ကမ္ဘာ့သတင်း

စစ်ကောင်စီကို Fortify Rights နဲ့ လူပုဂ္ဂိုလ် ၁၆ ဦးက ဂျာမဏီဗဟိုအစိုးရရှေ့နေရုံးမှာ စွဲချက်တင်

မဲခေါင် 24 Jan - 2023
မဲခေါင်၊ ဇန်နဝါရီ ၂၄ လူ့အခွင့်အရေးအဖွဲ့အစည်းတစ်ခုဖြစ်တဲ့ Fortify Rights နဲ့ မြန်မာနိုင်ငံက လူပုဂ္ဂိုလ် ၁၆ ဦးက စစ်ကောင်စီကို ဂျာမဏီ ဗဟိုအစိုးရရှေ့နေရုံးမှာ ရာဇဝတ်မှုတွေနဲ့ စွဲချက်တင်ထားတယ်လို့ ဇန်နဝါရီ ၂၄ ရက်နေ့က ဘန်ကောက်မှာ အသိပေး ရှင်းလင်းခဲ့ပါတယ်။

မဲခေါင်၊ ဇန်နဝါရီ ၂၄

လူ့အခွင့်အရေးအဖွဲ့အစည်းတစ်ခုဖြစ်တဲ့ Fortify Rights နဲ့ မြန်မာနိုင်ငံက လူပုဂ္ဂိုလ် ၁၆ ဦးက စစ်ကောင်စီကို ဂျာမဏီ ဗဟိုအစိုးရရှေ့နေရုံးမှာ ရာဇဝတ်မှုတွေနဲ့ စွဲချက်တင်ထားတယ်လို့ ဇန်နဝါရီ ၂၄ ရက်နေ့က ဘန်ကောက်မှာ အသိပေး ရှင်းလင်းခဲ့ပါတယ်။

စွဲချက်ကတော့ စစ်ကောင်စီဟာ ၂၀၁၇ ရိုဟင်ဂျာလူမျိုးတုံး သတ်ဖြတ်မှုဖြစ်စဉ်၊ ၂၀၂၁ စစ်အာဏာသိမ်းပြီးနောက်ပိုင်း စစ်ရာဇဝတ်မှု၊ လူသားချင်းမစာနာတဲ့ ရာဇဝတ်မှုတွေ ကျူးလွန်ခဲ့တဲ့အတွက် သက်သေအထောက်အထား ပေါင်းများစွာနဲ့ စွဲချက်တင်ခဲ့တာဖြစ်ပါတယ်။

ဒီစွဲချက်ကို ဂျာမန်ဗဟိုအစိုးရရှေ့နေရုံးက လက်ခံခြင်းရှိမရှိ မှတ်ချက်မပေးသေးပေမယ့် ပြီးခဲ့တဲ့ သောကြာနေ့ ကတည်းက တိုင်ချက်ဖွင့်ထားတာလို့ မြန်မာစစ်ကောင်စီဟာ လက်ရှိ ကမ္ဘာ့ တရားရုံး လို့ခေါ်တဲ့ နိုင်ငံတကာရာဇဝတ်မှုတရားရုံး (ICC) မှာလည်း အမှု ရင်ဆိုင်နေရဆဲဖြစ်ပါတယ်။

မြန်မာ့အရေးတက်ကြွလှုပ်ရှားသူတွေဟာ အာဂျင်တီးနားနဲ့ တူရကီနိုင်ငံ တရားရုံးတွေမှာလည်း စစ်ကောင်စီကို စွဲချက်တွေတင်ထားကြပြီး အာဂျင်တီးနားတရားရုံးက အမှုကို လက်ခံစုံစမ်းပေးဖို့ ၂၀၂၁ နိုဝင်ဘာလမှ လက်ခံပေး ခဲ့ပါတယ်။

Fortify Rights အဖွဲ့ အမှုဆောင်ချုပ် မက်သရူးစမစ်က “ဂျာမန်ဥပဒေအရ ကြီးလေးတဲ့ ရာဇဝတ်မှုတွေကို ကျူးလွန်သူတွေအပေါ် အရေးယူနိုင်တယ်။ သူတို့ဟာ မြန်မာနိုင်ငံမှာ နောက်ထပ် ဒီလို ရာဇဝတ်မှုမျိုးတွေမကျူးလွန်အောင်နဲ့ ကျူးလွန်သူတွေကို အရေးယူခြင်းနဲ့ တာဝန်ခံခိုင်းခွင့်ရှိတယ်။ ဒီလို ကြီးလေးတဲ့ ရာဇဝတ်မှုတွေဟာ ရှောင်လွှဲလို့မရနိုင်ပါဘူး”လို့ ပြောကြားသွားခဲ့ပါတယ်။

