်လာခဲ့လို့ အံ့ဩမှုတွေရှိနေကြပါတယ်။

မဲခေါင်၊ မတ် ၅

မကြာသေးခင်က Economist Intelligence Unit (EIU) ထုတ်ပြန်တဲ့ ကမ္ဘာ့ ဒီမိုကရေစီစံညွှန်းအညွှန်း ကိန်းမှာ ထိုင်းနိုင်ငံဟာ စစ်အာဏာသိမ်းလွန်းတဲ့ နိုင်ငံဖြစ်တဲ့ကြားက အဆင့်အမြင့်ဆုံး ခုန်တက်လာခဲ့လို့ အံ့ဩမှုတွေရှိနေကြပါတယ်။

ထိုင်းမှာ မကြာခဏစစ်တပ်က အာဏာသိမ်းပြီးနောက်ဆုံးအာဏာသိမ်းမှုအဖြစ် ၂၀၁၄ မေ ၂၂ ရက်က သိမ်းခဲ့ပြီး စစ်ခေါင်းဆောင် ပရာယွတ်ဟာ လက်ရှိ နိုင်ငံဝန်ကြီးချုပ်တာဝန်ကိုယူထားတဲ့ကြားက ၂၀၂၁-၂၀၂၂ ဒီမိုကရေစီ အညွန်းကိန်းမှာ ထိုင်းဟာ အဆင့် ၇၇ ကနေ ၅၅ နေရာအထိ ခုန်တက်ခဲ့တာဖြစ်ပါတယ်။

EIU ဟာ ဒီမိုကရေစီအညွှန်းကိန်းထုတ်ပြန်ရာမှာ နိုင်ငံပေါင်း ၁၆၇ နိုင်ငံကို စာရင်းသွင်းခဲ့ပြီး အာဖဂန်နစ္စတန် ပြီးရင် စစ်အာဏာသိမ်းမြန်မာက အဆိုးရွားဆုံး နိုင်ငံတွေအဖြစ် ရပ်တည်ကြောင်း ဖော်ပြခဲ့တယ်။

ဒီအညွှန်း ကိန်းမှာ စံချိန်စံညွှန်းအဖြစ် ဒီမိုကရက်တစ်ကျန်းမာကြံ့ခိုင်မှုအခြေအနေ၊ အပြည့်အ၀ ဒီမိုကရေစီစနစ်ကနေ အာဏာရှင်စနစ်ကြား သတ်မှတ်ချက် ၁၀ မျိုး၊ နိုင်ငံ့ကျန်းမာရေးနဲ့ စီးပွားရေးတိုးတက်မှု၊ ဒီမိုကရေစီအရေးနဲ့ ဖိနှိပ်မှုအဆင့်သတ်မှတ်ချက်တွေကို ထည့်သွင်းစဉ်းစားထားတာဖြစ်ပါတယ်။

စစ်အာဏာမကြာခဏ သိမ်းနေတဲ့ အာဏာရှင်နိုင်ငံက ဒီမိုကရေစီအညွန်းကိန်း တစ်နှစ်အတွင်းအမြင့်ဆုံး ခုန်တက်သွားခြင်းအပေါ် နိုင်ငံရေးသုတေသီ ဘော့စကော့က အခုလို သုံးသပ်ပြခဲ့ပါတယ်။

“လက်ရှိ ဝန်ကြီးချုပ် ပရာယွတ်ရဲ့အာဏာရ ပါတီကို ယှဉ်ပြိုင်ပြီး တချို့သောရွေးကောက်ပွဲတွေမှာ အတိုက်အခံတွေ အနိုင်ရနေကြတာ ရှိတယ်။ ဒီတော့ ဖိနှိပ်မှုရှိသလို ဒီမိုကရေစီလမ်းဖွင့်ပေးထားနိုင်တဲ့ အနေအထားလည်းရှိတယ်။ ထိုင်းဟာ အရှေ့ တောင်အာရှနိုင်ငံတွေထဲမှာ အစောဆုံးကိုဗစ် တင်းကျပ်စည်းမျဉ်းတွေကို ဖြေလျှော့ပေးနိုင်တဲ့ နိုင်ငံလည်းဖြစ်ခဲ့တယ်”