တရားခွင်မှာ အထောက်အထားတွေတင်ပြဖို့ ပူးတွဲစွဲချက်တင်တဲ့ လူပုဂ္ဂိုလ် ၁၆ ဦးက ၂၀၁၇ ရိုဟင်ဂျာအရေးမှာ ခံစားခဲ့ရသူတွေရယ် စစ်အာဏာသိမ်းပြီးနောက်ပိုင်း စစ်ကောင်စီရဲ့ ရာဇဝတ်မှုတွေကို မျက်မြင်ကိုယ်တွေ့ ခံစား သိရှိခဲ့သူတွေဖြစ်ပါတယ်။

ရိုဟင်ဂျာ လူမျိုးတုံးသတ်ဖြတ်မှုဖြစ်စဉ်ကို ကြုံတွေ့ခဲ့ရသူ အမျိုးသမီးတစ်ဦးက “ကျွန်မမိသားစုဝင် ခုနစ်ယောက်ကို စစ်ကောင်စီတပ်သားတွေ သတ်သွားတယ်။ ကျွန်မကို ဓားနဲ့ လှီးသွားတဲ့ သေရာပါဒဏ်ရာကြီးလည်း ခုထိရှိနေတယ်။ အလောင်းတွေပုံနေအောင်ကို သတ်သွားတာ မျက်မြင်သက်သေ တွေ အများကြီးရှိပါတယ်”လို့ ပြောပြခဲ့ပါတယ်။

Fortify Rights အဖွဲ့က ဒီအခြေအနေကို ဘန်ကောက်မှာ ရှင်းလင်းပြောကြားခဲ့ပြီး ရာဇဝတ်မှုတွေ ကျူးလွန်ခဲ့တဲ့ စစ်ဗိုလ်ချုပ်တွေကို တစ်ဦးချင်းစီရော တာဝန်ယူမှု၊ တာဝန်ခံမှုနဲ့ အပြစ်ပေးအရေးယူသွားနိုင်ဖို့ ရည်ရွယ်တယ်လို့ ဆိုပါတယ်။

Ref: alarabiya
MKF-001

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

ကမ္ဘာ့သတင်း

မြန်မာ့ဒုက္ခသည်ဦးရေ တိုးလာနိုင်သဖြင့် အကူအညီလိုအပ်နေကြောင်း ကုလထုတ်ပြန်

မဲခေါင်၊ ဇန်နဝါရီ ၃၁ မြန်မာနိုင်ငံရဲ့ လူဦးရေ သုံးပုံတစ်ပုံခန့်က လူသားချင်း စာနာနားလည်မှုဆိုင်ရာ အကူအညီအထောက်အပံ့တွေ လိုအပ်နေပြီလို့ မြန်မာ စစ်အာဏာသိမ်းမှု
ကမ္ဘာ့သတင်း

ကမ္ဘာသစ်ပြန်မွေးဖွားနိုင်မယ့် ဒုံးပျံကို ၂၀၂၅ မှာ လွှင့်တင်နိုင်ဖို့ အစ္စရေးသိပ္ပံကုမ္ပဏီ စီစဥ်

မဲခေါင်၊ ဇန်နဝါရီ ၂၇ ၂၀၂၅ ခုနှစ်ရောက်ရင် ကမ္ဘာပတ်လမ်းထဲကို လူသားဉာဏ်ရည်၊ DNA နဲ့ ကမ္ဘာ့သဘာ၀ရင်းမြစ်တွေဖြစ်တဲ့ သစ်ပင်ပန်းမန် မျိုးစေ့ဗီဇတွေပါတဲ့
ကမ္ဘာ့သတင်း မြန်မာ့နွေဦး

ဒေါ်နယ်ထရမ့်ရဲ့ ဖေ့စ်ဘုတ်နဲ့ အင်စတာဂရမ်အကောင့် ပြန်ဖွင့်ပေးတော့မယ်

မဲခေါင်၊ ဇန်နဝါရီ ၂၆ အမေရိကန်သမ္မတဟောင်း ဒေါ်နယ်ထရမ့်ရဲ့ ဖေ့စ်ဘုတ်နဲ့ အင်စတာဂရမ်အကောင့် တွေပိတ်ပင်ထားမှုကနေ ရက်သတ္တပတ်အနည်းငယ်အတွင်း ပြန်ဖွင့်ပေးတော့မယ်လို့ ဇန်နဝါရီ ၂၆ ရက်နေ့မှာ Meta က အတည်ပြုကြေညာပါတယ်။
ကမ္ဘာ့သတင်း

ရှောင်တာနယ်ကို တရားရင်ဆိုင်ဖို့ စစ်ကောင်စီအမိန့်ထုတ်ခြင်းအပေါ် စိတ်ပျက်မိကြောင်း ဩစတြေးလျ အစိုးရ တုန့်ပြန်

မဲခေါင်၊ ဇန်နဝါရီ ၂၆ ဒေါ်အောင်ဆန်းစုကြည်ရဲ့ စီးပွားရေး အကြံပေး ရှောင်တာနယ်ကို လွတ်ငြိမ်းခွင့်ရုပ်သိမ်းပြီး မြန်မာတရားရုံးပြန်လာ အစစ်ဆေးခံဖို့ စစ်ကောင်စီက ထုတ်ပြန်ခြင်းအပေါ် စိတ်ပျက်စရာကောင်းကြောင်း ဩစတြေးလျနိုင်ငံခြားရေးဝန်ကြီးဌာနက ထုတ်ပြန်လိုက်ပါတယ်။
ကမ္ဘာ့သတင်း

စစ်ကောင်စီကို ဒေါ်လာ ၁ သန်းကျော် ဂျပန်ဘက်ကထောက်ပံ့ခဲ့သဖြင့် HRW ဝေဖန်

မဲခေါင်၊ ဇန်နဝါရီ ၂၄ မြန်မာ စစ်ကောင်စီကို ဂျပန်အစိုးရ ဖွံ့ဖြိုးရေးထောက်ပံ့ကူညီမှုအစီအစဉ်အဖြစ် ဂျပန်ကုမ္ပဏီ Yokogawa Bridge Corp က ဒေါ်လာ ၁ သန်းကျော်ပေးခဲ့တဲ့အပေါ် Human Rights Watch (HRW)အဖွဲ့က ဇန်နဝါရီ
ကမ္ဘာ့သတင်း

မြန်မာ အပါအဝင် ယူကရိန်း၊ ပီရူး၊ ကင်မရွန်းက ပဋိပက္ခတွေ ငြိမ်းချမ်းဖို့ ပုပ်ရဟန်းမင်းကြီး အနူးအညွတ်ပန်ကြား

မဲခေါင်၊ ဇန်နဝါရီ ၂၃ စိန့်ပီတာရင်ပြင်မှာ ဇန်နဝါရီ ၂၂ ရက်က ပြုလုပ်ခဲ့တဲ့ ယေရှုလူ့ဇာတိခံယူခြင်း နဲ့ မယ်တော်မာရီ ကိုးကွယ်ဆုတောင်းခြင်းအခမ်းအနားမှာ ပုပ်ရဟန်းမင်းကြီး ဖရန်ဆစ်က မြန်မာ၊ ယူကရိန်း၊ ပီရူးနဲ့ ကင်မရွန်းနိုင်ငံတွေမှာ အကြမ်းဖက်သတ်ဖြတ်မှုတွေရပ်ပြီး ငြိမ်းချမ်းစေဖို့
ကမ္ဘာ့သတင်း

ဆေးထိုးအဆုံးသတ်ခဲ့သူတွေရဲ့ ကိုယ်တွင်းအင်္ဂါတွေကို အများဆုံးပြန်လည်လှူဒါန်းပေးနိုင်ငံအဖြစ် ကနေဒါရပ်တည်

ကနေဒါနိုင်ငံဟာ ဆေးထိုးပြီး ညင်သာစွာ သေဆုံးစေတဲ့လူနာတွေရဲ့ ကိုယ်တွင်းအင်္ဂါတွေကို အစားထိုးကုသနိုင်ဖို့ အများဆုံး ပြန်လည်လှူဒါန်းတဲ့ နိုင်ငံဖြစ်တယ်လို့ အမေရိကန်ဂျာနယ် Transplantation ရဲ့ လေ့လာမှုစစ်တမ်းမှာ  ဖော်ပြလာပါတယ်။
ကမ္ဘာ့သတင်း စစ်ရေးသတင်း

ဆိုလီဒါမြို့က ယူကရိန်းစစ်သည်အလောင်းတွေပြန်ပို့ဖို့  ဝက်ဂနာစစ်အုပ်စုအမိန့်ပေး 

ရုရှားသမ္မတပူတင်ရဲ့  လက်ကိုင်တုတ်တပ်လည်းဖြစ် ကမ္ဘာတစ်ဝန်း နာမည်ဆိုးနဲ့ ကျော်ကြားတဲ့ ပုဂ္ဂလိက စစ်တပ် လည်းဖြစ်တဲ့ ဝက်ဂနာအုပ်စု ဟာ ဆိုလီဒါမြို့ရှေ့တန်းစစ်မျက်နှာပြင်မှာ ကျဆုံးခဲ့တဲ့ ယူကရိန်းစစ်သည်အလောင်း တွေကို ယူကရိန်းဆီပြန်ပို့ပေးဖို့ အမိန့်ပေးခဲ့ပါတယ်။