ဆက်လက်ပြီး ဘော့စကော့ “စစ်တပ်က အာဏာသိမ်းရမှာ မြို့ထဲတင့်ကားတွေလှည့်ပြပြီး နိုင်ငံပိုင်ရုပ်သံကနေ အာဏာသိမ်းကြောင်း ကြေညာလိုက်တာနဲ့ သွေမြေတစ်စက်မှမကျဘဲ ပြီးသွားတယ်။ နိုင်ငံစီးပွားရေးလည်း မထိခိုက်သလို ပိုပြီးတောင် မြင့်တက်လာနိုင်တယ်။ အာဏာသိမ်းစစ်ခေါင်းဆောင် ဟွမ်ဆန်ရဲ့ ကမ္ဘောဒီးယားလည်း ဖိနှိပ်မှုတွေလုပ်ပေမယ့် ဒီမိုကရေစီအညွှန်းကိန်းမှ မြင့်တက်လာတာပဲ။ ထိုင်းလည်း ဒီသဘောပဲ။ အပြုသဘောဆောင်တဲ့ တိုးတက်မှုတွေ ရှိခဲ့လို့ ဒီမိုကရေစီအညွှန်းကိန်းမှာ အဆင့်မြင့်တက်လာတာဖြစ်တယ်” လို့ ရှင်းလင်းပြောကြားသွားပါတယ်။

MKF – 001
Ref: thethaiger

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

ကမ္ဘာ့သတင်း

စစ်ပွဲအတွက် လေ့ကျင့်မှုအားလုံး ပြင်ဆင်တာဆိုပြီး မြောက်ကိုရီးယား တာတိုပစ်ဒုံးတွေ ထပ်ပစ်

မဲခေါင်၊ မတ် ၁၉ တောင်ကိုရီးယား အာဏာပိုင်တွေက ဒီကနေ့ မနက် ဒေသစံတော်ချိန် ၁၁ နာရီ ၅ မိနစ်မှာ
ကမ္ဘာ့သတင်း

အမေရိကန် MQ-9 ဒရုန်းကိုပျက်ကျစေတဲ့ လေယာဉ်မှူး ၂ ယောက်ကို ရုရှားနိုင်ငံတော် ဂုဏ်ထူးဆောင်ဆု ပေးအပ်

မဲခေါင်၊ မတ် ၁၈ ပြီးခဲ့တဲ့ ရက်ပိုင်းက နိုင်ငံတကာ လေပိုင်နက်ဖြစ်တဲ့ ပင်လယ်နက်ပေါ်မှာ ပျံသန်းနေတဲ့ အမေရိကန် မောင်းသူမဲ့ ထောက်လှမ်းရေး
ကမ္ဘာ့သတင်း

ပူတင်ကို ဖမ်းဝရမ်းထုတ်တဲ့ ICC မှာ ရုရှားတွေကို တရားစီရင်ပိုင်ခွင့် မရှိဘူးလို့ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ တုံ့ပြန်

မဲခေါင်၊ မတ် ၁၈ နိုင်ငံတကာ ရာဇဝတ်မှု တရားရုံးဖြစ်တဲ့ ICC က ရုရှား သမ္မတပူတင်ဟာ ယူကရိန်းစစ် အတွင်း စစ်ရာဇဝတ်မှုတွေကို ကျူးလွန်ခဲ့ပြီး ယူကရိန်း ကလေးငယ်များစွာကို ရုရှားနိုင်ငံဆီ ပြန်ပေးဆွဲ ခေါ်ဆောင်မှုနဲ့ မတ်
ကမ္ဘာ့သတင်း

မြန်မာနိုင်ငံက လက်နက်ခဲယမ်းတွေဝယ်ဖို့ ရုရှားဆွေးနွေးနေကြောင်း ယူကရိန်းထောက်လှမ်းရေး ထုတ်ပြန်

မဲခေါင်၊ မတ် ၁၈ ရုရှားအစိုးရဟာ ယူကရိန်းကျူးကျော်စစ်တစ်နှစ်ကျော်လာချိန် လက်နက်ခဲ့ယမ်းမလောက်ငှမှု ပြဿနာကြောင့် အများအပြားဝယ်ယူနိုင်ဖို့ မြန်မာစစ်အစိုးရဆီပါ ကမ်းလှမ်းဆွေးနွေးနေတယ်လို့ ယူကရိန်းစစ်ထောက်လှမ်းရေး ဒုတိယရာထူးအကြီးဆုံးဖြစ်တဲ့ ဗာဒင်စကီဘစ်စကီးက မတ် ၁၇ ရက်နေ့မှာ ထုတ်ပြန်ခဲ့ပါတယ်။
ကမ္ဘာ့သတင်း

ရှီကျင်းဖျင်နဲ့ အနီးကပ်ရှိခဲ့သူ လီကျင်း တရုတ်ဝန်ကြီးချုပ်သစ် ဖြစ်လာ

မဲခေါင်၊ မတ် ၁၁ တရုတ် ပြည်သူ့လွှတ်တော်က မတ် ၁၀ ရက်နေ့မှာ ဆန္ဒမဲ ကောက်ခံပြီး လီချန်းကို နိုင်ငံဝန်ကြီးချုပ်အဖြစ် ခန့်အပ်ကြောင်း အတည်ပြုခဲ့ပါတယ်။
ကမ္ဘာ့သတင်း

မိုဘိုင်းဖုန်းကနေ ဘတ် ၅သောင်းအထက်ငွေလွှဲရင် မျက်နှာစကင်ဖတ်စနစ် မဖြစ်မနေသုံးဖို့ ထိုင်းဗဟိုဘဏ် အမိန့်ထုတ်

မဲခေါင်၊ မတ် ၁၁ ဆိုက်ဘာလိမ်လည်မှုတွေ များလွန်းလာတာကြောင့် ထိုင်းဗဟိုဘဏ်ဟာ နိုင်ငံအတွင်းက ဘဏ်တွေအားလုံး မိုဘိုင်းဘဏ်အကောင့်မူဝါဒသစ်တွေ ချမှတ်ပေးပြီး အကောင့်ပိုင်ရှင်တွေဟာ ငွေပမာဏများများလွှဲရင် ဇီ၀စကင်န်ဖတ်မှုတွေ မဖြစ်မနေ လုပ်ရတော့ပါမယ်။
ကမ္ဘာ့သတင်း

VIP ထောင်ခန်းတွေ ဝယ်နေနိုင်တယ်ဆိုတဲ့သတင်း ထိုင်းအကျဉ်းဦးစီးဌာန ငြင်းဆို

မဲခေါင်၊ မတ် ၁၀ ထိုင်းနိုင်ငံ အကျဉ်းထောင်တွေထဲမှာ ဗီအိုင်ပီခန်းတွေ ဝယ်နေလို့ရတယ်လို့ ကျယ်ကျယ်ပြန့်ပြန့် ဝေဖန်မှုတွေ ထွက်ပေါ်နေတာကို ထိုင်းအကျဉ်းဦးစီးဌာနက ငြင်းဆိုသွားခဲ့ပါတယ်။
ကမ္ဘာ့သတင်း

နျူကလီးယား တိုက်ခိုက်မှုကြောင့် ဓာတ်ရောင်ခြည်သင့် ကာကွယ်ဆေးတွေသောက်ထားဖို့ သတိပေးချက်ကြောင့် ရုရှားတွေ ဝရုန်းသုန်းကားဖြစ်

မဲခေါင်၊ မတ် ၁၀ ရုရှားနိုင်ငံမှာ နျူကလီးယား တိုက်ခိုက်ခံရပြီဆိုပြီး မတ် ၉ ရက်နေ့က ရုပ်သံတွေ၊ ရေဒီယိုတွေကနေ အန္တရာယ် သတိပေးဥဩသံတွေ ထွက်ပေါ်ခဲ့လို့ ဝရုန်းသုန်းကား ဖြစ်ခဲ့ရပါတယ်။